جزاك الله خيرا اختى الفاضله ابنه صلاح الدين الايوبي
موقف مؤثر وفيه عدم انانيه واضح
اتمنى ان تحبنى زوجتى المستقبليه بهذه الطريقه فعلا او اكتر شويه
ولكن اريد ان اعرف هل تزوجت اختنا المتيقنه بالاسلام ؟
شـكــ وبارك الله فيك ـــرا لك ... لك مني أجمل تحية .
واسف للخروج عن الموضوع

لم أتواصل مع أختنا المتيقنة منذ فترة ..والعرض مازال قائمـــــــا
بارك الله فيك أخى المدافع عن الإسلام

اختى ابنة صلاح الدين الايوبى يارب يتزوج زوجك بثلاث غيرك ويجعل ذلك فى ميزان حساناته وساكتفى بدعوتى لك



بالنسبه لاخى zaki.mok

واضح انك مقرتش مشاراكاتى كلها الزواج المسيحى لا ينتهى الا بموت احد الطرفين او بزنى احد الطرفين وساعتها يكون للطرف الاخر الحريه فى الزواج يعنى بالنسبه للتحدى بتاع حضرتك لو الزوج او الزوجه زنى ساعتها ممكن الطرف الاخر يتجوز عادى

لانه فيه طلاق فى المسيحيه لعلة الزنى فقط وطبعا مفهوم ان الطرف التانى اللى يزنى


بالنسبه للايه

إِنَّ مَنْ طَلَّقَ امْرَأَتَهُ إِلاَّ بِسَبَب الزِّنَا وَتَزَوَّجَ بِأُخْرَى يَزْنِي، وَالَّذِي يَتَزَوَّجُ بِمُطَلَّقَةٍ يَزْنِي

قلى بقى انا بحمله فوق طاقته ازاى

اذا كنت انت بتقول انه بيتكلم عن منع الطلاق فى المسيحيه فنحن نتفق على ذلك تقدر تقلى ازاى هايبقى الطلاق ممنوع والزواج باكثر من واحده مسموح

طب ما انا كده ممن اضحك على ربنا واقله طيب انت منعتنى انى اطلق خلاص تمام بس انا بقى كل لما هاتجوز واحده وازهق منها مش هاطلقها زى مانت قلت لكن هاتجوز عليها الى مالانهايه وكل شويه اجيب ست واضمها لقطيع النسوان بتاعى وبدون ما اطلق ولا واحده ماهو مفيش عدد معين للزوجات فى المسيحيه والا قلى انت بقى كام زوجه مسموح بيها فى المسيحيه؟

يا اخى المبدئين غير منفصلين منع الطلاق لابد وان يكون مصحوبا بحد اقصى للزوجات والا مبيقاش له لزمه

يعنى ازاى يعنى المسيح يقلى مينفعش انك تبدل مراتك بزوجه تانيه وانا اقله طيب انا مش هابدلها انا هاجيب واحده كمان معاها بقى ده كلام ناس عاقلين

اما من يتزوج بمطلقه يزنى فالمقصود بيها ان لو فيه راجل عازب مثلا تزوج بامراه تركت زوجها وتزوجته ساعتها هما الاتنين هايبقوا زناه

يا اخى لاحظ لقب مطلق فى المسيحيه تعنى زاااااااانى الطرف الذى لم يزنى لا يحمل لقب مطلق او مطلقه ابدا

لماذا انزعجت بهذه الصورة ؟؟!!

ما فهمته منك أنك تريد أن تواجهني بنواتج تشريع التعدد ... وأنا أتمنى أن يكون لي زوج يعلم حدود الله وطيب القلب ويعول أكثر من أسرة لحل مشكلة العنوسة ... ولم أغضب من قولك هذا إطلاقًا .. فالذي يتزوج من امرأة أخرى لكي يحل مشاكلها فإنه إنسان نبيل أتمنى أن يكون لدي زوج صالح مثله ..

أما قولي أنني لن أدعو عليك فأردت أيضًا أن أريك نتيجة تشريع عدم الطلاق ليس إلا ( ولقد تعمدت ذلك ) .. ولاحظ أنني لم أدعو عليك بل دعوت لك بالهداية ونور البصيرة ...



طيب لو مافيش أولاد ؟؟؟!!!

واحد محترم كل أمله في الحياة انه يعمل أسرة وبيت وأولاد وأختار إنسانة ظن أنها طيبة وتحولت بعد الزواج مع فشله في إصلاحها وارضاءها ... ما ذنب هذا الرجل ...أن ينفصل عن زوجته ويعيش حياته إلى الأبد دون زوجة ولا أولاد ... ولا البيت السعيد الذي تمناه ... يا زميلنا الفاضل ... فكر بشكل واقعي ... أريدك أن تضع نفسك مكان الحالة ليس أكثر ...
الحياة ليست جميلة كما تتخيل ولا الناس بهذه الطيبة ... ولا يوجد أي شئ مضمون ... !!!

وماذا يعني الإنفصال مع وجود المشاكل ... هل بهذا ستكون الحالة النفسية للأولاد جيدة ... وما فائدة الإنفصال وعدم الزواج إذًا ؟؟؟!!!!

وهل شرع الكتاب المقدس الإنفصال أصلًا وهل هذا من تعاليم المسيح أم أنه من الكنيسة ؟؟!!!!

وبالنسبة لدعوتك إني أكون سبب في حل مشكلة العنوسة فأقول لك آمين ... يا ريت أبقى حاجة كبيرة بالشكل ده ... وأحل مشكلة العنوسة

ولا أعلم لماذا أعطيت هذا الأمر أكبر من حجمه ... يبدو أنه أزعجك كثيرًا ...آسفة فعلًا لذلك !

الفرق أن سيدنا آدم والسيدة حواء كانا مثل الأطفال فقد علم الله عز وجل الأسماء لسيدنا آدم ... كذلك لم يكن الإنسان يعلم عن خبرات الدنيا إلا القليل ولم يعلم القتل إلا ولد آدم لأول مرة ولم يعلم الدفن إلا أن بعث له الغراب ليواري جثة أخيه ...
فحياتهم ليست كحياتنا ولا ظروفهم كانت كظروفنا ... أما عن الإنقراض والإنتشار ... فإن الله عز وجل كان يعلم أن هذا الإنقراض لن يحدث ... أليس هو العليم الخبير ؟؟


ولو إني لا أفهم ما معنى مجرد حواء واحدة ... ولكني ما أفهمه أنك تريد أن تعرف ما هو نعيم المرأة في الجنة على ما أعتقد :

نعيم المرأة في الحياة الأبدية بين الإسلام والمسيحية


ومن قال لك حينها أن الله عز وجل أراد أن ينمو الجنس البشري وقتها ؟؟!!

ومن قال لك أن قدرات الإنسان على التناسل وقتها كوقتنا الحالي ؟؟!!!

ومن قال لك أن بنية الإنسان وطول عمره في ذلك الوقت كوقتنا الحالي ...؟؟؟!!!

يارب ياساره يرزقك بهذا الانسان النبيل الذى يعول اكثر من اسره ويارب اشوفك زوجه من اربعه عشان انت وزوجك يبقى لكم ثواب فى الجنه عشان قللتم من مشاكل العنوسه فى الارض

وانا احب اقلك انا مدتش الموضوع اكبر من حجمه ولا حاجه ده انا بدعيلك مش اكتر

اما بالنسبه لو مفيش اولاد والزوجه سيئه جدا لدرجه لاتطاق وبعد محاولات كثيره لانجاب اولاد او لاستمرار الحياه كله كله فشل وبقى لازم ننفصل عارفه ساعتها الحال هايبقى ايه

هاعتبر نفسى ان الله حرمنى من نعمة الزواج زى ماحرم غيرى من نعمه الابصار او السمع او الحركه فلماذا نرضى بقضاء الله فى هذه الامور ولا نرضى به عند فشل الزواج

فليس كل من يولد لابد وان يولد اعمى او معاق وايضا ليس كل من يتزوج ستكون زوجته لا تطاق ولكن احيانا يحدث ان يقدر الله لانسان ان يحرم من نعمة ما فى الحياه وماعلينا الا ان نشكر ربنا نرضى بقضائه مهو مش هانكفر يعنى عشان الله سمح لنا بالحرمان من نعمه ما فى الحياه وفى الغالب الله بيعوض ده فيه ناس مولوده بدون ايدين ورجلين وشاكرين ربهم اقوم انا بقى عشان جوازى فشل اقوم اعترض واقول لربنا لا انا عاوز يكون فيه طلاق وساعتها بقى اولاد الناس تتبهدل والبيوت تتخرب على اتفه الاسباب لانه واحنا نحل المشكله ليه شيل ده من ده يرتاح ده عن ده

بالنسبه للانفصال ليس له تشريع طبعا لانه عباره عن ان الزوجين مبيقعدوش مع بعض فى مكان واحد لو عاوزين يرجعوا لبعض ممكن يرجعوا لبعض فى ثانيه بدون اى طقوس او شرائع

وهل الأيدي والأرجل التي يصعب إستبدالها إذا فسدت بأرجل أو أيدي حقيقة مثل البشر الكثيرون الذين من الممكن أن يعوضوا نقصًا أحدثه آخرون ... ؟؟؟!!!

ولو كانت زوجتك لا تنجب ولا تريد أن تنفصل عنها وتشتاق للأولاد بشدة ... ما الحل حينها ؟؟؟!!! ( كن موضوعيًا )

عمومًا الله عز وجل قد وعد الذي صبر في الدنيا على المصائب بجزاء في الآخرة في الإسلام ... فماذا عن الذي حرم كل شئ في المسيحية في الدنيا ... يبقى محروم دنيا وآخرة ...؟؟؟!!!!

بالنسبه للانفصال ليس له تشريع طبعا لانه عباره عن ان الزوجين مبيقعدوش مع بعض فى مكان واحد لو عاوزين يرجعوا لبعض ممكن يرجعوا لبعض فى ثانيه بدون اى طقوس او شرائع

طيب طالما هذا ليس بتشريع ولكنه أحد اجتهادات الكنيسة إذًا تشريع عدم الطلاق كان قاصرًا لدرجة جعلت الكنيسة تلجأ لحلول لحل المشكلة ... هذا ما أردت أن أوصله لك !

بالنسبه لموضوع ادم وحواء يا اخت ساره

يعنى ايه كانوا اطفال يعنى ادم ممارسش علاقه جنسيه مع حواء؟ طبعا يعنى اكيد مارس

بالنسبه لاسالتك العجيبه جدا

ومن قال لك حينها أن الله عز وجل أراد أن ينمو الجنس البشري وقتها ؟؟!!

ومن قال لك أن قدرات الإنسان على التناسل وقتها كوقتنا الحالي ؟؟!!!

ومن قال لك أن بنية الإنسان وطول عمره في ذلك الوقت كوقتنا الحالي ...؟؟؟!!!

اسالتك يا اختى فيها لف ودوران جدا لانه مثلا لو مكنش الله عاوز الجنس البشرى ينموا امال كان عاوز ايه ينقرض فليكن هو ياستى مكنش عاوزه يكتر ولا حاجه

وصحيح ان الانسان زمان كان يعيش اطول من دلوقتى

لكن بقى الاكيد ان كان قدرته على الانجاب كانت مختلفه متزعليش منى ده كلام فاضى لان المراه الله خلقها بتجيب طفل او طفلين فى السنه مش معقول يعنى حواء كانت ارنبه

وغييييييييير كل الحاجات ديه اللى مش عجاباكى خلاص بلاشها انما خلق اربع نثيات مع ادم كانت هاتبقى اشاره واضحه من الله ان الزوج يمكن ان يتزوج باكتر من واحده تمهيدا لنزول القران فلماذا لم يفعل الله ذلك

يعنى لو لا قدر الله يا اخت ساره وكنت حرمتى من نعمة البصر منذ مولدك او اثناء حياتك

كيف يمكنك تعويض ذلك بالبدائل

وهل مكنتيش هاتبقى زيى نفسك تفتحى زى مانا نفسى فى اولاد بس لا انت هاتفتحى ولا انا هايبقى لى اولاد

عمومًا الله عز وجل قد وعد الذي صبر في الدنيا على المصائب بجزاء في الآخرة في الإسلام ... فماذا عن الذي حرم كل شئ في المسيحية في الدنيا ... يبقى محروم دنيا وآخرة ...؟؟؟!!!!

عفوا اختى ساره فكما تؤمنين ان الصبر فى الدنيا فى الاسلام يعوض فى الاخره فهكذا انا اؤمن ايضا فى المسيحيه

الاستاذ جيسس لاف
بما انك ظللت تناقش موضوع الطلاق والانفصال مع الاخوة
فإنى اراك تهربت من سؤال صعب جدا تهربت منه وهو سؤال اخى / المدافع عن الاسلام
والسؤال هو ( هل يوجد نص واحد فى العهد الجديد كله انه يحرم الزواج بأكثر من واحدة )؟
دعنا ننتظر اجابتك حتى لا يتشعب الحوار ودعنا من طرح الافكار العقلية ولنركز فى المنقول والمنصوص , ما دام الكل له وجهة نظره , ولنجعل النصوص هى التى تحكم فى الموضوع .......فهلا جاوبتنى على هذا السؤال استاذى ( هل حرمت المسيحية الزواج بأكثر من واحدة ؟)......ننتظر الاجابة حتى نستبين انك تتحدث من واقع ايمانك لا من واقع افكارك
منتظر الاجابة.
مجد الاسلام

لا أتكلم عن ذلك فقط ... أعني أن هناك الكثير من أمور الحياة كان يجهلها الإنسان كما بينت لك بمثال القتل والموت والدفن ... فكيف يكون هناك مجموعة كبيرة من البشر في بداية الخليقة لا يعلمون الكثير عن أمور الحياة ؟؟؟!!!!

بالتأكيد أولادهم كانوا سيصبحون على نفس الهيئة وقلة الخبرة !

لكن بقى الاكيد ان كان قدرته على الانجاب كانت مختلفه متزعليش منى ده كلام فاضى لان المراه الله خلقها بتجيب طفل او طفلين فى السنه مش معقول يعنى حواء كانت ارنبه

من قال لك ذلك ؟؟!!!!
إن كان ليس لديك أدلة على اختلاف القدرة فلا داعي للخوض في نفي هذا الأمر كثيرًا ..

وغييييييييير كل الحاجات ديه اللى مش عجاباكى خلاص بلاشها انما خلق اربع نثيات مع ادم كانت هاتبقى اشاره واضحه من الله ان الزوج يمكن ان يتزوج باكتر من واحده تمهيدا لنزول القران فلماذا لم يفعل الله ذلك

قلت لك لكل فترة ظروفها الخاصة بها ... ورددت عليك بخصوص هذه الفترة تحديدًا بالأعلى ..

لقد قلت لك أن القياس فاسد ... فقد البصر لا يوجد له بديل ... بخلاف فقد الزوج الصالح أو الزوجة الصالحة ...

كذلك إن كان لأم طفل واحد ومات عنها هذا الطفل فهل تكتفي بذلك ولا تنجب مرة أخرى رغم أن الله أهلها للإنجاب مرة أخرى ..؟؟!!!!

تعلم لو كنت مقتنع بما تقول ... لوصل ذلك للقارئ فورًا ....

عفوا اختى ساره فكما تؤمنين ان الصبر فى الدنيا فى الاسلام يعوض فى الاخره فهكذا انا اؤمن ايضا فى المسيحيه

كيف ذلك ؟!

مينفعش اختى ساره كل حاجه تقوليلى روح واثبتها وانت عارفه كويس ان المعلومات عن ادم واحواء ضيئيله ولما نبقى عارفين ان المراه اليوم بتحتاج سنه عشان تجيب طفل او تنين بالكتير يبقى من المفترض ان حواء كمان تبقى كده واللى عاوز يثبت عكس كده هو اللى يثبت

انت اللى عاوزه تثبتى ان حواء مكنتش زى اى ست وده مش طبيعى انت اللى المفروض تثبتى مش انا

على العموم الحوار بتاع حواء ده مش موضوعى

لانى انا كمان ممكن اقلك طب وانا اش عرفنى ان الظروف الحاليه هى الظروف المناسبه للزواج من اربعه مش جايز تلاته كفايه او اكتر من اربعه خمسه مثلا او جايز واحده بس زى ما المسيحيه بتقول

وان اش عرفنى مهو ديه طريقه نقاش مش موضوعيه

طيب طالما وصلنا لطريق مسدود في هذه النقاط ( الخاصة بالشرائع ) ... ما رأيك في أن نتحاول في نقطة أخرى .. ؟؟!!

ممكن تتفضل تشرفني في الموضوع ده :

أدلة التحريف (من كتب هذا السفر؟ - هل هذا كلام الله؟ - هل هذا إنجيل المسيح؟)

اقرأه جيدًا ... وشرفني برودك فيه ...

وليه القياس فاسد بقى ان شاء الله

انا بقلك واحد ربنا حرمه من الابصار ورضى بضاء ربنا

وواحد ربنا بلاه بزوجه لا تطاق فحرم من الزواج ورضى بقضاء ربنا

ايه اللى دخل بقى الطفل اللى مات واللى اتعوض انا بتكلم على جوزاه لا نافع فيها خلفه ولا زوجه صالحه ولا اى حاجه زواج مع ايقاف التنفيد يعنى

ايه الفساد فى كده اذا كان فيه ناس راضيه بحكم ربنا بالحرمان من الابصار انا ليه مرضاش بالحرمان من الزواج

عفوا اختى ساره فكما تؤمنين ان الصبر فى الدنيا فى الاسلام يعوض فى الاخره فهكذا انا اؤمن ايضا فى المسيحيه

اقصد ان شىء طبيبعى فى المسيحيه ان اللى هايصبر فى الدينا هينال جزاؤه فى الاخره