السلام عليكم ورحمة الله وبركاته ,,,

صديقى المسيحى متدين أوى ، أواخر الأسبوع بيبقى على طول فى الكنيسة ، الأربعاء والخميس والجمعة أو الخميس والجمعة ، معرفش بيعمل ايه صراحة ، لكن كذا مرة يفكس الخروجة عشان بيبقى فى الكنيسة ، والمشكلة إنه بيعد 4 أو 5 ساعات ، ولا عندى فكرة بيعمل ايه ومش بحاول أسأله.


هو صراحة أحد أصدقائى المقربين أوى ، بنتشابه فى معظم الصفات بغض النظر عن اختلاف الدين ، وهو ما شاء الله ذكى وهادىء وتفكيره منطقى جدا ً ، فأنا مش عارف هو ازاى مسيحى متدين كدة ، على أساس إن المسيحية مليئة بالخرافات.

ممكن فى حوار أقدر أكشف عن وجهة نظره ، بس للأسف معنديش أى فكرة عن الدين المسيحى ، كل الل اعرفه مجرد قشور ، فهل ياترى فيه مصدر موثوق بسيط وسهل أقدر أفهمه ميكنش معقد وملىء بالحشو ، أعتقد لو دار بيننا حوار إن شاء الله ، هيكون حوار منطقى عقلانى بعيدا ً عن التفاصيل الدقيقة.

عاوز أعرف ازاى أكلمه وأبدأ ازاى وفى نفس الوقت أعرف أرد عليه لو سألنى مثلا ً أنا ليه مسلم ، إجابات تكون منظمة قوية ، عاوز أهزه ، مبقاش متردد ، وكمان عاوز مصادر أقوله يرجعلها ويقرا منها.

ولا تفتكروا بلاش؟ على أساس إنى غير متعلم كفاية ، بس انا خايف ربنا يسألنى عنه ، كمان خايف عليه لأنه صاحبى.