بسم الله الرحمن الرحيم الحمدلله والصلاة والسلام على اشرف الخلق نبينا محمد صل الله عليه وسلم وعلى اله وصحبه اجمعين اخوانى الافاضل كل سنة وحضراتكم طيبين وكل المسلمين بمناسبة شهر رمضان الكريم ربنا يعيده علينا وعلى كل المسلمين وينصر الاسلام والمسلمين فى كل مكان ويجزيكم خير على المنتدى الرائع دى اللى بعتبره بيتى التانى بجد

ليا سؤال واستفسار عن اية فى القرأن الكريم وانا بقرأ القرأن الكريم وهى بسم الله الرحمن الرحيم(فَلَمَّا أَتَاهَا نُودِيَ مِن شَاطِئِ الْوَادِ الْأَيْمَنِ فِي الْبُقْعَةِ الْمُبَارَكَةِ مِنَ الشَّجَرَةِ أَن يَا مُوسَىٰ إِنِّي أَنَا اللَّهُ رَبُّ الْعَالَمِينَ (30) صدق الله العظيم قرأت كل التفاسير لكنى برضو مفهمتش هل الكلام وصوت رب العزة تبارك وتعالى صدر من داخل الشجرة ولا الاية بتوصف ان كلام رب العزة صدر من السماء من الناحية اللى فيها الشجرة فقط بمعنى ان الاية الكريمة بتوصف الناحية اللى صدر منها صوت رب العزة تبارك وتعالى اللى هى الواد الايمن اللى فيه الشجرة لكن الصوت صدر من السماء فانا مستشكل عليا الفهم وقرأت جميع التفاسير برضو مفهمتش وموصلتش للفهم اللى انا عايزه فياريت حد من الاخوة الافاضل يفهمنا المقصود بالظبط باسلوب بسيط ولكم التحية والتقدير والشكر وجزاكم الله خيرا