رد: لمجابهة الفاجر إبراهيم عيسى : شارك في حملة #هنخسر_جريدة_المقال
مصطفى عبد الناصر
بفضل الله من كل المحافظات تواصلوا معايا فى إطار حملتنا #هنخسر_جريدة_المقال
أما أنا اليوم فانتظروا مفاجآت فى تحركى فى إطار حملتنا لتجفيف منابع توزيع جريدة المقال التابعة للفاسق الفاجر إبراهيم عيسى
هنخسَّر جريدة المقال
----------
المناطق إللى تم توعية بائعي الجرائد فيها ألا يبيعوا جريدة المقال
مدينة نصر
جسر السويس
المعادي
شبرا الخيمة
شبرا مصر
الجيزة
اغلب مناطق اسكندرية
الزقازيق
عدد كبير فى المنصورة
طنطا
نجع حمادي
سوهاج
وما خفى كان أعظم
إبراهيم عيسى هيتفاجئ
هى جريدة فاشلة ، وإحنا هنحاربها محاربة كاملة
اكتب منطقتك إللى انت شاركت فيها فى حملتنا
#هنخسر_جريدة_المقال
------------
اللهم لك الحمد
النهارده فعلت الحملة بتاعتنا فى طنطا ، مع ثلاث بائعين ، استجابوا بفضل من الله
وأقسموا على عدم عرض جريدة المقال مرة أخرى
ولم اضطر لشراء النسخ ، بفضل الله
والله يا إبراهيم عيسى مهسيبك ولا هنسيبك تتهنى بمكسب طول ما بتسب وتنتقص من ديننا
وأبشر الجميع أن عدد الشباب والأخوات الذين تحركوا اليوم كبير جدا
وأسوق إليكم بشرى ، قد منّ الله علينا بالتواصل مع رجل يعمل بمجموعات كارفور ، فى محاولة منا لتنبيه إدارة المشتروات لخطر بيع هذه الجريدة ، وأسأل الله التوفيق
أنشر ، إشحذ الهمم ، تابع حملتنا
#هنخسر_جريدة_المقال
مسلمة ولله الحمد
اكتشف المزيد حول نصرة الإسلام
-
رد: لمجابهة الفاجر إبراهيم عيسى : شارك في حملة #هنخسر_جريدة_المقال
خديجة مسخادوف
=================
ذهبت إلى بائع جرائد تحت منزلنا ببضع مترات (اسمه محمد رجل فى اوائل العقد السادس من عمره )
قلت له : لو سمحت عندك كام نسخة من جريدة المقال
قال : 20
قلت له : لو سمحت اديهمولى كلهم
بصلى كده وقالى ليه يا بنتى كده دى جريدة (معفنةوشغالة شتيمة فى النبى ) قالها لى باللفظ devil emoticon
قولتله حضرتك تعرفنى ( بالرغم من ارتدائي زيى الشرعى )
قال لى : اها مش انتى بنت الشيخ كذا
قولتله : اها
قالى بلاش تشتريها
قولتله طيب يا حاج لو حد جه من برة المنطقة واذانى او تكلم عنى بما ليس فى هتقبل
قال لى : لا والله ما اسكتله
قولتله حتى لو جه كل يوم واداك مثلا 30 او 40 جنيه
قالى : اها حتى لو جه وادانى فلوس
ثم سكت قليلا وعرف ما اعنيه جيدا
اتى بالنسخ وقطعها امامى ووضعها فى ارضية الكشك وقالى تصدقى بالله لو شوفتى الجرنان ده عندى تانى يبقى ليكى الكلام
قلت له : جزاك الله خيرا
ثم اشتريت منه مجلات ميكى وماجد ومجلات اطفال
قالى : روحى ربنا يكرمك يا بنتى وما يحكم عليكى ظالم
انا بداخل نفسي : ما هو اتحكم خلاص يا حاج cry emoticon
ما نشرته الا للتحفيز ولانى وجدت بعض الامل فى هذا الرجل وان نفوس هؤلاء تحتاج الى ازالة الغبار من عليها
ربى ارزقنى الاخلاص فى القول والعمل
#هنخسر_جريدة_المقالاترك تعليق:
-
رد: لمجابهة الفاجر إبراهيم عيسى : شارك في حملة #هنخسر_جريدة_المقال
اخ بعت لي الرسالة دي علي الخاص
ذهبت لبائع جرائد
- السلام عليكم ، ازيك يا حاج ( رجل ستينى )
- عليكم السلام ، تحت امرك يا باشمهندس
- لا يا حاج ، انا لقيت الدنيا حر قلت اجيبلك بيبسى ، تفرفشك شويه ، وقلت نشربها سوى
مددت يدى بعلبة بيبسى ، وفتحت الاخرى
- تسلم يا ذوق
قاعد جنبه على الرصيف ، عملت فيها ببص بعيد ، وقلت له : ألا بقولك يا ابويا ، فى حاجه شخصية عايز أسالك فيها ، وحضرتك قد والدى وأكيد خبرتك فى الحياة اكبر منى
- تحت امرك يا ابنى
- واحد بيشتمنى بابويا كل يوم ، وشتائم وحشة اوى ، بيتكلم فى عِرضه وبيتكلم فى عِرض امى ، بس للأسف مصلحتى معاه ، مقدرش اقطع علاقتى بيه ، اصله بيدينى كل يوم عشره او عشرين جنيه ، زى ما تُرزء بقى ، رأيك اقطع علاقتى معاه ، وتولع العشره جنيه ، ولا اكمل واسيبه يشتم ابويا
- لا طبعا يا ابنى ، اللى ييجى على كرامتك وكرامة اهلك بالجزمة ، لو بيجيلك منه كنوز الدنيا والدين ، اللى ملوش خير فى أهله ملوش خير فى حد ، وبعدين إيه يعنى العشره جنيه ، ده حتى مبتجيبش إزازتين بيبسى ،، اقطع علاقتك بيه طبعا
- الله ينور عليك يا ابويا ، والله راجل كُباره ومحترم ، بس والله عايز أقولك حاجه بما إننا فتحنا سيرة اللى ملوش خير فى أهله ملوش خير فى حد ،، تعتقد النبى صلى الله عليه وسلم أغلى ولا أبويا
- عليه الصلاة والسلام ( بلكنة أهل الشارع ) لا طبعا سِيدنا النبى أغلى أكيد
- طيب ينفع يا حاج تبيع جريده بتسب فى عرض النبى وأصحابه وأمهات المؤمنين ، وبتطعن فيهم ، علشان مكسب عشره جنيه فى اليوم
خمس دقائق كانت كفيلة إن الراجل يقرر إنه مستحيل يبيع جريدة ( المقال ) التابعة للفاجر ( ابراهيم عيسى ) بعد ما وضحت له ووريته بعينه ، وعرفته سيرة سيدنا عقبة بن نافع .
لو كل واحد نزل لبتاع الجرائد اللى جنبه ، وبطريقه لطيفة كده وضح له انه بيوؤذى النبى ببيعه للجريدة دى ، هنوقف نشر الجريدة ، وهيتكبدوا خسائر فادحة
وإن شاء الله منتظر منكم ، نشر الفكرة ، او نقلها ، وهنعمل حملة لتجفيف منابع بيع الجريدة لحد ما تقف تماما
تقدر تنصر نبيك ودينك وتدافع عن ثوابتك ، حتى لو لم تملك العلم الكافى ، حاربهم اقتصاديا ، خسرهم دنيا ، وتأكد إنهم خسرانين أخره
#هنخسر_جريدة_المقال ( هانشر أفكار الحملة على الهشتاج ده ، لو عندك فكرة انشرها انت كمان )
#شير_فى_الخير
منقووووووووووووووووووووول
اترك تعليق:
-
لمجابهة الفاجر إبراهيم عيسى : شارك في حملة #هنخسر_جريدة_المقال
السلام عليكم ورحمة الله وبركاته
شارك إخوتك في الذب عن عِرض النبي صلى الله عليه وسلم والدفاع عن إسلامنا الغالي . إنزل لبائعي الجرائد والمجلات وبصَّرهم بحقيقة تلك الجريدة ورغِّبهم في الدفاع عن دينهم وشجعهم على الامتناع عن توزيع تلك الجريدة .
أبذل على قدر جهدك ووسعك فالله تعالى لن يسألك عما سوى ذلك
#هنخسر_جريدة_المقال
----------
آخر مرة عملنا حملة ضد منتجات "الحسن والحسين" الغذائية ، تانى يوم رؤساء مجلس إدارتهم اتصلوا بيا ، والشركة كلها كانت على قدم وساق ، كل ده علشان كانوا الراعى الرسمى لبرنامج إسلام البحيرى ، النهارده عاملين هشتاج ضد جريدة ( المقال ) بتاعت الفاجر ( إبراهيم عيسى ) بنطرح فيه حلول واقعية علشان نوقف طباعة الجريدة ، أكيد مش محتاج اقولكم انشروا الهاشتاج ، لإن ده واجب عليكم فى الذب عن النبى صلى الله عليه وسلم وصحبه وعلماء أمتنا وثوابتنا
#هنخسر_جريدة_المقال
---------
فى ساعته الأولى هاشتاج #هنخسر_جريدة_المقال يشارك فيه الاف الشباب الغيورين على دينهم اللهم لك الحمد
وإن شاء الله عدد كبير جدا من الناس هينزلوا يوعوا بائعى الجرائد إنهم يوقفوا توزيع الجريده دى
--------
جريدة المقال ، هتنزل ، واحنا كمان هننزل
هننزل نعرف بائعى الجرائد إن الجريدة تسب النبى وتطعن فى الثوابت حملتنا مستمرة على جريدة المقال ،
وفى تصعيد نحن بصدده إن شاء الله بكره كل واحد يقدر ينزل يقول لبائع الجرائد القريب منه ، ينزل وأنت رايح شغلك ، مش هتاخد منك خمس دقائق
لو اجازه من شغلك انزل لأجل عرض النبى الذى يُنتهك
لو مش هتقدر تعمل حاجه انشر وساعدنا بالوصول للى هيقدروا ..
لن يربح إبراهيم عيسى دنيا ولا أخرى بسببنا إن شاء الله
#هنخسر_جريدة_المقال
--------
| المواضيع | إحصائيات | آخر مشاركة | ||
|---|---|---|---|---|
|
ردود 0
38 مشاهدات
0 ردود الفعل
|
بواسطة د.أمير عبدالله
|
||
|
|
ردود 0
42 مشاهدات
0 ردود الفعل
|
بواسطة د.أمير عبدالله
|
||
|
|
رد 1
37 مشاهدات
1 رد فعل
|
بواسطة *اسلامي عزي*
|
||
|
|
رد 1
44 مشاهدات
1 رد فعل
|
بواسطة *اسلامي عزي*
|
||
|
|
ردود 2
65 مشاهدات
0 ردود الفعل
|
بواسطة قلب ينبض بحب الله
|
اترك تعليق: