السلام عليكم ورحمه الله

اليوم شفت حلقة باسم يوسف اللي عملت ضجه واندهشت من استغفاله للمتابعين بهذا الشكل المفضوح،
يعني مثلا بعد ماعرض خلاف السلفيين والأخوان وتعليق الشيوخ اللي ذكروا ان الخلاف سياسي وتاريخي وماله علاقه بالعقيده وصل باسم للخلاصه الي عايز يوصلها للناس وقال أنا قاعد اتخيل لو حد من التيار المدني (يقصد العلمانيين والمسيحيين) قال كدا ع حزب النور كان حيحصل له ايه ؟
وقصده انهم حيقولوا عليه معادي للاسلام والشريعه ومش خلاف سياسي وتاريخي وهذي هي التجارة بالدين في رايه

طبعا كلامه هذا مرفوض عند اي عاقل لان الخلاف بين تيارين اسلاميه (متفقين في الثوابت بينهم) ليس مثل خلاف بين تيار اسلامي وتيار علماني (مختلفين في الثوابت) ، وانا اسال اي واحد مخدوع في كلامه لو فيه خلاف بين حزبين مدنيه مثل حزب عمرو موسى وحزب البرادعي او حزب حمزاوي هل هو مثل خلافهم مع الأخوان أو حزب النور او حزب الشيخ حازم ؟؟

ولو نتذكر اسئلة العلمانيين للتيارات الاسلامية ايام الانتخابات كانت من نوعيه هل هتمنعوا لبس البكيني وهل حتمنعوا شرب الخمر وهل حتمنعوا التمثيل وهل حتمنعوا الغناء والرقص وهل حتطبقوا الحدود وهل حتفرضوا الحجاب وهل حتمنعوا عبادة الشيطان والبوذيه والتشيع في مصر .. والخ من هذي الأسئله اللي تبين تباين كبير في الأساسيات والثوابت بينهم

وبعد هذا يأتي باسم ويحاول يوصل للناس ان خلاف العلمانيين والمسيحيين مع الاخوان والسلفيين او الاسلاميين بصفه عامه ماله دخل بالدين وان الاسلاميين استغلوا الدين في السياسه !
يعني انت عايز تفهمنا أن العلمانيين والمسيحيين ممكن يقبلوا اي حزب اسلامي جديد مثل حزب الشيخ حازم أو غيره ؟ وان مشكلتكم معهم مش في اسلامهم أو في تشددهم الديني زي مابتقولوا ؟

والمضحك أنه ناقض نفسه بعدها وقال بكره تجي الانتخابات ويتوحدوا مره ثانيه ، وهذا لانه عارف انهم حزبين اسلاميه خلافاتهم ليست حول الثوابت بالضبط زي ماتوحدت الاحزاب العلمانيه في جبهة الانقاذ لمجابهة التيارات الإسلاميه ..

تدليسه الثاني في الحلقه لما عرض فديو المرشد يهمس لمرسي وماذكر ان هذا قديم يعني لما كان مرسي تحت سلطة المرشد وماترشح باقي للرئاسه ، ولما الناس علقت ووضحت تدليسه وانكشفت تفاهة باسم كتب في تويتر :
" الى من الغوا عقولهم و قالوا ان فيديو القصاص مفبرك. الفيديو الاصلي اهو.ايام ترشيح خيرت الشاطر.لم ادعي في الحلقة ان مرسي كان رئيسا وقتها "

وفي تغريده بعدها :
" وقلت قبل الفيديو ان موضوع المرشد يحكم كليشيه .و لم ادعي على مرسي انه رئيس "

وهنا باسم يكذب بوقاحه ويستغفل متابعيه استغفال رخيص لان اللي شاف الفديو يعرف انه قال كليشيه بطريقه نفي ساخره بقصد بها الإثبات من خلال عرض الفديو بعدها ، والفديو واضح ولا ادري هل باسم يظن متابعيه عجم أو أغبياء ؟
اسمعوا المقطع واحكموا :
http://www.youtube.com/watch?v=rttiSDIvbZQ

ويستمر هذا الباسم الليبرالي في تلبيس الحق بالباطل والله حسيبه ..