حوار مع العضو اللاأدري "y2j2‏"

**أحمد.** · 6 أبر, 2013, 03:07 ص

المشاركة الأصلية بواسطة y2j2

متفق معاك . كمل ولو فى حاجة مش مقتنع بيها هقول عليها

معنى انك متفق معايا انك متفق معايا ان صدق رسول الله صلى الله عليه وسلم دليل على صدق الرسالة ؟

وبالتالى فهو فعلا صادق وهو فعلا رسول الله والقرآن فعلا موحى به من الله ؟

متفق معايا على ده ؟

يبقى فين المشكلة ؟

لو انتا دلوقتى مقتنع بالكلام دا بس محتاج نكمل فأدلة صدق الرسالة مفيش مشكلة .. نكمل لحد انتا ما تشبع .. لحد آخر لحظة فعمرى لو ربنا يقدرنى .. وأكيد كل دليل ممكن يرفع عندك اليقين ويزود إيمانك .. لكن المهم لما توصل لدرجة الاقتناع العقلى على الأقل نكون عارفين.

**y2j2** · 6 أبر, 2013, 03:19 ص

معنى انك متفق معايا انك متفق معايا ان صدق رسول الله صلى الله عليه وسلم دليل على صدق الرسالة ؟

وبالتالى فهو فعلا صادق وهو فعلا رسول الله والقرآن فعلا موحى به من الله ؟

متفق معايا على ده ؟

يبقى فين المشكلة ؟

لو انتا دلوقتى مقتنع بالكلام دا بس محتاج نكمل فأدلة صدق الرسالة مفيش مشكلة .. نكمل لحد انتا ما تشبع .. لحد آخر لحظة فعمرى لو ربنا يقدرنى .. وأكيد كل دليل ممكن يرفع عندك اليقين ويزود إيمانك .. لكن المهم لما توصل لدرجة الاقتناع العقلى على الأقل نكون عارفين.

لو فى حاجة عايز استفسر عنها بقولها .انت بتقول ان اخلاق الرسول كانت كويس .اقول ليك ايه .انا سؤالى واضح ما هو الدليل انه رسول .مش ممكن عشان كان كويس والناس عارفة انه كويس ادعى انه نبى

**y2j2** · 6 أبر, 2013, 03:23 ص

لو ممكن نتكلم دلوقتى .انا قاعد لحد صلاة الفجر

**أحمد.** · 6 أبر, 2013, 03:33 ص

المشاركة الأصلية بواسطة y2j2

لو فى حاجة عايز استفسر عنها بقولها .انت بتقول ان اخلاق الرسول كانت كويس .اقول ليك ايه .انا سؤالى واضح ما هو الدليل انه رسول .مش ممكن عشان كان كويس والناس عارفة انه كويس ادعى انه نبى

لا أنا مقلتش عشان كان كويس !

أنا قلت انه كان "صادق" وانتا قلت انك متفق معايا !

تانى .. مُدَّعى النبوَّة إمَّا انه يكون صادق وإمَّا انه يكون كاذب .. الحجة بتقول انه "صادق" ودا معناه انه "مش كاذب" .. يبقى لما يقول انه "رسول" نقله "انتا صادق" ولا نقوله "انتا كاذب" ؟! .. انا حجتى انه "صادق" وبالتالى مش كاذب وبالتالى هو نبى .. بانتظارك.

**y2j2** · 6 أبر, 2013, 03:53 ص

لا أنا مقلتش عشان كان كويس !

أنا قلت انه كان "صادق" وانتا قلت انك متفق معايا !

تانى .. مُدَّعى النبوَّة إمَّا انه يكون صادق وإمَّا انه يكون كاذب .. الحجة بتقول انه "صادق" ودا معناه انه "مش كاذب" .. يبقى لما يقول انه "رسول" نقله "انتا صادق" ولا نقوله "انتا كاذب" ؟! .. انا حجتى انه "صادق" وبالتالى مش كاذب وبالتالى هو نبى .. بانتظارك.

لاء مش بقيس الامور ذيك .صادق او كاذب انا مكنتش عايش معاه وبعدين فى ناس قالوا عنه انه مجنون وشاعر وكذاب وفى ناس صدقته وحبته هتقول قبل الرسالة انا مكنتش عايش معاه عشان كنت بسمع عنه ايه..المهم نتكلم فى نقطة تانية هذه النقطة مش هتفدنى

**أحمد.** · 6 أبر, 2013, 03:56 ص

المشاركة الأصلية بواسطة y2j2

لاء مش بقيس الامور ذيك .صادق او كاذب انا مكنتش عايش معاه وبعدين فى ناس قالوا عنه انه مجنون وشاعر وكذاب وفى ناس صدقته وحبته هتقول قبل الرسالة انا مكنتش عايش معاه عشان كنت بسمع عنه ايه..المهم نتكلم فى نقطة تانية هذه النقطة مش هتفدنى

انتا مصدق ان الصين موجودة ؟

لو مصدق فهل رحتها ؟

لو مش رحتها .. يا ريت تفسرلى سبب تصديقك ليها مع انك معشتش فيها.

**y2j2** · 6 أبر, 2013, 04:18 ص

النقطة دية مش مفيده بالنسبة ليه ياريت ننتقل الى نقطة اخرى مش هنتكلم فى حاجة ولا هتودى ولا هتجيب . هنجادل بعض على الفاضى

**أحمد.** · 6 أبر, 2013, 04:44 ص

المشاركة الأصلية بواسطة y2j2

النقطة دية مش مفيده بالنسبة ليه ياريت ننتقل الى نقطة اخرى مش هنتكلم فى حاجة ولا هتودى ولا هتجيب . هنجادل بعض على الفاضى

ماشى مش مشكلة .. براحتك.

قبل ما انهى النقطة دى حقلك كلمتين اقراهم كويس وفكر فيهم .. وبكره بإذن الله حنتقل لنقطة تانية.

انتا مش مصدق ان الصين موجودة إلا بسبب "الخبر الصادق" .. ومش مصدق انك ابن أمك وأبوك إلا بسبب "الخبر الصادق" .. ومش مصدق ان الضوء بيقطع 8 دقايق عشان يوصل الأرض إلا بسبب "الخبر الصادق" .. ومش مصدق ان الأرض بتدور حول الشمس إلا بسبب "الخبر الصادق" .. أغلب عمليات التصديق فحياتك سببها "الخبر الصادق" .. لو حاولت تحسب الحاجات اللى انتا مصدقها بسبب انك شفتها بعينك أو سمعتها بودنك أو لمستها بايدك - يعنى أدركتها بأى وسيلة إدراك مباشرة - بالنسبة للحاجات اللى انتا بتصدقها بسبب "الخبر الصادق" حتلاقى ان النسبة ضئيلة جداااااااا .. وان أغلب المعلومات اللى بتصدقها فحياتك بتصدقها بسبب "الخبر الصادق" .. القاضى ممكن يحكم على المتهم بالإعدام بسبب "الخبر الصادق" .. المريض بيعتقد ان الدوا حيشفيه بسبب "الخبر الصادق" .. كل حاجه فحياة البشر - تقريبا - مدارها على "الخبر الصادق" .. دا معناه ايه ؟!! دا معناه إن "الخبر الصادق" هو وسيلة مِن أهم وسائل الإدراك عند البشر إن لم تكن أهمها على الإطلاق .. حاول تطبق القاعدة اللى بتقول عليها .. مش حتصدق إلا اللى تدركه بوسائل إدراكك المباشرة .. النتيجة ايه ؟ .. ولا شئ .. حتلاقى نفسك انسان ضايع فعالم مجهول متعرفش عنه أى حاجه.

طب ايه هو الخبر الصادق ؟ الخبر الصادق هو الخبر اللى العقل البشرى لما يحلله يميل لتصديقه .. ممكن يكون الخبر الصادق هو شهادة إنسان صادق .. زى شهادة الطبيب اللى بيقول للمريض على المرض وبيقله انه محتاج عملية أو يوصفله الدوا ... يعنى المريض بيقبل انه يعمل عملية خطيرة بسبب ان الدكتور "قاله" انه محتاج يعملها .. وزى شهادة أبوك وأمك انك ابنهم مش جاى من ملجأ مثلا.

وممكن يكون "الخبر الصادق" هو "الخبر المتواتر" .. يعنى الخبر اللى منتشر انتشار كبير بحيث يحكم العقل انه مستحيل انه يكون الخبر دا كذب .. زى خبر وجود دولة الصين أو سرعة الضوء أو المسافة بين الأرض والشمس ...... إلخ.

لما تيجى تبص على موضوع "صدق" النبى صلى الله عليه وسلم .. حتلاقى انه موضوع متواتر تواتر ملوش مثيل .. يعنى كل أهل زمنه أجمعوا على صدقه وأمانته .. وكل أهل الزمن اللى يلى زمنه أجمعوا على ان أهل الزمن السابق أجمعوا على صدقه وأمانته .. وهكذا عصر بعد عصر وزمن ورا زمن الجميع أجمع على صدقه وأمانته .. مش بس المؤمنين بيه بل وحتى الكافرين بيه .. لكن انتا بمنتهى البساطة بترمى كل الشهادات دى اللى مفيش شهادة واحدة بتقول عكسها وتقول أصلى مكنتش عايش معاه !

الغريب انك لما تبص على حالك تلاقى نفسك بتصدق حاجات كتير زى ما تكون شفتها بعنيك لمجرد ان فلان قلك اللى هو أصلا مشافش لكن فلان قله .. ممكن تسمع خبر فالتليفزيون تصدقه .. لكن تيجى عند محمد رسول الإسلام وتقول لأ مش لاعب .. أصلى مكنتش عايش معاه.

الأغرب انك صدَّقت بمنتهى البساطة ان فى ناس قالت عنه شاعر وكاذب ومجنون مع انك مكنتش عايش معاه !!

لكن موضوع صدقه اللى أجمعت عليه كل شعوب الأرض .. نو واى أصدق دا هو أنا كنت عايش معاه ؟!!!

طيب انتا عرفت منين انه فى ناس قالت عليه شاعر وكاذب ومجنون ؟

عرفت من القرآن ومن النصوص الإسلامية .. طيب يعنى صدقت القرآن والنصوص الإسلامية فإن فى ناس قالت عليه كدا بمنتهى البساطة ! لكن لو قالولك انه قومه عمرهم ما جربوا عليه كذبا قط وان دا كان جزء من معاداة الرسالة فقط وانه شهد ليه قومه كلهم بالصدق والأمانة .. انتو عايزنى أصدقكم ازاى هو أنا كنت عايش معاه ؟!!

كالمعتاد .. المسألة خيار وفقوس .. أنا ممكن أقتنع بأى حاجه إلا انه يكون الإسلام صح !

ماشى .. دى مش مشكلتى دى مشكلتك انتا .. خليك كل نقطة نتكلم فيها تقلى مش عجبانى ومش حتفيدنى روح لنقطة تانية .. من غير مناقشة .. من غير حكم عقلى سليم .. حاضر حروح لنقطة تانية .. بعد ما اصحى بإذن الله حضع دليل تانى.

{ إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ وَهُوَ أَعْلَمُ بِالْمُهْتَدِينَ (56) } ( القصص ).

وآخرُ دعوانا ان الحمدُ للهِ ربِّ العالمين.

**محب المصطفى** · 6 أبر, 2013, 08:57 ص

المشاركة الأصلية بواسطة y2j2

النقطة دية مش مفيده بالنسبة ليه ياريت ننتقل الى نقطة اخرى مش هنتكلم فى حاجة ولا هتودى ولا هتجيب . هنجادل بعض على الفاضى

تدخل اشرافي :

بل هذه هي أهم نقطة في الحوار كله وتبين بمنتهى الوضوح المعايير المنطقية ومدى سلامتها في الوصول للحق
ثم تأتي انت الآن بعد هذا المشوار الطويل وتريد التنحي عنها فجأة !!!! ولماذا ؟!!

ما هذا ؟!! ألا تريد ان تتعلم عن الحقيقة وكيف تصل إليها ام فقط تنوي ان "تجادل على الفاضي" كما تقول !!!!

بالطبع لن يجبرك احد على تقبل الحقيقة ، ولكنك لن تصل لها ابدا بمجرد التنحي عنها كلما شارفتها بهذا الشكل !!

**y2j2** · 6 أبر, 2013, 06:57 م

تدخل اشرافي :

بل هذه هي أهم نقطة في الحوار كله وتبين بمنتهى الوضوح المعايير المنطقية ومدى سلامتها في الوصول للحق
ثم تأتي انت الآن بعد هذا المشوار الطويل وتريد التنحي عنها فجأة !!!! ولماذا ؟!!

ما هذا ؟!! ألا تريد ان تتعلم عن الحقيقة وكيف تصل إليها ام فقط تنوي ان "تجادل على الفاضي" كما تقول !!!!

بالطبع لن يجبرك احد على تقبل الحقيقة ، ولكنك لن تصل لها ابدا بمجرد التنحي عنها كلما شارفتها بهذا الشكل !!

فى كلام بيفيد شخص وشخص اخر لاء مع انى عايز اوضح حاجة انا مش بنكر ان الرسول كانت اخلاقه سيئة .فى حجات بقف عندها وبتبقى مهمة جدا وحجات لاء .يعنى انا نسبة الايمان عندى حاسس انها بتزيد والشك بيقل وانا عرفت حجات كتير جدا من الحوار مع الاستاذ احمد والاعضاء و لكن اكتر جملة اثرت فيا من الاستاذ احمد وحاسس انها صحيحة مليون فى الميه انى انا فعلا عايز الرب زى ما انا عايز او الدليل اللى انا عايزه بس ولكن الدلائل الاخرى لاء رغم انى حصل ليه دلائل كتيرة وكل شوة افتكر الجملة اللى قالها الاستاذ احمد واتاكد انى فعلا كلامه صحيح وانا بجاهد نفسى اكثر عشان اخرج من افكارى لانها متخزنة فى العقل .بس فى نقاط مش هتبقى مفيده لو اتكلمنا فيها بالنسبة ليه طبعا ممكن تكون مفيده لشخص اخر

**y2j2** · 6 أبر, 2013, 07:00 م

انا كنت اقصد فى اول جملة..انا مش بنكر ان الرسول كانت اخلاقة كويسه.

**محب المصطفى** · 6 أبر, 2013, 07:42 م

اى محاور يضع القواعد المنطقية التى يبنى عليها حديثه اولا ثم يبدأ في سوق الادلة وهذا ما يفعله الاخ أحمد
لكن انت لا تريد هذه القواعد المنطقية بدون سبب منطقي (طبعا غير حاسس بكذا وكذا واصل هنتجادل مش هنوصل ووووو الخ)

لكن كل هذا انما هو من اشكال صرف النظر لا لتدقيق والتحقيق المنطقي المطلوب

فالعبرة كما تفضلت انت وذكرت تماما ليست بالأدلة والامثلة ما لم يصاحب ذلك اساس
منطقي راسخ تبني عليه وانت مقتنع بها فعلا لتعود اليه كلما احتجته

اذن الصواب ان لا تصرف محاورك عن منهجه وانما تحثة على الاستزادة والافادة ولو بطريق او اسلوب آخر

النقطة المهمة حاليا هي متى نثق وكيف نثق في المنقول منطقيا لأننا بعد ذلك سنقول
القرآن منقول السنة منقوله وهذا وذاك وبعضهم سنثق في نقله والبعض الآخر لا وكل شيء وله سببه المنطقي

لكن متى ما انتقلنا للحديث عن (انا حاسس وممكن نتجادل) فقطعا انت بهذا تريد ان تنهي الحوار نفسه من اساسه وعليه ان كان هذا مرادك
فأخبرنا به بمنتهى الوضوح لو سمحت فنحن بكل تأكيد لا نرغب باجبارك على الاستماع للمنطق مثلا وانما فقط توضيحه وشرحه !!!

**y2j2** · 6 أبر, 2013, 08:12 م

هو ممكن يكون صح فى حاجة لو كمل الاستاذ احمد باقى النقطة حينا ينتهى ممكن تكون فيها افاده ولكن هو بيطلب منى رد على ما قال .يعنى الناس كانوا بيقولوا عليه صادق وكذاب زمان اذن انه لية امور سيئة وامور حسنة ولو باقى الكلام فى هذه النقطة عن افعال الرسول التى تدل على انه رسول الله يعنى ايه الافعال اللى كانت تدل على انه صادق فى كل شىء .ولكن انا مالى بالكلام الذى كان يقال .

**محب المصطفى** · 6 أبر, 2013, 09:08 م

اذن يقوم الاخ احمد بايضاح مقصده اكثر بوضوح المرة القادمة ان شاء الله

**أحمد.** · 7 أبر, 2013, 04:13 ص

المشاركة الأصلية بواسطة y2j2

هو ممكن يكون صح فى حاجة لو كمل الاستاذ احمد باقى النقطة حينا ينتهى ممكن تكون فيها افاده ولكن هو بيطلب منى رد على ما قال .يعنى الناس كانوا بيقولوا عليه صادق وكذاب زمان اذن انه لية امور سيئة وامور حسنة ولو باقى الكلام فى هذه النقطة عن افعال الرسول التى تدل على انه رسول الله يعنى ايه الافعال اللى كانت تدل على انه صادق فى كل شىء .ولكن انا مالى بالكلام الذى كان يقال .

!

على كل حال

بالنسبة لاشتهارِه بالصدق والأمانة فهو معلوم بالضرورة لا يُجادُل فيه أحد .. والمواقف التى تظهر هذا كثيرة جدا ومعلومة فى كُتبِ التاريخِ والسِيرِ والحديثِ .. ويمكن للإخوة عرض بعضها فموضوع التعليقات .. هنا كفاية نشير لبعضها دون تفصيل.

يعنى مثلا من ضمن هذه المواقف لما وقف رسول الله صلى الله عليه وسلم على جبلِ الصفا ونادى فى قومه حتى اجتمعوا له فقال ( أرأَيْتُمْ إنْ أخْبَرْتُكمْ أنَّ خيْلًا تخرجُ من سفْحِ هذا الجَبَلِ ، أكُنْتُمْ مُصَدِّقِيَّ ) فكان جوابهم : ما جَرَّبْنَا عليكَ كذِبًا .. وفى رواية ( قالوا : نعم ، ما جربنا عليك إلا صدقا ).

ومنها لمَّا وقف أبو سفيان أمام هرقل - عظيم الروم - لما أرسل إليه هرقل أن يأتيه فأتاه هو ونفرٌ مِن المشركين وكان أبو سفيان كافرا وكان هذا قبل الفتح فأمرهم هرقل أن يخرج منهم إليه أقربهم نسبا برسول الله صلى الله عليه وسلم فكان أقربهم نسبا منه هو أبو سفيان وهو من أشد الناس عداوة لرسول الله يومئذ وأمرهم هرقل أن يصطفوا خلف أبى سفيان بحيث لو كذب أبو سفيان يشير أصحابه من خلفه أنه كذب فلم يملك أبو سفيان إلا أن يقول الصدق لئلا يُكذبه قومه أو يعلموا أنه كذاب .. يقول أبو سفيان فى ذلك ( فواللهِ لولا الحياءُ من أن يأثِروا عليَّ كذِبًا لكَذَبْتُ عنه ) .. وكان من الأسئلة التى سألها له هرقل عن رسول الله صلى الله عليه وسلم ( فهل كنتُم تتهِمونه بالكذِبِ قبلَ أن يقولَ ما قال ؟ ) أى قبل البعثة فكان ردُّه عليه ( لا ) .. وكان مما قاله هرقل بعد انتهاءِه من الأسئلة ( وسَألتُك هل كنتُم تتهِمونه بالكذبِ قبلَ أن يقولَ ما قال، فذكَرْتَ أن لا، فقد أعرِفُ أنه لم يكُن لِيَذَرَ الكذبَ على الناسِ ويكذِبَ على اللهِ ) .. وكن هذا بحضور هؤلاء النفر من قريش جميعا وكلهم كفار مشركون وبينهم وبين رسول الله صلى الله عليه وسلم حروب ودماء وقتال ولم ينكر أحدهم على أبى سفيان ولا على هرقل فى ذلك.

ومن ذلِك لما جاء عبد الله بن أبى ربيعة الأنصارى وعمرو بن العاص - وكانا مِن أشدِّ الكافرين عداوة لرسول الله يومئذ - إلى النجاشى فى الحبشة .. وكان القرشيون أرسلوهم إليه بالهدايا والهبات ليقنعوه أن يرسل معهما المسلمين المهاجرين إلى الحبشة فأرسل النجاشى إلى المسلمين ليأتوه ويسمع ما يقولون فجاءوه وكان خطيبهم - الذى تكلم فى المجلس - جعفر بن أبى طالب رضى الله عنه .. وكان مما قاله فى تلك الخطبة المشهورة ( بعث الله إلينا رسولا منا نعرف نسبه وصدقه وأمانته وعفافه ) .. وكان هذا بحضور رسولَى قريش فلم يُكذباه فى ذلك ولم يعترضا على هذا القول .. ولو كان قد أُثِرَ عليه الكذب لكذباه وقالا ( بل هو كذاب أو كان يكذب فى كذا وكذا )

وهكذا يتكرر دوما بصفة متصلة أن أقوى حجة لرسول الله صلى الله عليه وسلم كانت صدقه الدائم الذى عُرِف به بين قومه .. والمسلمون الأوائل كانوا يتبعونه بسبب هذا الصدق الذى لا يُنكرُه أحد .. لهذا قلتُ لك تخيل نفسك تعيشُ بينهم .. رجل عاش بينهم جميعا 40 سنة عاش يتيما يتربى بعض الوقت فى بيت جده ثم فى بيت عمه وكلاهما من كبار القوم ويعمل بالرعى وبالتجارة .. الجميعُ يعرفه .. ويعرف صدقه ويعرف أمانته .. حتى الكفار لم يتهموه يوما بالكذب ولم يُجرِّبوا عليه كذبا قط .. يعنى لم يأخذوا عليه كذبة واحدة .. وهذا باعترافهم هم أنفسهم.

المرة الوحيدة اللى اتهموه فيها بالكذب كانت امتى ؟

كانت بعد البعثة .. بعد النبوة .. واتهموه بدا مش عشان هو كذاب ولكن كرها فالرسالة اللى بتسوى بين السيد والعبد وبتخلى كل البشر سواسية وبتقلهم يعبدوا الإله الواحد ويتركوا عبادة الأصنام اللى كان معناها ان كل الأصنام اللى حوالين البيت حتتحطم وبالتالى مش حيكون فى تجارة ولا سياحة .. يعنى اتهموه بدا عداوة للرسالة مش ليه .. عشان كدا ربنا قاله فالقرآن { قَدْ نَعْلَمُ إِنَّهُ لَيَحْزُنُكَ الَّذِي يَقُولُونَ فَإِنَّهُمْ لَا يُكَذِّبُونَكَ وَلَكِنَّ الظَّالِمِينَ بِآَيَاتِ اللَّهِ يَجْحَدُونَ (33) } ( الأنعام ).

كمان الغريب ان القرآن كان بيسجل عليهم الاتهامات دى أول بأول .. وهنا لازم تفكر شوية .. الآيات اللى نزلت بتقول انهم بيقولوا عليك كاذب وبيقولوا عليك مجنون وساحر وشاعر .. الآيات دى نزلت فمكة أصلا .. يعنى ايه .. يعنى راجل مستضعف فقومه وبيكيدو لقتله ليل ونهار وبيضطهدوه هو وأصحابه .. لو هو كاذب حيجى فالقرآن اللى هو أقوى سند ليه ويذكر كل كلامهم دا ؟ يعنى حيثبت التهمة على نفسه ؟ الطبيعى انه حيحاول يدارى على كلامهم .. حيحاول يعمل نفسه مش سامع .. لكن القرآن كان بينزل فوسط الظروف الصعبة دى يتحداهم وبمنتهى القوة وبمنتهى العزة .. بانفصال تام عن الحالة النفسية اللى المفروض يكون فيها رسول الله بسبب الاضطهاد والتكذيب والتعذيب .. كان بينزل القرآن يقلهم انتو كذا وكذا وأنا حعمل فيكوا كذا وكذا .. ودا كان من أول لحظة فالدعوة .. لما كان واقف رسول الله على جبل الصفا وقاله أبو لهب "تبا لك ..." ربنا نزل سورة "المسد" فى تحدى رهيب .. وفيها ان أبو لهب حيدخل النار .. وكان ممكن أبو لهب فلحظة يدمر الرسالة كلها لو أعلن إسلامه .. ساعتها الكفار حيقولوا دا دخل الإسلام يبقى مش حيدخل النار زى ما محمد قال يبقى محمد كذاب .. لكن لحد ما مات أبو لهب بعد سنين ولا مرة أعلن حتى انه بيفكر يدخل الإسلام !

يعنى الموضوع كان تحدى مش أكتر .. بالتالى مينفعش تقول كانوا بيقولوا عليه كذاب يعنى كان ليه حاجات حلوه وحاجات وحشة .. لا حضرتك كانوا بيقولوا كدا عشان يكرهوا الناس فيه .. خصوصا الناس اللى متعرفوش اللى كانت بتيجى من بلاد تانية أيام موسم الحج أو اللى بيجو لتجارة أو لزيارة حد.

يكفى انه لم يؤثر عليه كذبة واحدة .. طول حياته .. مش بس فالمعاملات العادية .. لأ وكمان فالحاجات اللى كان بيخبر فيها بالغيب .. يعنى لما كان يقول لحد انتا عملت كذا .. أو انتا فكرت فكذا .. أو انتا مخبى أموالك فمكان كذا .. وكمان فالإخبار بالمستقبل ودا باب كبير من أبواب علامات النبوة .. انه أخبر بحاجات كتير أوى فى منها اللى اتحقق فعلا - ودا كتير - وفى منها اللى متحققش لانه وقته لسه مجاش .. لكن مفيش حاجه واحدة قالها ووقتها جه ومحصلتش.

انما لو جه حد حب يقول انه كان ليه حاجات حلوه وحاجات وحشه يجيبلنا الحاجه الوحشة .. تقدر تجيبلنا موقف واحد من حياة رسول الله كلها كذب فيه ؟ لاحظ ان مفيش راجل فالتاريخ اتسجلت فيها سيرة حياته زى سيدنا محمد .. ولو متعرفش دور وشوف .. وتعالى قلنا .. لقيتله كذبة واحدة بس ؟!

المواضيع	إحصائيات	آخر مشاركة
إعادة توجية: مهم بواسطة Amo2024 ابتدأ بواسطة Amo2024, 23 يون, 2024, 11:00 ص	—	—
أريد مساعدة عاجلة بارك الله فيكم بواسطة الراجية مغفرة ربها ابتدأ بواسطة الراجية مغفرة ربها, 21 يول, 2022, 03:03 ص	ردود 3 59 مشاهدات 0 ردود الفعل	آخر مشاركة بواسطة د. نيو 6 أغس, 2022, 05:49 ص
الدور الروسي في محنة مسلمي تركستان الشرقية بواسطة عاشق طيبة ابتدأ بواسطة عاشق طيبة, 2 ديس, 2021, 02:04 م	ردود 2 37 مشاهدات 0 ردود الفعل	آخر مشاركة بواسطة عاشق طيبة 1 ينا, 2022, 12:31 م
إعادة توجية: هل يتدخل الله عز وجل فى فعلنا الخير بابعاد الشر عنا بواسطة أكرمنى ربى بالاسلام ابتدأ بواسطة أكرمنى ربى بالاسلام, 9 فبر, 2021, 12:58 م	—	—
المندائية بقايا الغنوصية .. وعبادة الملائكة! بواسطة د.أمير عبدالله ابتدأ بواسطة د.أمير عبدالله, 6 ديس, 2020, 09:44 م	رد 1 761 مشاهدات 0 ردود الفعل	آخر مشاركة بواسطة د.أمير عبدالله 7 ديس, 2020, 02:48 م

حوار مع العضو اللاأدري "y2j2‏"

عن الكاتب

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع ذات صلة