تويت
يوميات عم رمضان
مرة وعـــــــدت
صابحة
مال وشك يا شيخ حسن سلامتك
الشيخ حسن
مين إنت ؟
صابحة
أنا صابحة يا شيخ حسن
الشيخ حسن
صابحة بنت ستهم ؟
صابحة
وليه ما تقولش صابحة بنت الطوخى
يسلم أبويا ويفضل حسه فى الدنيا
الشيخ حسن
ياساتر طالعة لأمك بلسانين
صابحة
ما قلتليش إيه إللي مورم وشك كدة ؟
الشيخ حسن
حساسية
صابحة
حساسية ولا سووك فى مصر ؟
الشيخ حسن
مين دول يا طويلة اللسان ؟
صابحة
حلاوتهم ما فضحت الدنيا وقالت إنهم سووك فى مصر إنت وشيحه إبن أبو اسماعين والكفر كلاته عرف
الشيخ حسن
دتك داهية تاخدك إنت وحلاوتهم وكل نسوان الكفر
إللي ملهمش شغلة إلا سيرة الخلق
صابحة
طيب خد بالك وإنت ماشى أحسن تنكفى على وشك وإنت مش ناقص
عوضين
فيه إيه يا صابحة ؟
مالك ومال الشيخ حسن؟
صابحة
وإيه ياخويا إللي حيكون بينى وبينه
أنا كنت بأسئله إيه إللي مورم وشه كدة
الشيخ حسن
إزيك يا عوضين
عوضين
الله يسلمك يا شيخ حسن
سمعت إنك نزلت مصر
حمد لله على سلامتك
الشيخ حسن
الله يسلمك
عوضين
إنت نزلت إمتى ورجعت إمتى وصحيح إيه إللي مورم وشك كدة ؟
الشيخ حسن
تعالى الأول وصلنى لدار عمك الشيخ رمضان ونبقى نتحدت واحنا ماشيين
عوضين
أنا كمان واحشنى عم رمضان ونفسى أشوفه
الشيخ حسن
خلاص تعالى معاى وهناك أبقا أحكيلكم إيه إللي حصللى فى مصر
عوضين
وهو كذلك هات إيدك
توكلنا على الله
**********
عوضين
ياجماعة ياللي هنا
الشيخ حسن
يا شيخ رمضان
يارب ياساتر
عم رمضان
مين الشيخ حسن
ياأهلاً وسهلاً
إزيك يا عوضين ؟
عوضين
الله يسلمك يا شيخ رمضان
عم رمضان
كنت غطسان فين يا شيخ حسن بقالك يومين ؟
وإيه إللي عمل فيك كدة ؟
الأول إتفضلوا جوه
إتفضل يا عوضين
عوضين
يزيد فضلك ياعم رمضان
هات إيدك يا شيخ حسن
هات العصايا لما أركنهالك
عم رمضان
وإيه الورم إللي فى وشك ده ؟
وهل ده إللي خلاك تغطس يومين ما أشوفكش
عوضين
مانا سئلته وقاللي لما نروح عند عمك الشيخ رمضان أبقا أحكيلكم
عم رمضان
طيب إستنوا الأول لما نولع علشان نسوى حبة شاى
ناولنى يا عوضين المنئد من عندك والقوالح قدامك أهى وجنبهم البراد والكبايات
الشيخ حسن
يعنى يا شيخ رمضان ما سمعتش حاجة كدة ولآ كدة ؟
عم رمضان
سمعت إنك نزلت مصر يوم الجمعة بدرى مع الواد شيحه إبن أبو اسماعين وإمبارح لما حضرتك ماجتش قلت يمكن بيريح من المخمضة بتاعة مشوار مصر
الشيخ حسن
بس كدة ؟
عم رمضان
ليه هو فيه حاجة تانى ؟
الشيخ حسن
الحمد لله ده أنا كنت خلاص حاموت وماتشوفوش وشى تانى
عم رمضان
ياساتر يارب
إيه إللي حصل ؟
الشيخ حسن
أنا بعد ما مشيت من عندك ليلة أول إمباح يادوب وصلت الدار ولقيت إللي بينده عليا
قلت مين إللي بينده ؟
قاللي أنا شيحة يا شيخ حسن
عم رمضان
أنا سمعت إن الواد ده بقى مدروش وماشى مع بتوع الموالد وحلقات الذكر إللي بيقعدوا يطّوحوا فيها يمين وشمال وسارح مع الجماعة دول وكمان ربى دقنه
الشيخ حسن
المهم قلتله خير يا شيحة فيه حاجة ؟
أنا قلت فى عقل بالى يمكن عاوزنى أأقرا فى مولد من الموالد إللي بيعملوها
قاللى صلى على إللي حيشفع فيك
قلتله اللهم صلى عليه
قاللي بقى ليلة إمبارح رأيت رؤيا طيبة
قلتله خير إن شاء الله ؟
قاللي لقيت نفسى بأصلى الجمعة فى سيدنا الحسين
قلت رَحْمَتُ اللَّـهِ وَبَرَكَاتُهُ عَلَيْكُمْ أَهْلَ الْبَيْتِ ۚ إِنَّهُ حَمِيدٌ مَّجِيد
قاللي ولقيتك إنت يا شيخ حسن بتصلى جنبى
قلت يانور النبى
قاللي وده إللي خلانى أجيلك دلوقت علشان تنزل معايا مصر بكرة إن شاء الله نصلى الجمعة فى الحسين
ومصاريفك ومواصلاتك كلها عليا مش حتدفع ولا مليم
قلت إيه ؟
قلتله قلت على بركة الله
قاللي يبقى كدة حااعدى عليك بمشيئة الله الساعة سبعة الصبح وتكون جاهز
قلتله يعنى بلاش أجيب فلوس معايا ؟
عم رمضان
إيه بار وعتب ؟
الشيخ حسن
أهى عزومة
عم رمضان
وقالك إيه ؟
الشيخ حسن
ضحك وقاللي لأ خلى عنك خالص أنا إللي عازمك
قلتله خلاص حابقى جاهز من النجمة
وفعلاً جاللي فى الميعاد وكنت مجهز نفسى وأخدنا بعضنا وتوكلنا على الله
أخدنا أول ميعاد من على الكوبرى والحمد لله الأتوبيس كان رايق علشان كان يوم الجمعة
عم رمضان
وبعدين ؟
الشيخ حسن
قابلنا الواد حنتش فى الأتوبيس هو وامه
عم رمضان
مين حنتش ده ؟
الشيخ حسن
ياأخى الواد حنا إبن هانم الهاتمة
عم رمضان
أنا أعرف هانم بس الواد ده مش متذكره
الشيخ حسن
ده كان تملي يقف يساعد أبوه فى دكانة العطارة
عم رمضان
أيوووه إفتكرت الواد إللي كان بيقف مع مرقس فى الدكانة
بس ده صغير مش كبير
الشيخ حسن
دلوقت بقى شاب طول بعرض وزى الفلق
عم رمضان
المهم وبعدين ؟
الشيخ حسن
شيحه سئله على فين يا حنتش ؟
حنتش قال نازلين مصر
شيحه سئله خير فيه حاجة ؟
حنتش قال امى محتاجة عملية ضرورى
شيحه سئله هى امك بتشكى من إيه ؟
ردت هانم وقالت عندى حصوة كبيرة فى الكلى يا شيخ حسن والحكيم قال إنى محتاجة عملية
وحنتش لما سئل عندنا فى الكنيسة أبونا قال تروح بيها الكنيسة فى مصر وتقدم طلبة بالحالة وهما حيعملوا اللازم
عوضين
هما بيعملوا عمليات فى الكنيسة ؟
عم رمضان
إصبر إنت يا عوضين كمل يا شيخ حسن
الشيخ حسن
أنا سئلت الواد حنتش وقلتله إزاى يعنى الطلبة دى
قاللي بنكتب ورقة فيها إسم امى والعنوان وبتشتكى من إيه والحكيم قال إيه وإنها محتاجة لعملية علشان الحصوة إللي عندها وبنسلم أبونا إللي فى الكنيسة الطلبة دى وهو بياخدها منا وبعدين يقوللنا روحوا إنتوا والفرج حيجى
قلتله وبتدفعوا فلوس على كدة ؟
قاللي إحنا بعنا الحمارة بتاعتنا على قرشين كنت محوشهم علشان ندفع لأبونا
قلتله وإيه إللي بيتم بعد ما ياخد منكم الطلب والفلوس
قاللي أبونا بيقعد يصلى ويبخر ويقرا الطلبة بتاعتنا
علشان أم النور تسمع أو قديس من القديسين يسمع ويتبرع ويعمللها العملية
قلتله يعمللها العملية فى المستشفى ؟
قاللي لأ يا عم الشيخ حسن ده إللي بيجيلها بيجيلها فى الحلم وهى نايمة إذا كانت أم النور أو قديس من القديسين
يعنى لو حظها حلو حتجيلها أم النور فى الحلم وهى لابسة البالطو الأبيض وتحت باطها العدة بتاعتها وتعمللها العملية ولو أم النور مش فاضية يجيلها القديس أبو شخشيخه أو أى قديس تانى
الواد شيحه قال لحنتش وهى أم النور ما تعرفش تشفيها بدون عملية وبدون عدة ؟
قمت أنا غمزت شيحه فى جنبه علشان ما يزودش فى الكلام ويخلى الولية هانم تقوم علينا
أنا قلت لحنتش ربنا يشفى أنا قصدى على عقله
هو إفتكرها على امه فقال يارب يا شيخ حسن بس إنت إدعيلها
قلتله وهى محتاجة دعواتى فى إيه ؟
ده كفاية إن أم النور حتكون معاها بعدتها
المهم نزلنا كلنا فى الموقف
والواد شيحه قال لحنتش أنا والشيخ حسن حنيجى نوصلكم الأول وبعدين نروح مشوارنا مش كدة يا شيخ حسن
قلتله إومال ده الإسلام بيأمرنا بمساعدة المحتاج
هى الكنيسة دى فين يا حنتش
قاللي أبونا قاللي الكنيسة فى شارع كلوت بك
رد شيحه وقال إيه الاسم البايخ ده ؟
قلتله ده يا سيدى إسم دكتور فرنساوى من أيام الحملة الفرنسية وسموا الشارع على إسمه
قاللي دول غيروا أسماء الشوارع كلها يا شيخ حسن
إشمعنى الاسم ده إللي مش عاوزين يغيروه ؟
المهم إننا مشينا فى الشارع ده يا شيخ رمضان والواد شيحه بقى مستغرب ويقول إيه كل البوتيكات دى
قلتله إنت شايف إيه يا شيحه ؟
قاللي محلات كتير للمداسات يا شيخ حسن
لو عاوز تشترى مداس جديد المداسات هنا أشكال وألوان ؟
قلتله مرة تانية يا شيحه
قاللي وتانية ليه ماحنا فيها أهو
قلتله مش وقته وكمان علشان قلتلك أجيب فلوس معايا قلتلى ملوش لزوم
المهم واحنا ماشيين لقينا واحد بينده ويقول ياهانم ياهانم تعالى إتفضلى الظاهر إن فيه واحدة كانت بتشترى مداس لها ومالدش عليها السعر فخرجت من البتيك ده إللي بيقولوا عليه فالبياع خرج ينده عليها علشان ترجع فالولية أم حنتش لما سمعت الراجل وهو بيقول ياهانم ياهانم إفتكرت إنه بينده عليها فردت وقالت نعم
المشكلة مش هنا المشكلة إن الواد حنتش ركبه ميت عفريت وعاوز يعرف الراجل ده عرف إسم امه إزاى
وراسه وألف سيف عاوز يرجع يشبط فى الراجل
المهم إن امه قالتله مش يمكن دى بركة القديس أبو شخشيخه والولـه العبيط صدق
عم رمضان
وبعدين ؟
الشيخ حسن
وصلناهم للكنيسة ومشينا رحنا على سيدنا الحسين
الواد شيحه قاللي يا سلام على منظر السياح يا شيخ حسن
قلتله شكلهم إيه يا ولـه ؟
قاللي بياض إيه وحلاوة إيه ومتجمعين على المحلات إللي بتبيع الأنتيكات والجلابيب وبيرطنوا باللاوندى
وكمان واحد فيهم بيشترى شيشة
إنما الشيشة إيه يا شيخ حسن نحاس ومدندشه وكفاية بس الواحد يبصلها من غير ما يشرب منها
قلتله طيب بطل تبص علشان رايحين نصلى
المهم جينا عند باب الجامع وقلعنا المداسات بتاعتنا الواد شيحه قاللي خد مداسك فى إيدك أحسن السياح يسرقوه علشان هما بيحبوا الأنتيكات والحاجات الأثرية
قلتله فكرك كدة ؟ معقولة ولاد الأبالسة دول يعملوها ويخلونى أرجع البلد حافى ؟
قاللي خليك ناصح ومفتح زي حالاتى
عم رمضان
هههههههه
الله إومال وشك ورم من إيه ؟
الشيخ حسن
صبرك بالله يا شيخ رمضان
أنا جايلك أهو فى الكلام
عم رمضان
ونعم بالله
الشيخ حسن
إتوضينا وصلينا الجمعة والحمد لله وخرجنا من سيدنا الحسين والواد شيحه قال يالا بينا على ميدان التحرير
قلتله عمرك أطول من عمرى تصدق يا شيحه كنت عاوز أأقولك تاخدنى ميدان التحرير بس إنكسفت منك
قاللي كدة بردو يا شيخ حسن ما تقوليش إللي فى نفسك
قلتله الحمد لله إنك سبقتنى
قاللي بس نروح إزاى وأنا مش عارف السكة ؟
المهم سئل واحد ماشى وقال للراجل إزاى نروح ميدان التحرير ؟
الراجل قال لما تلاقى كام شاب ماشيين
مع بعض إمشوا وراهم حتلاقوا نفسكم فى ميدان التحرير
قلنا تمام كدة
قلتله مش كنا ناكل لنا لقمة الأول يا سيد شيحه ؟
أنا جايب معايا صرة فيها رغيفين وحتتين جبنة
قاللى لما نروح هناك
ده هناك حناكل أكل يا شيخ حسن لحد ما نشبع
قلتله متأكد ؟
قاللي حط فى بطنك بطيخة صيفى
وبعدين غمزنى فى إيدى وقاللي إستعد يا شيخ حسن أنا شايف خمس شباب جايين هناك أهم جهز نفسك علشان نمشى وراهم
وبقينا ماشيين ورا الشباب دول يقفوا نقف وراهم يمشوا نمشى وراهم وخد عندك بقا كل شوية يقفوا ويهزروا مع بعض ويضربوا بعض ويشتموا بعض ويعاكسوا الحريم فى السكة ويتمقلتوا على إللي رايح وإللي جاى وأخر قلة أدب والواد شيحه يقوللي بقا دول الشباب بتوع التحرير ؟
قلتله دول عينة بس يمكن الباقى كويس يا شيحه
قاللي ما الجواب بيبان من عنوانه يا شيخ حسن
عم رمضان
وبعدين يا شيخ حسن ؟
الشيخ حسن
فضلنا ماشيين وراهم لحد ما لقيت شيحة بيقوللي ياخبر يا شيخ حسن
قلتله فيه إيه ؟
قاللي الظاهر احنا غلطنا لما مشينا ورا العيال دى
قلتله ليه ؟
قاللي العيال دى طلعت إنها رايحة السوق مش ميدان التحرير يا خسارة تعبنا ده كله والمشوارإللي جه على الفاضى
قلتله ليه إنت شايف إيه قدامك ؟
قاللي بياعين كتير وناس بتشترى وشايف خيم كمان
قلتله يمكن دى وكالة البلح إللي بيقولوا عليها ؟
قاللي مش عارف بس باين عليه إنه سوق
قلتله طيب هو زى إيه ؟
قاللي شكله بالظبط زى المولد بس الظاهر إن صاحبه غايب
قلتله شفت بقى إنك كنت ظالم الناس بتوع التحرير
قاللي طيب إستنى بقى لما أسئل أى بياع من دول إزاى نروح الميدان
ووقف عند واحد من البياعين وسئله لو سمحت ياحاج نروح ميدان التحرير إزاى ؟
البياع ضحك وقال لشيحه بتقول عاوز تروح فين ؟
رد شيحه وقال عاوزين نروح ميدان التحرير
البياع الظاهرعليه مسكين مش عارف السكة فنده على بياع تانى قُريّب منه وقال متعرفش ميدان التحرير يروحوله إزاى يا سمكة ؟
لقيت الجدع ده إللي إسمه سمكة بيضحك وقال
هما عاوزين يروحوا ميدان التحرير ؟
فرد عليه وهو بيضحك وقال أيوا يا سيدى عاوزين يرحوا ميدان التحرير
رد عليه سمكة وقال طيب إسئلهم عاوزين يروحوا مواصلات ولا حيتمشوا على رجليهم ؟
أتارينا يا شيخ رمضان فى ميدان التحرير وإحنا ما نعرفش علشان كدة كانوا بيتنئوزوا علينا
وبعدين سمكة قال لشيحه يعنى الراجل إللي معاك جابك مصر وهو مش ماعرف السكة ؟
شيحه قال لسمكة ده رجل كفيف وأول مرة ينزل مصر وبعدين أنا إللي جايبة معايا
ولاقينا واحد بيقول ياجماعة خلوا بالكم دول جواسيس والراجل إللي لابس جبة وقفطان ده مخبر وعامل نفسه شيخ
وفجأة لاقينا الناس إتلمت حوالينا
وإللي يقول البنى أدم إللي عامل نفسه أعمى ده شفته قبل كدة بيحدف طوب والتانى شفته وهو بيحدف مولتوف
وإللي يقول إوعوا تسيبوهم من إيديكم أحسن يهربوا
وواحد يقول أول مرة أشوف شيخ من غير دقن
وواحد تانى قاللي إحنا مش قفشناك قبل كدة وكنت ساعتها لابس أفرول ولازق دقن
وصوت جاى من بعيد بيقول حاسبوا ياجماعة ليكون معاهم سلاح
وبقيت يا شيخ رمضان مش قادر أتكلم من الخانقة
ومن الكفوف إللي نازلة ترّف على صداغى وعلى قفايا بعد العمة ما وقعت على الأرض
وبعدين سمعت واحد بيقول كتفوه وهاتوه جوه فى الخيمة لما نشوف حكايته إيه ده كمان ؟
وواحد تانى قال صح كدة ولما نمده على رجليه وننفخه حيعترف غصب عنه
إجرى يا حنفى هات منفاخ العجلة بتاعتك
عم رمضان
ياخبر مش فايت
عوضين
طب وشيحه راح فين ؟
الشيخ حسن
أنا ما سمعتش صوته خالص إلا بعدين فى الخيمة
عم رمضان
كل ده ومش قادر تقوللهم الحقيقة ؟
الشيخ حسن
أنا صداغى سخنت من كتر الضرب وكمان إللي ماسكنى من طوقى خانقنى ومش عاطينى فرصة أنطق
عوضين
ياعينى يا شيخ حسن
كل ده وإنتوا على لحم بطنكم وما أكلتوش ولا حتى لقمة بحتة جبنة ؟
الشيخ حسن
جبنة إيه يا عوضين ده إنا أكلت ضرب على صداغى وعلى قفايا لما شبعت
والأخر خدونى على الخيمة وأول ما دخلت سمعت صوت ضعيف يبان إن صاحبه مستوى على الأخر وقاللي إنت جيت ؟
قلتله وإنا باطلع الكلام بالعافية مين شيحه ؟
قاللي أيوه شيحه يا شيخ حسن
قلتله إنت متكتف زي ولآ سايب ؟
قاللي الحال من بعضه
قلتله ما شوفتش إللي حصللنا ده فى الرؤيا بتاعتك ؟
قاللي أنا صحيت من النوم وإنت كنت جنبى بتصلى
قلتله ياريتك كنت كملت بقية الرؤيا
قاللي ماهو لوشفت حاجة زى كدة مكناش نزلنا من أصله بس ده مكتوب يا شيخ حسن
عم رمضان
يا عينى ده إنتوا إتبهدلتوا على الأخر
وبعدين ؟
الشيخ حسن
وفين وفين لما سابونا من إيديهم وفكّونا بعد ما إتأكدوا إننا مظلومين وشافوا البطايق بتاعتنا وعرفوا إننا من الأرياف وبعد شيحه ما حكلهم عن الرؤيا إللي شافها وواحد فيهم قاللى معلش يا شيخ سامحنا إحنا إفتكرناك جاسوس علشان مالكش دقن
مارضتش أأقوللهم إن حلاوتهم مش عاوزانى أربى دقنى علشان بتشوّكها وقلتلهم أصلها بتعملى حساسية
وجابولى العصايا بتاعتى وواحد منهم جرى وراح جاب حتتين تلج عطانى حتة وقاللي حطها على خدك ده شوية وخدك التانى شوية علشان تهبّط الورم وعطى الواد شيحه الحتة التانية
وقالولنا إستنوا لما نعملكم شاى الواد شيحه قال
كتر خيركم إنتم عملتم الواجب وأكتر
واحد قاللنا ما تزعلوش منا إللي ضربوكم البياعين والبلطجية وإحنا إنقذناكم لما جبناكم الخيمة
قلتلهم والله يا جماعة مش مستهالة إنكم تجيبوا قوالح وتولعوا وتزعببوا الخيمة دخان علشان تعملولنا شاى
الراجل ضحك وقاللي قوالح إيه يا شيخنا إحنا عندنا كل حاجة البوتاجازات والغسالات الفول اتوماتيك والتلاجات إومال إحنا جبنالك تلج منين وكمان عندنا تليفزيونات ودش وموصلين كمان نت
الواد شيحه قال ربنا يزيدكم من فضله كمان وكمان
قالوا وفيه حمامات وشاور لو حد فيكم عاوز يتسبح أو يفك نفسه
ما رضتش أأقولهم يطلع إيه الشاور ده وقلت أبقى أسئل عليه الواد شيحه بعدين
قلتلهم وإنتوا ساكنين فى المطرح ده بقالكم كتير ؟
الراجل قاللي إنت بتتريق يا شيخ ؟
قلتله مش قصدى أنا عاوز أأقول كل الحاجات دى موجودة فى الخيمة ؟
قاللي أيوه يا سيدى كل خيمة فيها أغلب الحاجات دى وعندنا سراير ودواليب لو عاوزين تريحوا شوية من المشوار
قلتله ياااه كل ده ؟
قاللي وفيه ناس إتجوزت هنا ودخلت هنا وخلفت عيال هنا
الواد شيحه حب يجاملهم فقال بصراحة أنا لو منكم ماأسيبش الميدان خالص والحكومة تروح تعمل لها ميدان تحرير تانى
المهم شربنا الشاى وقلنا نستأذن علشان نلحق أخر ميعاد للاتوبيس
واحد منهم كترخيره قال إنتوا تعرفوا تروحوا الموقف قلتله نبقى نسئل قاللي طيب تعالوا أنا حاأوصلكم
قلتله مش عاوزين نتعبك
قاللي مفيش تعب ولا حاجة العربية موجودة
قلتله إنت رابطها فين ؟
قاللي هى حمارة حاربطها ؟
قلتله قصدى حاططها فين ؟
قاللي أنا راكنها هنا فى الميدان
وأخدنا معاه ولما وصلنا الموقف الواد شيحه قاللي
إنفخ نفسك على الأخر يا شيخ حسن وإنت نازل من العربية علشان الواد حنتش واقف أهو هو وامه مستنين الاتوبيس
قلتله والنبى يا شيحه ماتجبليش سيرة النفخ أحسن من ساعة الراجل ماقال لما نمده على رجليه وننفخه حيعترف غصب عنه وأنا ركبى سايبة لحد دلوقت
الراجل إللي موصلنا ضحك ٌوقال إفتكر بعد كدة مش حتفكروا تنزلوا مصر تانى وحتقولوا توبة النوبة
قلتله أهى مرة وعدت والرب سلم
ونزلنا من العربية وسلمنا على صاحبها وأخد بعضه ومشى وسمعت صوت الواد حنتش وهو بيقوللي كويس إنكم جيتم فاضل عشر دقايق على الاتوبيس
قاللي مالك يا شيخ حسن وشك وارم وشيحه هو كمان وشه وارم ؟
الواد شيحه جه يتكلم غمزته فى إيده علشان ما يتكلمش وقلت لحنتش أصل لما جعنا وحبينا ناكل فيه ناس ولاد حلال دلونا على مطعم إنما إيه حابقى أوصفهولك بعدين
المطعم ده عامل أكله جديدة إسمها كُل واشبع وبلاش تدفع
الأكلة دى كلها بهاريز وبهارات وتمنها كلام فاضى
إنت تاكل الأكلة من هنا تحس بسخونة وجسمك يبتدى
ينمل وتلاقى صداغك بتورم وتقلبظ وبعد يومين بقية جسمك يسمن هو كمان
وبعدين سئلته وإنتوا عملتوا إيه ؟
قاللي أنا قدمت الطلبة لأبونا وكان مستقل الفلوس إللي معايا وقاللي بالمبلغ ده ما أضمنش نجاح العملية ميه فى الميه وامى حبت على إيده وقالتله إحنا جبنالك ثمن الحمارة إللي بعناها على القرشين إللي حنتش كان محوشهم علشان يتجوز بيهم وفين وفين لما قبل إنه ياخد الفلوس وقاللي إكتب عنوانك بالظبط علشان أم النور أوالقديس إللي حيجيلها يعمل لها العملية ما يتوهش فى السكة
وسئلت أبونا عن ميعاد مجى العدرا أو القديس أبو شخشيخة علشان امى تحضّر نفسها
قلتله تحضّر نفسها إزاى يا شيحه ؟
قاللي علشان تتسبح وتنضف نفسها يا شيخ حسن
قلتله وبعدين ؟
قاللي أبونا قال مالوش لازمة التحضّير والفاضى منهم حيجيلكم
إحنا عملنا إللي علينا بخرنا وصلينا وقلنا الطلبة والباقى على العدرا وأبو شخشيخه وبعدين إنت وحظك
لو حد كان فايت من القديسين بتوع الحصاوى وسمع الطلبة حيتصل بينا علشان ياخد العنوان
فمش عاوز أعطيك ميعاد وما يجيش حد منهم وكمان لازم تستنى دورك
بس إنت قول يارب العدرا ما تطلبش أشعة رنين
قلتله وهو فيه ناس كتير مقدمة طلبات ؟
قاللي دول ناس ياما يا شيخ حسن ما يتعدوش
قلتله ما بدل اللفة دى يا حنتش ما تقولوا يارب
والرب هو الشافى
قاللى الرب بيسمع من أبونا ما بيسمعش منا يا شيخ حسن
قلتله دول بيضحكوا عليك ده ربنا مفيش أأقرب منه
بس المهم إنك تعرفه وتؤمن بيه ولا تشرك معه غيره
قاللي دول فى الكنيسة كتر خيرهم قالوللنا إوعوا تدعوا الرب منكم لنفسكم من غير الكاهن أحسن الرب يغضب منكم ويحطكم عنده فى البلاك لست ده غير إنه مش حيسمع منكم وحيسمع من الكاهن
المهم وإحنا بنتكلم جه الاتوبيس وركبنا وأنا جسمى ووشى بيوجعونى ولما نزلنا شيحه حب يوصلنى الدار قلتله لأ خليك كفاية إللي فيك أنا حااشوف حد يوصلنى ولقينا الواد الصغّير إبن حسين العقر فايت شيحه نده عليه علشان يوصلنى ولما حلاوتهم شافتنى بالمنظر ده صوتت وقالت
مين عمل فيك كدة يا سبعي ؟
عم رمضان
ياراجل ؟؟؟
الشيخ حسن
وبت طول الليل وأنا باتوجع ومش قادر أتقلب لا على جنبى ده ولا على جنبى ده وفضلت لتانى يوم وأنا تعبان
عوضين
دى حكاية ولا فى الرواية
الشيخ حسن
وعلشان كدة مقدرتش أجيلك ليلة إمبارح
عم رمضان
لأ ألف سلامة عليك يا شيخ حسن
بس إنتوا غلطانين علشان رحتوا التحرير
الشيخ حسن
أهى مرة وعدت والرب سلم
مرة وعـــــــدت
صابحة
مال وشك يا شيخ حسن سلامتك
الشيخ حسن
مين إنت ؟
صابحة
أنا صابحة يا شيخ حسن
الشيخ حسن
صابحة بنت ستهم ؟
صابحة
وليه ما تقولش صابحة بنت الطوخى
يسلم أبويا ويفضل حسه فى الدنيا
الشيخ حسن
ياساتر طالعة لأمك بلسانين
صابحة
ما قلتليش إيه إللي مورم وشك كدة ؟
الشيخ حسن
حساسية
صابحة
حساسية ولا سووك فى مصر ؟
الشيخ حسن
مين دول يا طويلة اللسان ؟
صابحة
حلاوتهم ما فضحت الدنيا وقالت إنهم سووك فى مصر إنت وشيحه إبن أبو اسماعين والكفر كلاته عرف
الشيخ حسن
دتك داهية تاخدك إنت وحلاوتهم وكل نسوان الكفر
إللي ملهمش شغلة إلا سيرة الخلق
صابحة
طيب خد بالك وإنت ماشى أحسن تنكفى على وشك وإنت مش ناقص
عوضين
فيه إيه يا صابحة ؟
مالك ومال الشيخ حسن؟
صابحة
وإيه ياخويا إللي حيكون بينى وبينه
أنا كنت بأسئله إيه إللي مورم وشه كدة
الشيخ حسن
إزيك يا عوضين
عوضين
الله يسلمك يا شيخ حسن
سمعت إنك نزلت مصر
حمد لله على سلامتك
الشيخ حسن
الله يسلمك
عوضين
إنت نزلت إمتى ورجعت إمتى وصحيح إيه إللي مورم وشك كدة ؟
الشيخ حسن
تعالى الأول وصلنى لدار عمك الشيخ رمضان ونبقى نتحدت واحنا ماشيين
عوضين
أنا كمان واحشنى عم رمضان ونفسى أشوفه
الشيخ حسن
خلاص تعالى معاى وهناك أبقا أحكيلكم إيه إللي حصللى فى مصر
عوضين
وهو كذلك هات إيدك
توكلنا على الله
**********
عوضين
ياجماعة ياللي هنا
الشيخ حسن
يا شيخ رمضان
يارب ياساتر
عم رمضان
مين الشيخ حسن
ياأهلاً وسهلاً
إزيك يا عوضين ؟
عوضين
الله يسلمك يا شيخ رمضان
عم رمضان
كنت غطسان فين يا شيخ حسن بقالك يومين ؟
وإيه إللي عمل فيك كدة ؟
الأول إتفضلوا جوه
إتفضل يا عوضين
عوضين
يزيد فضلك ياعم رمضان
هات إيدك يا شيخ حسن
هات العصايا لما أركنهالك
عم رمضان
وإيه الورم إللي فى وشك ده ؟
وهل ده إللي خلاك تغطس يومين ما أشوفكش
عوضين
مانا سئلته وقاللي لما نروح عند عمك الشيخ رمضان أبقا أحكيلكم
عم رمضان
طيب إستنوا الأول لما نولع علشان نسوى حبة شاى
ناولنى يا عوضين المنئد من عندك والقوالح قدامك أهى وجنبهم البراد والكبايات
الشيخ حسن
يعنى يا شيخ رمضان ما سمعتش حاجة كدة ولآ كدة ؟
عم رمضان
سمعت إنك نزلت مصر يوم الجمعة بدرى مع الواد شيحه إبن أبو اسماعين وإمبارح لما حضرتك ماجتش قلت يمكن بيريح من المخمضة بتاعة مشوار مصر
الشيخ حسن
بس كدة ؟
عم رمضان
ليه هو فيه حاجة تانى ؟
الشيخ حسن
الحمد لله ده أنا كنت خلاص حاموت وماتشوفوش وشى تانى
عم رمضان
ياساتر يارب
إيه إللي حصل ؟
الشيخ حسن
أنا بعد ما مشيت من عندك ليلة أول إمباح يادوب وصلت الدار ولقيت إللي بينده عليا
قلت مين إللي بينده ؟
قاللي أنا شيحة يا شيخ حسن
عم رمضان
أنا سمعت إن الواد ده بقى مدروش وماشى مع بتوع الموالد وحلقات الذكر إللي بيقعدوا يطّوحوا فيها يمين وشمال وسارح مع الجماعة دول وكمان ربى دقنه
الشيخ حسن
المهم قلتله خير يا شيحة فيه حاجة ؟
أنا قلت فى عقل بالى يمكن عاوزنى أأقرا فى مولد من الموالد إللي بيعملوها
قاللى صلى على إللي حيشفع فيك
قلتله اللهم صلى عليه
قاللي بقى ليلة إمبارح رأيت رؤيا طيبة
قلتله خير إن شاء الله ؟
قاللي لقيت نفسى بأصلى الجمعة فى سيدنا الحسين
قلت رَحْمَتُ اللَّـهِ وَبَرَكَاتُهُ عَلَيْكُمْ أَهْلَ الْبَيْتِ ۚ إِنَّهُ حَمِيدٌ مَّجِيد
قاللي ولقيتك إنت يا شيخ حسن بتصلى جنبى
قلت يانور النبى
قاللي وده إللي خلانى أجيلك دلوقت علشان تنزل معايا مصر بكرة إن شاء الله نصلى الجمعة فى الحسين
ومصاريفك ومواصلاتك كلها عليا مش حتدفع ولا مليم
قلت إيه ؟
قلتله قلت على بركة الله
قاللي يبقى كدة حااعدى عليك بمشيئة الله الساعة سبعة الصبح وتكون جاهز
قلتله يعنى بلاش أجيب فلوس معايا ؟
عم رمضان
إيه بار وعتب ؟
الشيخ حسن
أهى عزومة
عم رمضان
وقالك إيه ؟
الشيخ حسن
ضحك وقاللي لأ خلى عنك خالص أنا إللي عازمك
قلتله خلاص حابقى جاهز من النجمة
وفعلاً جاللي فى الميعاد وكنت مجهز نفسى وأخدنا بعضنا وتوكلنا على الله
أخدنا أول ميعاد من على الكوبرى والحمد لله الأتوبيس كان رايق علشان كان يوم الجمعة
عم رمضان
وبعدين ؟
الشيخ حسن
قابلنا الواد حنتش فى الأتوبيس هو وامه
عم رمضان
مين حنتش ده ؟
الشيخ حسن
ياأخى الواد حنا إبن هانم الهاتمة
عم رمضان
أنا أعرف هانم بس الواد ده مش متذكره
الشيخ حسن
ده كان تملي يقف يساعد أبوه فى دكانة العطارة
عم رمضان
أيوووه إفتكرت الواد إللي كان بيقف مع مرقس فى الدكانة
بس ده صغير مش كبير
الشيخ حسن
دلوقت بقى شاب طول بعرض وزى الفلق
عم رمضان
المهم وبعدين ؟
الشيخ حسن
شيحه سئله على فين يا حنتش ؟
حنتش قال نازلين مصر
شيحه سئله خير فيه حاجة ؟
حنتش قال امى محتاجة عملية ضرورى
شيحه سئله هى امك بتشكى من إيه ؟
ردت هانم وقالت عندى حصوة كبيرة فى الكلى يا شيخ حسن والحكيم قال إنى محتاجة عملية
وحنتش لما سئل عندنا فى الكنيسة أبونا قال تروح بيها الكنيسة فى مصر وتقدم طلبة بالحالة وهما حيعملوا اللازم
عوضين
هما بيعملوا عمليات فى الكنيسة ؟
عم رمضان
إصبر إنت يا عوضين كمل يا شيخ حسن
الشيخ حسن
أنا سئلت الواد حنتش وقلتله إزاى يعنى الطلبة دى
قاللي بنكتب ورقة فيها إسم امى والعنوان وبتشتكى من إيه والحكيم قال إيه وإنها محتاجة لعملية علشان الحصوة إللي عندها وبنسلم أبونا إللي فى الكنيسة الطلبة دى وهو بياخدها منا وبعدين يقوللنا روحوا إنتوا والفرج حيجى
قلتله وبتدفعوا فلوس على كدة ؟
قاللي إحنا بعنا الحمارة بتاعتنا على قرشين كنت محوشهم علشان ندفع لأبونا
قلتله وإيه إللي بيتم بعد ما ياخد منكم الطلب والفلوس
قاللي أبونا بيقعد يصلى ويبخر ويقرا الطلبة بتاعتنا
علشان أم النور تسمع أو قديس من القديسين يسمع ويتبرع ويعمللها العملية
قلتله يعمللها العملية فى المستشفى ؟
قاللي لأ يا عم الشيخ حسن ده إللي بيجيلها بيجيلها فى الحلم وهى نايمة إذا كانت أم النور أو قديس من القديسين
يعنى لو حظها حلو حتجيلها أم النور فى الحلم وهى لابسة البالطو الأبيض وتحت باطها العدة بتاعتها وتعمللها العملية ولو أم النور مش فاضية يجيلها القديس أبو شخشيخه أو أى قديس تانى
الواد شيحه قال لحنتش وهى أم النور ما تعرفش تشفيها بدون عملية وبدون عدة ؟
قمت أنا غمزت شيحه فى جنبه علشان ما يزودش فى الكلام ويخلى الولية هانم تقوم علينا
أنا قلت لحنتش ربنا يشفى أنا قصدى على عقله
هو إفتكرها على امه فقال يارب يا شيخ حسن بس إنت إدعيلها
قلتله وهى محتاجة دعواتى فى إيه ؟
ده كفاية إن أم النور حتكون معاها بعدتها
المهم نزلنا كلنا فى الموقف
والواد شيحه قال لحنتش أنا والشيخ حسن حنيجى نوصلكم الأول وبعدين نروح مشوارنا مش كدة يا شيخ حسن
قلتله إومال ده الإسلام بيأمرنا بمساعدة المحتاج
هى الكنيسة دى فين يا حنتش
قاللي أبونا قاللي الكنيسة فى شارع كلوت بك
رد شيحه وقال إيه الاسم البايخ ده ؟
قلتله ده يا سيدى إسم دكتور فرنساوى من أيام الحملة الفرنسية وسموا الشارع على إسمه
قاللي دول غيروا أسماء الشوارع كلها يا شيخ حسن
إشمعنى الاسم ده إللي مش عاوزين يغيروه ؟
المهم إننا مشينا فى الشارع ده يا شيخ رمضان والواد شيحه بقى مستغرب ويقول إيه كل البوتيكات دى
قلتله إنت شايف إيه يا شيحه ؟
قاللي محلات كتير للمداسات يا شيخ حسن
لو عاوز تشترى مداس جديد المداسات هنا أشكال وألوان ؟
قلتله مرة تانية يا شيحه
قاللي وتانية ليه ماحنا فيها أهو
قلتله مش وقته وكمان علشان قلتلك أجيب فلوس معايا قلتلى ملوش لزوم
المهم واحنا ماشيين لقينا واحد بينده ويقول ياهانم ياهانم تعالى إتفضلى الظاهر إن فيه واحدة كانت بتشترى مداس لها ومالدش عليها السعر فخرجت من البتيك ده إللي بيقولوا عليه فالبياع خرج ينده عليها علشان ترجع فالولية أم حنتش لما سمعت الراجل وهو بيقول ياهانم ياهانم إفتكرت إنه بينده عليها فردت وقالت نعم
المشكلة مش هنا المشكلة إن الواد حنتش ركبه ميت عفريت وعاوز يعرف الراجل ده عرف إسم امه إزاى
وراسه وألف سيف عاوز يرجع يشبط فى الراجل
المهم إن امه قالتله مش يمكن دى بركة القديس أبو شخشيخه والولـه العبيط صدق
عم رمضان
وبعدين ؟
الشيخ حسن
وصلناهم للكنيسة ومشينا رحنا على سيدنا الحسين
الواد شيحه قاللي يا سلام على منظر السياح يا شيخ حسن
قلتله شكلهم إيه يا ولـه ؟
قاللي بياض إيه وحلاوة إيه ومتجمعين على المحلات إللي بتبيع الأنتيكات والجلابيب وبيرطنوا باللاوندى
وكمان واحد فيهم بيشترى شيشة
إنما الشيشة إيه يا شيخ حسن نحاس ومدندشه وكفاية بس الواحد يبصلها من غير ما يشرب منها
قلتله طيب بطل تبص علشان رايحين نصلى
المهم جينا عند باب الجامع وقلعنا المداسات بتاعتنا الواد شيحه قاللي خد مداسك فى إيدك أحسن السياح يسرقوه علشان هما بيحبوا الأنتيكات والحاجات الأثرية
قلتله فكرك كدة ؟ معقولة ولاد الأبالسة دول يعملوها ويخلونى أرجع البلد حافى ؟
قاللي خليك ناصح ومفتح زي حالاتى
عم رمضان
هههههههه
الله إومال وشك ورم من إيه ؟
الشيخ حسن
صبرك بالله يا شيخ رمضان
أنا جايلك أهو فى الكلام
عم رمضان
ونعم بالله
الشيخ حسن
إتوضينا وصلينا الجمعة والحمد لله وخرجنا من سيدنا الحسين والواد شيحه قال يالا بينا على ميدان التحرير
قلتله عمرك أطول من عمرى تصدق يا شيحه كنت عاوز أأقولك تاخدنى ميدان التحرير بس إنكسفت منك
قاللي كدة بردو يا شيخ حسن ما تقوليش إللي فى نفسك
قلتله الحمد لله إنك سبقتنى
قاللي بس نروح إزاى وأنا مش عارف السكة ؟
المهم سئل واحد ماشى وقال للراجل إزاى نروح ميدان التحرير ؟
الراجل قال لما تلاقى كام شاب ماشيين
مع بعض إمشوا وراهم حتلاقوا نفسكم فى ميدان التحرير
قلنا تمام كدة
قلتله مش كنا ناكل لنا لقمة الأول يا سيد شيحه ؟
أنا جايب معايا صرة فيها رغيفين وحتتين جبنة
قاللى لما نروح هناك
ده هناك حناكل أكل يا شيخ حسن لحد ما نشبع
قلتله متأكد ؟
قاللي حط فى بطنك بطيخة صيفى
وبعدين غمزنى فى إيدى وقاللي إستعد يا شيخ حسن أنا شايف خمس شباب جايين هناك أهم جهز نفسك علشان نمشى وراهم
وبقينا ماشيين ورا الشباب دول يقفوا نقف وراهم يمشوا نمشى وراهم وخد عندك بقا كل شوية يقفوا ويهزروا مع بعض ويضربوا بعض ويشتموا بعض ويعاكسوا الحريم فى السكة ويتمقلتوا على إللي رايح وإللي جاى وأخر قلة أدب والواد شيحه يقوللي بقا دول الشباب بتوع التحرير ؟
قلتله دول عينة بس يمكن الباقى كويس يا شيحه
قاللي ما الجواب بيبان من عنوانه يا شيخ حسن
عم رمضان
وبعدين يا شيخ حسن ؟
الشيخ حسن
فضلنا ماشيين وراهم لحد ما لقيت شيحة بيقوللي ياخبر يا شيخ حسن
قلتله فيه إيه ؟
قاللي الظاهر احنا غلطنا لما مشينا ورا العيال دى
قلتله ليه ؟
قاللي العيال دى طلعت إنها رايحة السوق مش ميدان التحرير يا خسارة تعبنا ده كله والمشوارإللي جه على الفاضى
قلتله ليه إنت شايف إيه قدامك ؟
قاللي بياعين كتير وناس بتشترى وشايف خيم كمان
قلتله يمكن دى وكالة البلح إللي بيقولوا عليها ؟
قاللي مش عارف بس باين عليه إنه سوق
قلتله طيب هو زى إيه ؟
قاللي شكله بالظبط زى المولد بس الظاهر إن صاحبه غايب
قلتله شفت بقى إنك كنت ظالم الناس بتوع التحرير
قاللي طيب إستنى بقى لما أسئل أى بياع من دول إزاى نروح الميدان
ووقف عند واحد من البياعين وسئله لو سمحت ياحاج نروح ميدان التحرير إزاى ؟
البياع ضحك وقال لشيحه بتقول عاوز تروح فين ؟
رد شيحه وقال عاوزين نروح ميدان التحرير
البياع الظاهرعليه مسكين مش عارف السكة فنده على بياع تانى قُريّب منه وقال متعرفش ميدان التحرير يروحوله إزاى يا سمكة ؟
لقيت الجدع ده إللي إسمه سمكة بيضحك وقال
هما عاوزين يروحوا ميدان التحرير ؟
فرد عليه وهو بيضحك وقال أيوا يا سيدى عاوزين يرحوا ميدان التحرير
رد عليه سمكة وقال طيب إسئلهم عاوزين يروحوا مواصلات ولا حيتمشوا على رجليهم ؟
أتارينا يا شيخ رمضان فى ميدان التحرير وإحنا ما نعرفش علشان كدة كانوا بيتنئوزوا علينا
وبعدين سمكة قال لشيحه يعنى الراجل إللي معاك جابك مصر وهو مش ماعرف السكة ؟
شيحه قال لسمكة ده رجل كفيف وأول مرة ينزل مصر وبعدين أنا إللي جايبة معايا
ولاقينا واحد بيقول ياجماعة خلوا بالكم دول جواسيس والراجل إللي لابس جبة وقفطان ده مخبر وعامل نفسه شيخ
وفجأة لاقينا الناس إتلمت حوالينا
وإللي يقول البنى أدم إللي عامل نفسه أعمى ده شفته قبل كدة بيحدف طوب والتانى شفته وهو بيحدف مولتوف
وإللي يقول إوعوا تسيبوهم من إيديكم أحسن يهربوا
وواحد يقول أول مرة أشوف شيخ من غير دقن
وواحد تانى قاللي إحنا مش قفشناك قبل كدة وكنت ساعتها لابس أفرول ولازق دقن
وصوت جاى من بعيد بيقول حاسبوا ياجماعة ليكون معاهم سلاح
وبقيت يا شيخ رمضان مش قادر أتكلم من الخانقة
ومن الكفوف إللي نازلة ترّف على صداغى وعلى قفايا بعد العمة ما وقعت على الأرض
وبعدين سمعت واحد بيقول كتفوه وهاتوه جوه فى الخيمة لما نشوف حكايته إيه ده كمان ؟
وواحد تانى قال صح كدة ولما نمده على رجليه وننفخه حيعترف غصب عنه
إجرى يا حنفى هات منفاخ العجلة بتاعتك
عم رمضان
ياخبر مش فايت
عوضين
طب وشيحه راح فين ؟
الشيخ حسن
أنا ما سمعتش صوته خالص إلا بعدين فى الخيمة
عم رمضان
كل ده ومش قادر تقوللهم الحقيقة ؟
الشيخ حسن
أنا صداغى سخنت من كتر الضرب وكمان إللي ماسكنى من طوقى خانقنى ومش عاطينى فرصة أنطق
عوضين
ياعينى يا شيخ حسن
كل ده وإنتوا على لحم بطنكم وما أكلتوش ولا حتى لقمة بحتة جبنة ؟
الشيخ حسن
جبنة إيه يا عوضين ده إنا أكلت ضرب على صداغى وعلى قفايا لما شبعت
والأخر خدونى على الخيمة وأول ما دخلت سمعت صوت ضعيف يبان إن صاحبه مستوى على الأخر وقاللي إنت جيت ؟
قلتله وإنا باطلع الكلام بالعافية مين شيحه ؟
قاللي أيوه شيحه يا شيخ حسن
قلتله إنت متكتف زي ولآ سايب ؟
قاللي الحال من بعضه
قلتله ما شوفتش إللي حصللنا ده فى الرؤيا بتاعتك ؟
قاللي أنا صحيت من النوم وإنت كنت جنبى بتصلى
قلتله ياريتك كنت كملت بقية الرؤيا
قاللي ماهو لوشفت حاجة زى كدة مكناش نزلنا من أصله بس ده مكتوب يا شيخ حسن
عم رمضان
يا عينى ده إنتوا إتبهدلتوا على الأخر
وبعدين ؟
الشيخ حسن
وفين وفين لما سابونا من إيديهم وفكّونا بعد ما إتأكدوا إننا مظلومين وشافوا البطايق بتاعتنا وعرفوا إننا من الأرياف وبعد شيحه ما حكلهم عن الرؤيا إللي شافها وواحد فيهم قاللى معلش يا شيخ سامحنا إحنا إفتكرناك جاسوس علشان مالكش دقن
مارضتش أأقوللهم إن حلاوتهم مش عاوزانى أربى دقنى علشان بتشوّكها وقلتلهم أصلها بتعملى حساسية
وجابولى العصايا بتاعتى وواحد منهم جرى وراح جاب حتتين تلج عطانى حتة وقاللي حطها على خدك ده شوية وخدك التانى شوية علشان تهبّط الورم وعطى الواد شيحه الحتة التانية
وقالولنا إستنوا لما نعملكم شاى الواد شيحه قال
كتر خيركم إنتم عملتم الواجب وأكتر
واحد قاللنا ما تزعلوش منا إللي ضربوكم البياعين والبلطجية وإحنا إنقذناكم لما جبناكم الخيمة
قلتلهم والله يا جماعة مش مستهالة إنكم تجيبوا قوالح وتولعوا وتزعببوا الخيمة دخان علشان تعملولنا شاى
الراجل ضحك وقاللي قوالح إيه يا شيخنا إحنا عندنا كل حاجة البوتاجازات والغسالات الفول اتوماتيك والتلاجات إومال إحنا جبنالك تلج منين وكمان عندنا تليفزيونات ودش وموصلين كمان نت
الواد شيحه قال ربنا يزيدكم من فضله كمان وكمان
قالوا وفيه حمامات وشاور لو حد فيكم عاوز يتسبح أو يفك نفسه
ما رضتش أأقولهم يطلع إيه الشاور ده وقلت أبقى أسئل عليه الواد شيحه بعدين
قلتلهم وإنتوا ساكنين فى المطرح ده بقالكم كتير ؟
الراجل قاللي إنت بتتريق يا شيخ ؟
قلتله مش قصدى أنا عاوز أأقول كل الحاجات دى موجودة فى الخيمة ؟
قاللي أيوه يا سيدى كل خيمة فيها أغلب الحاجات دى وعندنا سراير ودواليب لو عاوزين تريحوا شوية من المشوار
قلتله ياااه كل ده ؟
قاللي وفيه ناس إتجوزت هنا ودخلت هنا وخلفت عيال هنا
الواد شيحه حب يجاملهم فقال بصراحة أنا لو منكم ماأسيبش الميدان خالص والحكومة تروح تعمل لها ميدان تحرير تانى
المهم شربنا الشاى وقلنا نستأذن علشان نلحق أخر ميعاد للاتوبيس
واحد منهم كترخيره قال إنتوا تعرفوا تروحوا الموقف قلتله نبقى نسئل قاللي طيب تعالوا أنا حاأوصلكم
قلتله مش عاوزين نتعبك
قاللي مفيش تعب ولا حاجة العربية موجودة
قلتله إنت رابطها فين ؟
قاللي هى حمارة حاربطها ؟
قلتله قصدى حاططها فين ؟
قاللي أنا راكنها هنا فى الميدان
وأخدنا معاه ولما وصلنا الموقف الواد شيحه قاللي
إنفخ نفسك على الأخر يا شيخ حسن وإنت نازل من العربية علشان الواد حنتش واقف أهو هو وامه مستنين الاتوبيس
قلتله والنبى يا شيحه ماتجبليش سيرة النفخ أحسن من ساعة الراجل ماقال لما نمده على رجليه وننفخه حيعترف غصب عنه وأنا ركبى سايبة لحد دلوقت
الراجل إللي موصلنا ضحك ٌوقال إفتكر بعد كدة مش حتفكروا تنزلوا مصر تانى وحتقولوا توبة النوبة
قلتله أهى مرة وعدت والرب سلم
ونزلنا من العربية وسلمنا على صاحبها وأخد بعضه ومشى وسمعت صوت الواد حنتش وهو بيقوللي كويس إنكم جيتم فاضل عشر دقايق على الاتوبيس
قاللي مالك يا شيخ حسن وشك وارم وشيحه هو كمان وشه وارم ؟
الواد شيحه جه يتكلم غمزته فى إيده علشان ما يتكلمش وقلت لحنتش أصل لما جعنا وحبينا ناكل فيه ناس ولاد حلال دلونا على مطعم إنما إيه حابقى أوصفهولك بعدين
المطعم ده عامل أكله جديدة إسمها كُل واشبع وبلاش تدفع
الأكلة دى كلها بهاريز وبهارات وتمنها كلام فاضى
إنت تاكل الأكلة من هنا تحس بسخونة وجسمك يبتدى
ينمل وتلاقى صداغك بتورم وتقلبظ وبعد يومين بقية جسمك يسمن هو كمان
وبعدين سئلته وإنتوا عملتوا إيه ؟
قاللي أنا قدمت الطلبة لأبونا وكان مستقل الفلوس إللي معايا وقاللي بالمبلغ ده ما أضمنش نجاح العملية ميه فى الميه وامى حبت على إيده وقالتله إحنا جبنالك ثمن الحمارة إللي بعناها على القرشين إللي حنتش كان محوشهم علشان يتجوز بيهم وفين وفين لما قبل إنه ياخد الفلوس وقاللي إكتب عنوانك بالظبط علشان أم النور أوالقديس إللي حيجيلها يعمل لها العملية ما يتوهش فى السكة
وسئلت أبونا عن ميعاد مجى العدرا أو القديس أبو شخشيخة علشان امى تحضّر نفسها
قلتله تحضّر نفسها إزاى يا شيحه ؟
قاللي علشان تتسبح وتنضف نفسها يا شيخ حسن
قلتله وبعدين ؟
قاللي أبونا قال مالوش لازمة التحضّير والفاضى منهم حيجيلكم
إحنا عملنا إللي علينا بخرنا وصلينا وقلنا الطلبة والباقى على العدرا وأبو شخشيخه وبعدين إنت وحظك
لو حد كان فايت من القديسين بتوع الحصاوى وسمع الطلبة حيتصل بينا علشان ياخد العنوان
فمش عاوز أعطيك ميعاد وما يجيش حد منهم وكمان لازم تستنى دورك
بس إنت قول يارب العدرا ما تطلبش أشعة رنين
قلتله وهو فيه ناس كتير مقدمة طلبات ؟
قاللي دول ناس ياما يا شيخ حسن ما يتعدوش
قلتله ما بدل اللفة دى يا حنتش ما تقولوا يارب
والرب هو الشافى
قاللى الرب بيسمع من أبونا ما بيسمعش منا يا شيخ حسن
قلتله دول بيضحكوا عليك ده ربنا مفيش أأقرب منه
بس المهم إنك تعرفه وتؤمن بيه ولا تشرك معه غيره
قاللي دول فى الكنيسة كتر خيرهم قالوللنا إوعوا تدعوا الرب منكم لنفسكم من غير الكاهن أحسن الرب يغضب منكم ويحطكم عنده فى البلاك لست ده غير إنه مش حيسمع منكم وحيسمع من الكاهن
المهم وإحنا بنتكلم جه الاتوبيس وركبنا وأنا جسمى ووشى بيوجعونى ولما نزلنا شيحه حب يوصلنى الدار قلتله لأ خليك كفاية إللي فيك أنا حااشوف حد يوصلنى ولقينا الواد الصغّير إبن حسين العقر فايت شيحه نده عليه علشان يوصلنى ولما حلاوتهم شافتنى بالمنظر ده صوتت وقالت
مين عمل فيك كدة يا سبعي ؟
عم رمضان
ياراجل ؟؟؟
الشيخ حسن
وبت طول الليل وأنا باتوجع ومش قادر أتقلب لا على جنبى ده ولا على جنبى ده وفضلت لتانى يوم وأنا تعبان
عوضين
دى حكاية ولا فى الرواية
الشيخ حسن
وعلشان كدة مقدرتش أجيلك ليلة إمبارح
عم رمضان
لأ ألف سلامة عليك يا شيخ حسن
بس إنتوا غلطانين علشان رحتوا التحرير
الشيخ حسن
أهى مرة وعدت والرب سلم
تعليق