قال المؤلف والكاتب بلال فضل على تويتر أنه يختلف مع الشيخ الحويني في كثير من الموضوعات إلا أن رأيه في المفتي صحيح وختم قائلاً نريد مفتي مستقل وشجاع وأدعى أن عدم وجود مفتي شجاع ومستقل هو السبب في ظهور الشيخ الحويني وغيره .

وتساءل الباحث محمود داود على الفيس بوك من هذا " بلال فضل " الذي يختلف مع رجل في قدر الشيخ أبو إسحاق الحويني وفي علمه وكتب ساخراً منه " ده بس للناس اللي بتقول بلال فضل محترم وله آراء كويسة ومينفعش نوقف له على الواحدة!! .
بقى المُحدث بلال فضل بيختلف مع المُحدث أبي إسحق الحويني ؟! والله كنت هقول كلمة وحشة لكن أقول مكانها: هزلت والقطة أكلت عيالها والفرخة أكلت بيضها


بقى بلال فضل اللي تلقيه مبيعرفش " أحكام الوضوء والطهارة " بيختلف مع الشيخ أبي إسحق الحويني في 100 حاجة ؟ طيب قول لينا حاجة واحدة منهم بس وقولنا رأيك العلمي فيها ؟ .


وقال داود " أن المشايخ مش فوق مستوى النقد ولا هم معصومين من الخطأ..ولكن اللي يختلف معاهم يكون على الأقل عالم أو شيخ مثلهم وفاهم بيختلف في إيه بالظبط .. اللي بيختلف مع كيميائي مينفعش يكون واحد بيبيع بطاطا مثلاً .


لكن أشمعنا اللي يختلف مع عالم في الدين ومحُدث يكون واحد كاتب فيلم" بلطية العايمة "و " حاحا وتفاحة " وسلم لي على"خالتك فرنسا" والكلام الأهبل ده؟ .


أنت أخرك تروح تختلف مع "نادية الجندي" ولا مؤاخذة ... !


وبيقول لو كان عندنا مفتي مستقل وشجاع..لو كان عندنا مفتي شجاع كان قعدك في بيتكم وخلاك تقول"حاحا" يا بتاع تفاحة !! وحرمنا من أفلامك التافهة .


وأقول لو كان عندنا مفتي عالم ما وسعه إلا أن يقبل رأس ويد الشيخ الحويني حفظه الله ورعاه .


واللهِ قد هزُلت وبان هزالُها *** لما غدونا مطمعَ الفئرانِ


http://www.elmokhalestv.com/index/details/id/10514