[BIMG]http://img851.imageshack.us/img851/9509/user4pic621257276230.gif[/BIMG]
درس الأحد ( 152 )
هل تقمص الشيطان شخصية بولس
الواعظ الأب بروتا
سعيدة عليكم
التلاميذ
سعيدة مبارك
الأب بروتا
وعظة اليوم حنخصصها للقديس بولس الرسول
شريك الرب فى إنجيله
زى ما قاللنا فى رسايله
وحنلاقى فىى الرسايل بتاعته تلميحات كتيرة عن الشركة دى علشان يفكرنا دايمآ إنه شريك مهم
وشريك فاعل وأساسى
وده حنلمسه من أقواله زى
أقول لكم أنا لآ الرب
وأما أنا فأقول لكم
وأما أنا فأعطى رأيآ
تمام زى الرب ماكان بيقول فى موضوع الزنا
سمعتم إنه قيل لكم كذا
أما أنا فأقول لكم كذا
فالقديس بولس كمان قال نفس العبارة
أما أنا فأقول لكم
وهى دي الشركة الجميلة فى رأي
إنه يقول رأى الرب وبعدين يقول رأيه هو
وإحنا نختار إللي يعجبنا
ميرى
إزاى يعنى شريك فى الانجيل هو الرب محتاج سنيد أو كلامه ناقص أو محتاج تعديل أو تبديل أو هو شايف إللي مش شايفه الرب
الأب بروتا
جينا بقا لوجع القلب والتجديف
ميرى
طيب حضرتك تقول إيه لما يقول كلام معارض لكلام الرب ؟
مايكل
وتقول إيه حضرتك لما إحنا ناخد بكلامه ونترك كلام الرب ؟ مع إنه بيقول ان كلامه ده مجرد رأى
والرأى يحتمل فيه الصواب ويحتمل فيه الخطأ
ومش كدة وبس ده بيعترف إنه غبى وبيقول ليتكم تحتملون غباوتى
ميرى
ولآ مؤاخذه إللي يصدق واحد غبى يكون أغبى منه
الأب بروتا
أنا شايف إنكوا تسمعوا الوعظة وبعدين إللي عنده سؤال يبقى يسئله
نبيه
وما تخليها حضرتك أول بأول يعنى فى حموتها والحاجة إللي محتاجة إستفهام نسئل فيها فى وقتها
الأب بروتا
هو أنا لسه قلت حاجة يا حبيبى انت وهو
ده أنا ماقلتش غير كلمة شريك فى الانجيل
نبيه
هو ده مشروع تجارى علشان يبقوا شركة فيه
ده إنجيل المفروض زى ما بتقولوا ان إللي كتبه رجال الله المساقون من روح القدس
واحنا عارفين ان أخر حاجة قالها الرب إنه حيرسل
معزى أخر وإنتوا قلتوا ان المعزى هو الروح القدس
مش بولس
والرب عمره ما جاب سيرة إنه حيشركه معاه فى إنجيله أو يرسله من الأساس
الأب بروتا
إنتوا ياولاد مش عارفين ان الرب طلع لبولس فى السكة والقديس بولس خاف منه جدآ وقال وهو جسمه بيتنفض من أنت يا سيدى ؟
ميرى
حضرتك بتقولها بطريقة ان إللي طلع لبولس فى الطريق عفريت
فصيح
ده القديس بولس هو إللي حكى الحكاية الدراماتكية دى وكأن إللي طلعله عفريت مع إضافة المؤثرات السمعية والبصرية
ناصح
وإحنا إيش عرفنا ما يمكن بولس نفسه ألف الرواية دى ولآ حد ظهرله من الأصل وخصوصآ ان مفيش ولآ شاهد واحد شهد معاه
تريزا
وعرف منين إنه الرب وخصوصآ ان إللي طلعله لم يخبره بشخصيته مثل أنا الرب أو أنا يسوع أو أنا المسيح
ولكن قال فقط أنا الذى تضطهده !!!!!
كيرلس
ده ممكن يكون الشيطان نفسه تقمص شخصية بولس وقال ان يسوع ظهرله فى السكة علشان التلاميذ تصدقه وبعد كدة يقدر يضل أتباع المسيح
والمعطيات على ذلك كثيرة
ميرى
إزاى ياكيرو ؟
كيرلس
إحنا لو بصينا فى انجيل لوقا حنلاقى ان السيد المسيح قال
22: 31 و قال الرب سمعان سمعان هوذا الشيطان طلبكم لكي يغربلكم كالحنطة
22: 32 و لكني طلبت من اجلك لكي لا يفنى ايمانك و انت متى رجعت ثبت اخوتك
ميرى
ياترى إيه إللي طلبه الرب من أجل سمعان
حتى لا يفنى إيمانه ؟
تريزا
يمكن طلب من الشيطان ما يحطش سمعان فى الغربال
ميرى
والمسيح طلب من منين تثبيت إيمان سمعان ؟
طلب من إلهه ولآ طلب من الشيطان وترجاه ما يغربلش سمعان ؟
كيرلس
العبارة مبتورة كالعادة زى ما حصل فى رد الرب يسوع على بيلاطس فى يوحنا لما قال لبيلاطس جئت لأشهد للحق
قال له بيلاطس ما هو الحق و لما قال هذا خرج ايضا الى اليهود و قال لهم انا لست اجد فيه علة واحدة
ولم يقول ما هو الحق الذى جاء ليشهد له
وطبعآ مش معقول بيلاطس يسئله ويقول ماهو الحق الذى جئت لتشهد له وبعدين يسيبه ويخرج ولآ ينتظر الاجابة عن السؤال
المهم فى العملية دى ان السيد المسيح كان عارف ان الشيطان حيتسلط على تلاميذه ويغربلهم كالحنطة حتى يفنى إيمانهم لذلك لو قلنا ان السيد المسيح طلب من ربه أن لا يتأثر إيمان سمعان
فهل أجابه الرب إلى طلبه ؟
ولو قلنا ان المسيح توجه بالرجاء الى الشيطان حتى لا يغربل سمعان مع بقية التلاميذ
فهل إستجاب له الشيطان ؟
وياترى مين إللي فضل فى الغربال ومين إللي سقط منه ؟
الأب بروتا
أيوه ياعلامة عصرك
انت بتجيب الكلام ده منين ؟
كيرلس
أنا أوقات كتيرة بأقعد أتناقش مع بابا وعمو ونتبادل الأفكار أنا وهما وكمان أفكارى بتعجبهم
الأب بروتا
وإيه كمان ياحبيبى ؟
كيرلس
حاجات كتير أوى
المهم ان ده بنلاحظه فى الخلاف إللي وقع بين بولس وتلامذة المسيح وإنهم كانوا رافضينه فى الأول وهو كمان عك فيهم جامد
الأب بروتا
إسمها عك فيهم جامد ؟!!
كيرلس
يعنى هاجمهم وهاجم تعاليمهم
بس فى الآخر قدر يسيطرعليهم ويستميلهم ناحيته
وبعد كدة كان سهل عليه إنه يبث فيهم أفكاره وتعاليمه
ويبدل إيمانهم
الأب بروتا
طيب ياحبيبى فى حكاية ظهور الرب لبولس ورؤيته للضوء الشديد وتأثير ذلك على عينيه وعدم الرؤية بعد ذلك نتيجة الضوء الشديد
يتبع بمشيئة الله