تويت
[BIMG]http://img827.imageshack.us/img827/9509/user4pic621257276230.gif[/BIMG]
درس الأحد ( 149 )
يا أبتاه إغفر لهم
الواعظ الأب فانتا
سلام المسيح عليكم
التلاميذ
سلام ونعمة
الأب فانتا
أنا أبوكم فانتا الحبشى
لأن أصلي فى الأساس من الحبشة
التلاميذ
مرحب يابونا
الأب فانتا
فيه حد منكم عاوز يسئل فى حاجة مش فاهمها
ميرى
يووووه حاجات كتير مش فاهمنها
الأب فانتا
انت بس ولآ فيه حد تانى
نبيه
أغلبنا مش فاهمين
الأب فانتا
وليه ما سئلتوش الأباء إللي بيوعظوكم
ميرى
بأسئل وبيردوا بإجابات بعيد عن الأسئلة
الأب فانتا
زى إيه مثلآ ؟
ميرى
زى المسيح بيحبك والأسئلة دى تزعله
الأب فانتا
الأسئلة دى فى الإيمان
مايكل
فى أى حاجة فى الكتاب المقدس
الأب فانتا
لو أسئلة فى الايمان مش مطلوب منا نصر على الفهم لأن ده بيعتبر خارج عقلنا المحدود ومهما حاولنا مش حندرك حقيقته كبشر
وعلشان كده بنقول نقبل التفسيرات اللآهوتية إللي بتتقال وعندكم أبونا بسيط وأبونا أنطونيوس وأبونا أرسانيوس عزيز وأبونا فيلمون صبحى
ده غير تفسيرات سيدنا ودى لوحدها كفاية
ناصح
وهما أدركوا حقيقته إزاى وحضرتك بتقول مهما حاولنا مش حندرك الحقيقة كبشر
ميرى
ماهو ياناصح مهما حاولت تقرا ليهم ما بتفهمش حاجة
تريزا
أنا عن نفسى لما بحتاج أسئل عن حاجة وأحب أشوف التفسيرات بتاعتهم ألآقى كل واحد فيهم رايح فى ناحية وبيفسرها بشكل مختلف عن التانى وبعيد خالص عن إللي بأسئل عنه
الأب فانتا
زى إيه مثلآ ؟
تريزا
فى موضوع المرأة الزانية
إللي جت فى إنجيل القديس يوحنا
أما يسوع فمضى إلى جبل الزيتون. ثم حضر أيضاً إلى الهيكل في الصبح وجاء إليه جميع الشعب فجلس يعلمهم. وقدم إليه الكتبة والفريسيون امرأة أمسكت في زنا ولما أقاموها في الوسط. قالوا له يا معلم هذه المرأة أمسكت وهي تزني في ذات الفعل. وموسى في الناموس أوصانا أن مثل هذه ترجم فماذا تقول أنت. قالوا هذا ليجربوه لكي يكون لهم ما يشتكون به عليه وأما يسوع فانحنى إلى اسفل وكان يكتب بإصبعه على الأرض."
وحبيت أعرف يعنى إيه معنى تزنى فى ذات الفعل بعد ماقال امسكت فى زنا
وإيه إللي كان يسوع بيكتبه بإصبعه على الأرض
وكمان عبارة جاء إليه جميع الشعب فجلس يعلمهم
لأن عبارة جاء إليه جميع الشعب ليعلمهم معناها إنهم مؤمنين به وبكلامه فلماذا يقول الانجيل بعد ذلك فصرخ الجميع اصلبه اصلبه
وقلت أشوف أبونا أنطونيوس فكرى فسر الحكاية دى إزاى
مع إنى سمعت ان قصة المرأة الزانية الكل قال إنها غير موجودة فى المخطوطات السينائية والفاتيكانية والسكندرية وواشنجطن والبردية 66 ، وقالوا إن القصة إضيفت بعد ذلك فى زمن لاحق من مرجع غير معروف
فلقيت أبونا أنطونيوس هو الوحيد إللي بيقول القصة موجودة فى أقدم المخطوطات
حدث في القرون الأولى أن بعض النساخ لم يكتبوا هذه الآيات لأنهم ظنوها تشجع على الخطية. ولكن هذه القصة موجودة في معظم النسخ وبالذات في النسخ القديمة جداً
يعنى خالف الكل وقال إنها موجودة فى أقدم المخطوطات
مع انها غير موجودة
وبعدين قال
المسيح يذهب إلى جبل الزيتون، فيظهر التناقض واضحاً فالفريسيين ذهبوا إلى بيوتهم أي لأماكنهم الشريرة أمّا المسيح فذهب إلى جبل الزيتون حيث كان يصلي أي إلى حيث علاقته مع الآب.ولأن يسوع كان معتاداً على الذهاب إلى جبل الزيتون عرف يهوذا مسلمه هذا المكان وسلًّمه فيه (لو37:21-38). المسيح تكلم فيما سبق عن الروح القدس ثم ها هو يذهب لجبل الزيتون، وزيت الزيتون هو زيت المسحة الذي به يحل الروح القدس على الممسوح كاهناً أو ملكاً ومنه زيت الميرون. الذي به يحل الروح القدس على كل معمد ويمسح بزيت الميرون.
أنا لما قرأت بداية تفسيره ولقيته قعد ينتش من هنا ومن هنا
ماكملتش كلامه
مال يهوذا ومال زيت الزيتون وزيت الميرون بالموضوع ومال المسحة بالمرأة الزانية
الأب فانتا
أنا معاكم ان مفيش حد بيفهم حاجة منهم
وتفسيراتهم محتاجة تفسيرات علشان تتفهم وخصوصآ فى اسس العقيدة
تريزا
مع انى كنت محتاجة أفهم عبارة وجاء إليه جميع الشعب وجلس ليعلمهم
فإزاى يطالبوا بيلاطس بصلبه بعد ذلك
كيرلس
أكيد مش جميع الشعب
لأن لو أمن جميع الشعب حتبقى فيه مشكلة
الأب فانتا
وإيه إللي مشّكلهًا ياحبيبى ؟
كيرلس
لو أمن الجميع بيسوع الأب مش حيلاقى حد يصلب إبنه
وخطتة من أجلنا تكون فشلت
ميرى
فعلآ حتكون مشكلة
الأب فانتا
أنا معاكم ان كتبة الأناجيل زودوها شوية رغم إنهم بيكتبوا وهم مساقين بالروح
فعبارة جميع الشعب فيها مبالغة مقصود بيها زيادة مجد
الله
ان كان صدق الله قد ازداد بكذبي لمجده فلماذا أدان انا بعد كخاطئ
تريزا
هو حضرتك مصدق القصة بتاعة المرأة الزانية
الأب فانتا
مادام أبونا أنطونيوس فكرى قال إنها موجودة فى أقدم النسخ يبقى لازم أصدقه
تريزا
حتى لو اعترف الجميع انها غير موجودة وإضيفت بعد ذلك
الأب فانتا
مش لازم نشكك فى كلام أبونا أنطونيوس
ميرى
طيب أبونا أنطونيوس بيقول
حدث ان بعض النساخ لم يكتبوا هذه الآيات لأنهم ظنوها تشجع على الخطية
طيب ليه القصة إتوضعت تانى لو كلامه صحيح ؟
وهل معنى كده انها كانت تشجع على الخطية قبل ذلك والأن لا تشجع على الخطية ؟
تريزا
يمكن ظنهم ماجاش فى محله فحطوا القصة من تانى
الأب فانتا
إحنا حنهرج
مايكل
بالفرض لو القصة زى ما بيقول موجودة فى أقدم النسخ وبعدين النساخ بعد كده لم يكتبوها
واحنا بنقول ان الروح هو إللي أوحى للكتبة إنهم يكتبوها
طيب لما الروح يوحى بقصة المرأة الزانية والنساخ يمسحوها ظنآ منهم إنها تشجع على الخطية
ألآ يعتبر ذلك تجديف على الروح بحجب جزء من كلامه
الأب فانتا
إيه هو تحقيق ؟
مايمكن القصة أصلآ مش موجودة من الأساس
وابونا أنطونيوس بيقول كده بس ردآ على المعترضين
إللي كل همهم إنهم يقولوا ان كتابنا محرف
ناصح
بالسرعة دى يابونا غيرت كلامك
مش لسه بتقول إنك لازم تصدق أبونا أنطونيوس لو كان قال الكلام ده
الأب فانتا
أنا مش عارف ليه التدقيق فى الحاجات الصغيرة دى
قصة كانت موجودة وبعدين إتشالت وبعدين إتحطت تانى
إيه المشكلة ؟
ناصح
المشكلة إنها مكانتش موجودة من أصله علشان تتشال
الأب فانتا
ممكن تفضوها سيرة
ونتكلم فى حاجة تانى ؟
كيرلس
كنت عاوز أسئل عن عدد مكتوب فى انجيل القديس لوقا
وهو
23: 34 فقال يسوع يا ابتاه اغفر لهم لانهم لا يعلمون ماذا يفعلون و اذ اقتسموا ثيابه اقترعوا عليها
الأب فانتا
فيه إيه عاوز تسئل عنه ؟
كيرلس
بنقول ان المسيح له طبيعة واحدة
طيب لو كان المسيح هو الله
ليه بيقول ياأبتاه ؟
وليه لم يغفر لهم هو زى ما غفر للمفلوج
ده أولآ
الأب فانتا
هو فيه ثانيآ ؟
كيرلس
أيوه . بس لما نخلص الأول من أولآ
الأب فانتا
أنا فاكر ان أبونا تادرس يعقوب قال وهو بيفسرالعبارة دى
قال هذا ليس لأنه غير قادر على الغفران بنفسه، وإنما لكي يُعلمنا أن نصلي من أجل مضطهدينا، لا بالكلام فحسب وإنما بالعمل أيضًا. يقول: "اغفر لهم" إن كانوا يتوبون، فإنه رحوم بالنسبة للتائبين، إن كانوا يريدون أن يغسلوا بالإيمان خطاياهم الكثيرة التي ارتكبوها
كيرلس
فين الأجابة ؟
العبارة بتقول
يا أبتاه اغفر لهم لانهم لا يعلمون ماذا يفعلون
ولم يقول اغفر لهم إن كانوا يتوبون
وفين كلمة ياأبتاه
سوزى
العدد بيقول
فقال يسوع يا ابتاه اغفر لهم لانهم لا يعلمون ماذا يفعلون و اذ اقتسموا ثيابه اقترعوا عليها
الأب فانتا
علشان صلبوه وهم لآ يعرفوا إنه الله
سوزى
الله !! ويقول يا أبتاه !!!
الأب فانتا
أنا عاوز اشرح لكم إيه يعنى طبيعة واحدة
معناها ان الطبيعة البشرية إللي هى الناسوت والطبيعة اللاهوتية إللى هى الله الكلمة بعد تجسدها فى العذراء وولدت المسيح أصبح المسيح له طبيعة واحدة نتجت عن إتحاد الناسوت باللاهوت إتحاد كامل بدون إمتزاج أو إنفصال
إذا المسيح هو الله الكلمة إللي بنسميه الأبن
فاهمين
ميرى
هو الثالوث مش زى ما بنقول فى قانون الايمان بسم الأب والأبن والروح القدس إله واحد أمين
يعنى معنى كده ان المسيح هو الله ؟
الأب فانتا
تمام كده
ميرى
طيب الله بيقول ياأبتاه لمين ؟
الأب فانتا
انت مش واخدة بالك
بصوا ياولاد
صحيح إحنا بنقول عنهم واحد وبنقول ان المسيح هو الله
بس لازم تعرفوا ان الأب غير الأبن غير الروح القدس
ومع ان كل واحد فيهم غير التانى إلآ إنهم واحد
كيرلس
مين إللي كان على الصليب ؟
الأب فانتا
الناسوت متحد باللاهوت بدون إمتزاج أو إنفصال ولو لطرفة عين
كيرلس
حضرتك حدد أكتر
الأب فانتا
المسيح ذو الطبيعة الواحدة
من طبيعتين طبيعة ناسوتية وطبيعة لآهوتيه
كيرلس
ممكن تحدد أكتر
الأب فانتا
إللي كان على الصليب هو الله الأبن إللي هو الكلمة
كيرلس
والأبن مش هو اقنوم من ضمن ثلاثة أقانيم
إللي هما واحد
الأب فانتا
كده تمام
كيرلس
معنى كده ان اقنوم منهم بيطلب من الاقنوم التانى إنه يغفر لليهود إللي صلبوه
الأب فانتا
يعنى ممكن نقول إنه كده فعلآ
كيرلس
هما مش إرادتهم واحدة ؟
الأب فانتا
إرادة مين ؟
كيرلس
الأب والأبن والروح القدس
الأب فانتا
يابنى ياحبيبى هما واحد
قلبنا وجعنا واحنا قاعدين نقول انهم واحد
كيرلس
ياسيدى حلمك عليّا
طيب ليه واحد منهم يقول ياأبتاه إغفر لهم
لماذا لم يغفر لهم هو مادام انهم واحد ولهم إرادة واحدة
الأب فانتا
لأ كفاية لحد هنا
الظاهر إنكوا أغبية وحتتعبونى معاكم
الوعظة انتهت
كيرلس
بس لسه فيه ثانيآ
الأب فانتا
لآ ثانيآ ولآ ثالثآ
سلام
التلاميذ
سلام
وأخر دعوانا ان الحمد لله رب العالمين
لا شريك له
