نحو الأمية ... العلم نورون ... متجدد

**محمود شومان** · 13 مار, 2011, 12:09 ص

السلام عليكم ورحمة الله وبركاته
لكن ما هو السبيل للدخول فى هذا الفصل انا عايز احضر معاهم
دى الدنيا عندهم رخيصه خالص غير السوق عندنا حاجه حلوه
1+1+1=1 طب ما الدنيا رخيصه اهى تحياتى

**محمود شومان** · 13 مار, 2011, 12:21 ص

السلام عليكم ورحمة الله وبركاته
خلاص الفزوره اتحلت بالعمليه الحسابيه السهله
اللى كانت غيبه عننا وقعدين نضرب اخماس فى اسداس
علشان نثبت متشكرين ياجهبيز ويسلم نيرون بتاع روما
تحياتى

**showman2** · 13 مار, 2011, 12:32 ص

المشاركة الأصلية بواسطة محمود شومان

السلام عليكم ورحمة الله وبركاته
خلاص الفزوره اتحلت بالعمليه الحسابيه السهله
اللى كانت غيبه عننا وقعدين نضرب اخماس فى اسداس
علشان نثبت متشكرين ياجهبيز ويسلم نيرون بتاع روما
تحياتى

بارك الله فيك اخى الفاضل على المرور والمداخلة الكريمة
وبعدين العلم نورون بتاع عطية غير نيرون بتاع روما
وكل واحد وعلامه

**showman2** · 13 مار, 2011, 12:36 ص

الحضور
ل لاهوت
عطية
م معجزة م ملاك
من المعجزات إللي كان بيعملها الرب
الحضور
م معجزة م ملاك
ودلوقت خلوا بالكوا كويس علشان احنا داخلين على حرف من الحروف المهمة ويعتبر توأم لحرف إل ل
والحرف ده هو حرف إلن
وإللي أول ما بنسمعه بنتخيل الرب يسوع إللي كان ظاهر فى صورة الناسوت
قولوا ورايا
ن ناسوت
الحضور
ن ناسوت
ونقف النهاردة عند الناسوت
إللي هو حرف إل ن المهم
إللي أول ما بنسمعه بنتذكر الناسوت
واحد من الحضور
وكمان ن نبى
عطية
ومين ندبك علشان تتكلم
وبعدين احنا بنتكلم عن إله مش نبى
ودلوقت مطلوب منكم تكتبوا الحروف دى عشرين مرة فى البيت علشان تحفظوا شكلها
وانت بالذات تكتبها أربعين مرة علشان تبقا تقعد ساكت
وبكده يكون عرفنا لحد دلوقت الحروف المهمة فى المسيحية
وهى
ج جسد ح حاشا خ خروف
س سمكة ص صليب ف فطيرةل لاهوت ن ناسوت
ويبقا فاضل لنا حرف مهم وهو حرف إل و
وأنا شخصيآ بأعتبره من وجهة نظرى أهم حرف فى الحروف كلها لإنه بيشبك الأقانيم مع بعض
وبيجمعهم فى شركة جميلة مع بعض
ونلاحظ ده فى قانون الايمان بتاعنا لما نقول
بسم الاب و الأبن و الروح القدس
شوفتوا حرف الشرك ده
قصدى حرف الشركة
شوفتوا جمع التلاتة مع بعض إزاى
ودلوقت حناخد الحساب
وزى ما عندنا حروف أبجدية مهمة فى المسيحية
كمان عندنا أرقام مهمة كمان زى
2 3 7 12 70 500
والرقم إتنين ممكن نجمع بيه حاجة وحاجة تانية بس يكونوا زى بعض من نفس النوع والجنس
مثلآ
تفاحة وتفاحة يبقوا إتنين تفاحة
ومنقدرش نجمع بيه حاجتين مختلفتين زى مثلآ
تفاحة وبرتقانة
أو
خشبة ومسمار
لأن لما نيجي نجمعهم نلاقيهم لسه ماإتجمعوش وهما هما وحنكون تعبنا نفسنا على الفاضى
لأن مجموع خشبة ومسمار هو هو خشبة ومسمار
ومجموع تفاحة وبرتقانة هو تفاحة وبرتقانة
ويبقا ما نابنا إلآ التعب
طيب نعمل إيه فى الحالة دى ؟
يعنى لو معاك تفاحة وبرتقانة مثلآ
متقدرش تقول معاى إتنين
طيب تقول إيه لو حد سئلك معاك إيه ؟
فى الحالة دى تقول معاى تفاحة وبرتقانة
صح !!!
فاهمين ولآ أشرحها كمان
الحضور
فاهمين
عطية
طيب واحد منكم يدينا مثال
واحد من الحضور
الأب والأم
عطية
ولو إن ده مذكر وده مؤنث بس تمشى على أساس إنهم والدين يعنى إتنين
وبعدين مش بدل ما نقول
الأب والأم
الأحسن نقول
الأب والأبن
فيه حد تانى يقول مثال
واحد من الحضور
مثلآ
المسيح وبطرس
عطية
خلوا بالكم زميلكم بيقول المسيح وبطرس
واحنا بنقول لازم يكون الجمع بين إتنين زى بعض فى النوع والجنس
وفى المثال ده ما ينفعش الجمع لآ من حيث النوع لأن المسيح فيه ناسوت ولآ هوت وبطرس يعتبر ناسوت بس
ولآ من حيث الجنس لأن زى ماحنا عارفين ان المسيح وحيد الجنس
يبقا مينفعش أقول انهم إتنين لأنهم حيكونوا زى التفاحة والبرتقانة
ونكمل الحصة الجاية
سلام

**showman2** · 13 مار, 2011, 12:46 ص

رجاء التفاعل بارك الله فيكم
بس علشان أعرف المعلومة بتوصل أم لآ

**أحمد عبد الرحمن بدوى** · 19 مار, 2011, 10:51 ص

بتوصل واحنا متابعين بشغف

**السهم الثاقب** · 9 يول, 2011, 03:14 ص

شكرن جزيلن ... فعلن العلم نورون

**السهم الثاقب** · 9 يول, 2011, 03:22 ص

يعني الـ(و) حرف مُقدّس ؟؟؟

ونلاحظ ده فى قانون الايمان بتاعنا لما نقول
بسم الاب و الأبن و الروح القدس
شوفتوا حرف الشرك ده
قصدى حرف الشركة

**حاملة اللواء** · 4 ديس, 2011, 02:18 ص

جزاكم الله خيرا أستاذنا الفاضل شومان
تسجيل متابعة إن شاء الله تعالى

**showman2** · 5 ديس, 2011, 12:40 ص

المشاركة الأصلية بواسطة حاملة اللواء

جزاكم الله خيرا أستاذنا الفاضل شومان
تسجيل متابعة إن شاء الله تعالى

وجوزيتم كل الخير اختنا حاملة اللواء
شرفنى مرورك

**showman2** · 6 ديس, 2011, 02:04 ص

نحو الأمية
( 4 )

الاستاذ عطية
قيام
إرسال
إسهال
جلوس
كله حاضر مفيش حد غايب
الطلبة
الكل حاضر
الاستاذ عطية
طيب عال لأن الحصة دى مهمة جدآعلشان حتكون عربى
وحساب مع بعض بدون امتزاج وبدون انفصال
وزى ما اتكلمنا عن الرقم اتنين واهميته فى المسيحية
والناسوت واللاهوت مثال على ذلك
بنيجى النهاردة نتكلم عن الرقم تلاتة اللي شكل الشوكة وليه 3 سنان
وعمومآ أنا جايب معاى شوكة من البيت وخليت فيها 3 سنان بس علشان اللي ما يعرفش شكلها يشوفها
ودى اللي بترمز للعدد تلاتة
والعدد تلاتة يعتبر اهم رقم فى عقيدتنا المسيحية وده بنشاهده كتير لما نيجي نسمع حد وهو بيقرا فى الكتاب المقدس
وعلطول بنذكره لما نيجي نقول بسم الأب والأبن والروح القدس
الأب+ الأبن + الروح القدس = 3
يعنى التثليث
طالب
بس حضرتك قلت قبل كده
1 + 1 + 1 = 1
الاستاذ عطية
ده لما كنا بنتكلم فى الايمان والعقيدة
احنا دلوقت بنتكلم فى الحساب وأهمية الأرقام وهنا تفرق
فهمت !!!!!!
كمان للإستدلال على أهمية هذا الرقم بنلاقى ان المسيح اتصلب وسط لصين فصار مجموع المصلوبين تلاتة
لص + يسوع + لص = 3 مصلوبين
كمان السيد المسيح ظل فى القبر ثلاثة ايام وثلاثة ليال
لإنه مات مساء الجمعة وقام الأحد صباحآ يبقا عندنا
ليلة السبت + ليلة الآحد = 3 ليلة
طالب
إيه اللخبطة دى
ليلة وليلة يبقوا 3 ليالى
الاستاذ عطية
احنا هنا بنتكلم فى العقيدة مش فى الحساب
وبالنسبة للأيام هو مات مساء الجمعة فيوم الجمعة يتحسب بالكامل وعندك يوم السبت كامل لوحده
وقام الحد الصبح فكمان يوم الحد يتحسب يوم كامل
فيصبح حساب الايام هكذا
مساء الجمعة + يوم السبت + صباح الحد = 3 أيام
طالب
وليه نحسب يوم الجمعة كامل ويوم الاحد كامل
والجمعة مات فى أخره والحد قام فى أوله
الاستاذ عطية
تمام زى ماانت تكون فى فندق ولوعاوز تمشى يوم السبت
فلازم تمشى السبت بالليل ولو بيت ومشيت يوم الحد الصبح يتحسب عليك يوم الحد كامل يعنى احنا بنعتبر اليوم هنا يوم فندقى تلات نجوم
الطالب
هوالمسيح كان مدفون فى فندق ولآ فى قبر
الاستاذ عطية
مش عاوز الرزالة إياها
طالب
ولاهوت السيد المسيح قعد أد إيه فى الجحيم
الاستاذ عطية
مش فاهم قصدك إيه ؟
الطالب
مش بيقولوااللاهوت نزل الجحيم ليخلص من فيه
هل قعد 3 أيام و3 ليالي أيضآ
الاستاذ عطية
اولآ احنا بنتكلم عن الرقم 3 فى الحساب مش فى الايمان والعقيدة
يارب نكون فهمنا
وبعدين خلوا بالكوا كويس ان دى مش حصة ايمان مسيحى
دى حصة نحو الأمية
دى إيه ؟
الطلبة
نحن الأمية
الاستاذ عطية
بالظبط شطار
كمان بنلاقى ان البشير متى هو الوحيد اللي حقق التثليث فى حكاية دخول يسوع الى اورشليم ومعاه جحش وأتان لما قال
انه ركب على اتان وجحش ابن اتان
وخلي بالك هنا كويس ما تقدرش تجمع دول مع بعض
فاكرين انتوا حكاية التفاحة والبرتقانة وحكاية انك ماتقدرش تجمعهم لأنك لو جمعتهم حتقول إيه
حتقول معاى اتنين
طيب اتنين إيه ؟
وإيه هو التعريف بتاع الاتنين ؟
اتنين تفاحة ولآ إتنين برتقالة
صدقونى ما ينفعش
فلو انت معاك تفاحة وبرتقانة وحد سئلك معاك إيه ؟ حتقوله معايا تفاحة وبرتقانة علشان مش من نفس النوع ومش حتقدر تقول معاى إتنين
كمان فى المثل ده مش حتقدر تقول تلاتة
لأن أى حد حيسئلك حيقولك تلاتة إيه ؟
حترد تقول إيه ؟
طبعآ مش حتعرف ترد

كمان بعد قيامة الرب ظهر فى وسط اتنين ماشين فى الطريق
واحد ماشى + يسوع + واحد ماشى = 3
طالب
ومانقدرش نقول
واحد ماشى + واحد ماشى + يسوع = 3
الاستاذ عطية
لأ ما ينفعش لأن يسوع كان ماشى فى وسطهم
ومع إنه يوجد اختلاف فى المثال ده لأن يسوع مختلف عنهم علشان فيه ناسوت ولاهوت وكمان مختلف معهم من ناحية جنسه لأنه وحيد الجنس بس أهى محاولة من متى علشان التثليث
فنلاقيه هنا لما حب يخلي العدد 3 ما أخدش باله من الإختلاف فى الجنس
لأن الاتنين دول إللي كانوا ماشيين مفيش فيهم لاهوت
بس نقدر نجمعهم مع بعض من ناحية المشى يعنى نقول 3 ماشيين
ومن هنا احنا بنقول فى قانون الايمان بتاعنا بسم الأب والأبن والروح القدس إله واحد امين
علشان بنقدر نجمع التلاتة مع بعض لأنهم من نفس الجوهر فيكون المجموع تلاتة
طبعآ ممكن تكونوا مش فاهمين بس ده حنشرحه بالتفصيل فى سنة تالتة اومية
كمان بنلاقى العدد 3 مذكور لما ابليس كان بيجرب الرب
فحنلاقيه جربه 3 مرات
مرة لما قال للرب خلي الحجارة تصير خبز
ومرة لما قال للرب اطرح نفسك الى اسفل من فوق جناح الهيكل
ومرة لما أخد الرب فوق جبل عالى وخلاه يشوف جميع ممالك العالم وقال للرب لو سجدت لى أعطيك كل هذه الممالك
كمان الرب رد عليه 3 ردود
حد يعرف يذكر الردود حسب الترتيب
طالب
مكتوب ليس بالخبز وحده يحيا الانسان
مكتوب لا تجرب الرب إلهك
مكتوب لِلرَّبِّ إِلهِكَ تَسْجُدُ وَإِيَّاهُ وَحْدَهُ تَعْبُدُ
الاستاذ عطية
برافو شاطر
طالب
مكتوب فين ؟
الاستاذ عطية
إيه هو ده
إللي مكتوب فين ؟
الطالب
ليه الرب فى ال 3 ردود كان بيقول مكتوب مكتوب مكتوب
الاستاذ عطية
هو بس عاوز يفكر ابليس باللي مكتوب فى العهد القديم
طالب
هو العهد القديم مكتوب علشان ابليس
الاستاذ عطية
مش القصد انا بدى اقول إنه مش عاوز يعرف إبليس إنه ربنا
وده إللي حتعرفوه بعدين لما نيجي نشرح التجربة فى رابعة اومية
احنا دلوقت بنتكلم عن أهمية العدد 3
كمان بنلاقى العدد 3 واضح جدآ لما كان الرب بيتعمد من يوحنا فى نهر الأردن
واحد كان فى الماء
والتانى نزل عليه فى شبه جسمية حمامة
والتالت جه صوته من السما وقال هذا ابنى الحبيب الذى به سررت
وعلشان نعرف أهمية العدد 3
بنلاقى ان السموات 3
سماء الطيور
سماء النجوم
سماء الملكوت
كمان فيه حاجة خطيرة توضح أهمية العدد 3
إزاى الكلام ده ؟
بص ياسيدى يابتاع نحو انت وهو
بيقولك لو مسكنا أول أيام الاسبوع
ونمشى بعد كده علشان نشوف تالت يوم يطلع يوم إيه
حتقابلنا مفاجأة
قوللي إزاى ؟
نشوف كده مع بعض
أول يوم هو يوم الحد
تانى يوم هو يوم الاتنين
تالت يوم هو يوم التلات
فنلاقيه التلات إللي هو تلاتة يعنى التثليث
كمان فى التعميد بنغطس الشخص 3 مرات فى المغطس
وكمان يجحد الشيطان 3 مرات
شوفتوا بقا العدد تلاتة مهم إزاى !!!
والحصة إللي جايه حنتكلم عن الرقم 7 سبعة
والواجب إللي عليكوا انكوا تكتبوا العدد 3 تلاتين مرة وتحفظوا شكله إللي شبه الشوكة
وتكتبوه زى ما هو على السبورة

**eng.power** · 6 ديس, 2011, 03:28 ص

احنا هنا بنتكلم فى العقيدة مش فى الحساب

فعلا العقيدة شئ والعقل والحساب شئ تاني

..

بارك الله فيكم أستاذنا الفاضل showman .. وصدقت والله نحو الأميه ..

**showman2** · 6 ديس, 2011, 05:09 ص

المشاركة الأصلية بواسطة eng.power

فعلا العقيدة شئ والعقل والحساب شئ تاني

..

بارك الله فيكم أستاذنا الفاضل showman .. وصدقت والله نحو الأميه ..

بارك الله فيك أخى الحبيب
شكرآ لمداخلتك ومرورك على الفصل
ومبروك عليك الاشراف وعقبال الوزارة

**showman2** · 6 ديس, 2011, 03:32 م

نحو الأوميـــة
العلم نوورن
( 5 )
الاستاذ عطية
قيام
إسهال
جلوس
الحصة دى ميعادنا مع أهمية العدد 7 ( سبعة )
وأول حاجة فى الأهمية بالنسبة للعدد سبعة
هى أسرار الكنيسة السبعة
وعلميا بيقولوا أن الضوء الأبيض يتكون من 7 ألوان , ورقم 7 معروف عنه إنه رمزالكمال
الضوء الأبيض يرمز لله النور الحق , وطيفه ذي السبعة ألوان يشير إلى كمال صفات الله
فيه حد منكم يعرف أهمية للعدد سبعة غير الاسرار
طالب نحو
عدد السموات سبعة
الاستاذ عطية
ده عند المسلمين مش عندنا
عندنا السموات تلاتة زى ما قلنا فى الحصة إللي فاتت
طالب نحو
أيام الاسبوع سبعة
الاستاذ عطية
برافو
تسقيفة جامدة لزميلكم الشاطر
فيه حد تانى يقوللنا عن أهمية العدد سبعة
يالآ ياشطار شدوا حيلكوا شوية
مفيش حد ؟ ماشى مفيش مشكلة
طالب نحو
سبع سواقى بتنعى يا نيل
الاستاذ عطية
ده عند ام كلثوم مش عندنا
طالب نحو
سبع صنايع والبخت ضايع
المثل ده تقوله خالتك ام مينا
احنا عاوزين فى المسيحيات
مش عاوزين أمثال ولآ أغانى خلونا فى المسيحيات فقط
طيب بصوا احنا لو فكرنا كويس فى كلمة سبعة
حنلاقى ان السبعة هى مرات السبع إللي هو الأسد
يعنى أسَدّه ، أى لبؤة
وحنلاقى ان كلمة لبؤة وردت فى العهد القديم
حد يعرف فين بالظبط
طبعآ مش حتعرفوا لأنكم مابتعرفوش تقروا لسه
وبتسمعوا من القساوسة بس
أنا أقوللكم
وردت فى سفر العدد 24 : 9
" يَجْثِمُ كَأَسَدٍ، وَيَرْبِضُ كَلَبْوَةٍ"
وكمان فى هوشع 13: 4-8
أَنَا عَرَفْتُكَ فِي الْبَرِّيَّةِ فِي أَرْضِ الْعَطَشِ. لَمَّا رَعُوا شَبِعُوا. شَبِعُوا وَارْتَفَعَتْ قُلُوبُهُمْ لِذَلِكَ نَسُونِي . فَأَكُونُ لَهُمْ كَأَسَدٍ. أَرْصُدُ عَلَى الطَّرِيقِ كَنَمِرٍ. أَصْدِمُهُمْ كَدُبَّةٍ مُثْكِلٍ وَأَشُقُّ شَغَافَ قَلْبِهِمْ وَآكُلُهُمْ هُنَاكَ كَلَبْوَةٍ. يُمَزِّقُهُمْ وَحْشُ الْبَرِّيَّةِ.
كمان حنلاقى فى العهد الجديد ان رقم سبعة متكرر كتير
حتقوللي إزاى الكلام ده ؟
أقولك ياسيدى
بص يا حبيبى بتاع نحو انت وهو وركز معاى
فى رؤيا يوحنا اللاهوتى
مكتوب إيه ؟
إسمعوا وخلوا ودانكوا معاى
إستنوا الأول لما أطلع الورقة إللي كاتب فيها
إسمعوا
فالتفت لانظر الصوت الذي تكلم معي و لما التفت رايت سبعمناير من ذهب
و في وسط السبع المناير شبه ابن انسان متسربلا بثوب الى الرجلين و متمنطقا عند ثدييه بمنطقة من ذهب
و اما راسه و شعره فابيضان كالصوف الابيض كالثلج و عيناه كلهيب نار
و رجلاه شبه النحاس النقي كانهما محميتان في اتون و صوته كصوت مياه كثيرة
و معه في يده اليمنى سبعة كواكب و سيف ماض ذو حدين يخرج من فمه ووجهه كالشمس و هي تضيء في قوتها
حنلاقى هنا سبعتين
يعنى سبعة وسبعة
مش أسدة وأسدة
لأ يعنى عدد سبعة
سبعة مناير
وسبعة كواكب
طالب نحو
إللي بيقول عليه ده إللي شبه ابن الانسان
وبيقول ان وجهه كالشمس وهي تضيء في قوتها
هو احنا نقدر نبص فى الشمس وحتى لو بصينا نقدر نشوف حاجة ده احنا نتعمي
الاستاذ عطية
ان شاالله عنك ما بصيت هو انا قولتك بص
ده يوحنا اللاهوتى هو إللي بص وشاف
طالب النحو
وهو يوحنا قدر يشوف إزاى السيف إللي خارج من بقه والسبع كواكب إللي فى إيده اليمين
وهو بيقول ان ضوء وجهه فى قوة ضوء الشمس
الاستاذ عطية
يابنى دى رؤيا
طالب النحو
يعنى ما حصلتش ؟
الاستاذ عطية
مش عارف أقولك إيه
انت غبى
طالب النحو
متشكر بس بردو مش مصدق
الاستاذعطية
ياأخى عنك ما صدقت
احنا بنتكلم عن العدد سبعة حاتدخلنا ليه فى حاجات منعرفهاش خلوا بالكوا معاى إنتوا كمان ولآ حتعملوا زيه ؟
وحنلاقى فى نفس الرؤيا
واكتب الى ملاك الكنيسة التي في ساردس هذا يقوله الذي له سبعة ارواح الله و السبعة الكواكب انا عارف اعمالك ان لك اسما انك حي و انت ميت
حنلاقي هنا كمان ان فيه سبعة أرواح الله
طالب نحو
احنا مش بنقول بسم الأب والأبن والروح القدس إله واحد
الاستاذ عطية
أيوه
طالب النحو
هو روح واحد ولآ سبعة أرواح
ولآ الروح ده غير السبعة دولم
طالب نحو
طيب مش مفروض نقول
بسم الأب والأبن والسبعة أرواح إله واحد أمين
الاستاذ عطية
مش عاوز أسئلة انتوا تسمعوا بس
وكمان نلاقى فى نفس الرؤيا
و في وسط الشيوخ خروف قائم كانه مذبوح له سبعة قرون و سبع اعين هي سبعة ارواح الله المرسلة الى كل الارض
يبقا عرفنا دلوقت ان العدد سبعة تكرر كذا مرة
سبعة مناير
سبعة كواكب
سبعة أرواح الله
سبعة قرون بتوع الخروف
سبعة أعين
ده بالإضافة إلى
أسرار الكنيسة السبعة
وسبعة أيام بتوع الاسبوع
فيه حد يفتكر حاجة تانى عن العدد سبعة
طالب نحو
السبوع بتاع المولود
الاستاذ عطية
ونختم الحصة دى بالسبوع بتاع المولود زى ما قال زميلكم
والواجب تكتبوا رقم سبعة ( 7 ) سبعين مرة وتحفظوا شكل العدد (7)
وتحفظوا شكل الكلمة (سبعة)
إنصراف

**showman2** · 6 ديس, 2011, 11:51 م

نحو الأومية
العلم نوررن
( 6 )
الاستاذ عطية
قيام
إسهال
جلوس
سلام
الطلبة
سلام ونعمة
الاستاذ عطية
خدنا فى الحصة إللي فاتت أهمية العدد 3 إللي عامل زى الشوكة بتاعة الأكل وانا ورتكم الشوكة ساعتها ومفيش حد كان غايب يعنى كلكوا شوفتوها وبعدين إتكلمنا عن العدد 7
مظبوط
الطلبة
مظبوط
الاستاذ عطية
والنهاردة حنكمل كلامنا عن العدد سبعة إللي شبه الرجلين المقلوبة v
طالب نحو
رجلين مقلوبة إزاى ؟
الاستاذ عطية
انت وانت واقف على رجليك وفاتحهم شوية بيكون شكلهم إزاى
طالب النحو
مش عارف
الاستاذ عطية
بيكون شكلهم كده
^
وده بيكون زى العدد تمانية
العكس بقى
لما تكون الرجلين لفوق بيكون شكلهم كده
V
وده إسمه العدد سبعة ( 7 )
أنا مش قلتلكم الحصة إللي فاتت إنكوا تحفظوا شكله
أظن ان كلكوا فهمتوا الشكل بتاع الرقمV
على فكرة كان ممكن أوريكم شكل الرقم V بصوابع إيدى بدل الرجلين بس ماحبتش ده علشان بقية الصوابع ما تلخبطكمش علشان جنب بعض
وبالمناسبة الطالب إللي قال الحصة إللي فاتت
مش كان من المفروض إننا نقول
بسم الأب والأبن والسبعة أرواح إله واحد أمين
لما كنا بنتكلم عن سفر الرؤيا بخصوص
واكتب الى ملاك الكنيسة التي في ساردس هذا يقوله الذي له سبعة ارواح الله و السبعة الكواكب انا عارف اعمالك ان لك اسما انك حي و انت ميت
وبعد ما فكرت أنا فى الموضوع
بقول للطالب ده بتاع نحو الأومية ان ده ما ينفعش
ليه بقا ما ينفعش ؟
بص يا سيدى
لو قلنا زى ما بيقول .. إيه إللي حيحصل ؟
حيحصل ان عدد الأقانيم حتزيد ويبقوا تسعة
واحنا لسه ما أخدناش الرقم ده
إزاى الكلام ده ؟
أهو وخلوا بالكوا معاى
الأب + الأبن + روح + روح + روح + روح + روح + روح + روح
وزى ما إنتوا شايفين ان دول حسب علم الحساب يبقوا 9
ولو حسبناهم بحسابنا كمسيحين حنقول إنهم = 1 واحد
فحتبقى العملية واسعة ومكشوفة ومبهوقه جدآ جدآ وشكلها حيبقى وحش والمسلمين حيضحكواعلينا أكتر
واحنا أصلآ مش خالصين من المسلمين لما بنقول ان 3 = 1 واحد
إومال حيعملوا إيه لو قلنا ان 9 = 1 واحد
وعلى فكرة أنا كتبتلكم روح + روح + روح + روح الخ ...
وكان ممكن أكتب تسعة روح بدل التكرار
بس أنا حبيت أفنطهم علشان إنتوا لسه ما أخدتوش العدد تسعة
يبقى دلوقت عرفنا شكل العدد سبعة إللي شبه رجليك وانت رافعهم لفوق وباعدهم بعيد عن بعض
كمان عرفنا إننا منقدرش نضيف سبعة أرواح الله لقانون الإيمان بتاعنا لإنه حيزود عدد الأقانيم ويخليهم 9
وبدل ما كنا بنفسر الثالوث والأقانيم بالشمس وضوئها وحرارتها مش حنقدر نجيب مثال نشبه بيه الاقانيم التسعة ؟
يبقا إذن ما ينفعش
ودلوقت نخش على الرقم 12 بالنسبة لأهمية الأعداد فى المسيحية
وأول حاجة حتقابلنا
ال 12 تلميذ بتوع الرب يسوع
إيه كمان ، حد يعرف ؟
طالب نحو
السنة 12 شهر
الاستاذ عطية
برافو، شاطر
طالب النحو
مفيش تسقيفة
الاستاذ عطية
ماشى يا سيدى سقفوا لزميلكم الشاطر
حد يفتكر حاجة تانى عن العدد 12
طالب نحو
النهار 12 ساعة
والليل 12 ساعة
الاستاذ عطية
برافو برافو
تسقيفة جامدة لزميلكم
أكيد حد فى عيلتكم بيشتغل ساعاتى ؟
فيه حد تانى يقوللنا عن العدد 12
مفيش حد ؟
طيب خد عندك
عدد أسباط بنى إسرائيل 12 سبط
والحجر إللي طلع منه 12 عين علشان يشربوا منها
لما موسى النبى ضربه بالعصا
وعلى فكرة فيه لاهوتين قالوا ان الحجر ده يبقا المسيح
طالب نحو
يعنى الرب إنضرب وهو إنسان
وإنضرب كمان وهو حجر
الاستاذ عطية
على فكرة أنا شاكك فيك تكون إنجيلي لأنك على طول بتقاوحنى أنا عاوز أشوف تحقيق الشخصية بتاعك
طالب النحو
بطاقتى أهى وفيها إسمى ( شحاتة )
الاستاذ عطية
البطاقة ممكن تتزور
أنا عاوز أشوف الصليب إللي على إيدك
علشان أتأكد إنك أرثوذوكسى
طالب النحو
أهو
الاستاذ عطية
إومال انت قاعد تعلق تعليقات تغيظ ليه ؟
إترزع وبلاش تتكلم تانى
فيه حد تانى يفتكر حاجة عن العدد 12
طالب نحو
القفف إللي لموا فيه كسرات الخبز إللي فاضت
كانوا 12 قفة
الاستاذ عطية
قصدك على قفف التلامذة !!!
طالب النحو
أيوه
الاستاذ عطية
برافو برافو
سقفوا لزميلكم جامد
طالب النحو
على فكرة إللي فكرنى بقفف التلامذة
الفيلم بتاع نمر التلامذة
الاستاذ عطية
برافو برافو
إيه كمان ، حد يفتكر
ولآ بلاش كفاية النهاردة والواجب تكتبوا العدد 12 فى صفحتين وتحفظوا شكله وعلشان ماتنسوش شكل العدد 12 إفتكروا لما كنتوا صغيرين وبتلعبوا لعبة النطة لما كان واحد فيكم يوطى زى الحمار وبقية الولاد يجروا وينطوا من فوقه ويجيى واحد يخاف ينط من فوقه فيقف وراه وهو متردد فلما تبص لشكلهم من بعيد تلاقى إن شكلهم زى الرقم 12
سلام

المواضيع	إحصائيات	آخر مشاركة
شمشون أول إنتحاري في التاريخ ! بواسطة اسلامي عزي ابتدأ بواسطة اسلامي عزي, منذ 4 يوم	ردود 2 11 مشاهدات 0 ردود الفعل	آخر مشاركة بواسطة اسلامي عزي منذ 4 يوم
تلاوة عطرة من سفر حزقيال أصحاح 16 بواسطة اسلامي عزي ابتدأ بواسطة اسلامي عزي, منذ 4 يوم	ردود 0 8 مشاهدات 0 ردود الفعل	آخر مشاركة بواسطة اسلامي عزي منذ 4 يوم
عصمة الهولي بايبل ماتت حرفيّا يا اولاد ! بواسطة اسلامي عزي ابتدأ بواسطة اسلامي عزي, منذ 6 يوم	ردود 2 12 مشاهدات 0 ردود الفعل	آخر مشاركة بواسطة اسلامي عزي منذ 6 يوم
هل يوجد منتديات مثل منتدى حراس العقيدة بلغات مختلفة يرجى المشاركة بوضع روابط في التعليقات بواسطة الفقير لله 3 ابتدأ بواسطة الفقير لله 3, منذ أسبوع واحد	ردود 9 41 مشاهدات 0 ردود الفعل	آخر مشاركة بواسطة الفقير لله 3 منذ أسبوع واحد
التوراة كتاب مقدس أم جمع من الأساطير؟ بواسطة الفقير لله 3 ابتدأ بواسطة الفقير لله 3, منذ أسبوع واحد	ردود 0 14 مشاهدات 0 ردود الفعل	آخر مشاركة بواسطة الفقير لله 3 منذ أسبوع واحد

نحو الأمية ... العلم نورون ... متجدد

عن الكاتب

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع ذات صلة