السلام عليكم ورحمة الله وبركاته
حلم ليلة صيف
مع الاعتذار لكل الشخصيات العامة والاعتبارية المشار اليها ضمنيا في الكلام
واعتذار خاص لصاحب العنوان عم شكسبير
الميديا بكافة انواعها بدا من اول الشهر العربي القادم
(صحافة مكتوبة او الكترونية او برامج حوارية او توك شو (
وياسلام لو كمان الكتب المدرسية دخلت المسابقة ديا
الكلام من وقتنا هذا علي كل حاجة ايجابية تقربنا من ربنا شوية
كل يوم في فقرة بعنوان حدث بالفعل او لو عرفنا يبقي حدث في مثل هذا الموقف
يتكلم البرنامج عن مواقف حدثت في العصر الذهبي عهد الخلفاء
مش عهد الباشوات
يا سلام يا ولاد
جاءنا البيان التالي :
قررت اكبر خمس شركات انتاج سينمائي في العالم العربي الدخول بقوة والتنافس علي الجائزة
وذلك بانتاج اضخم عمل سينمائي مشترك يصور في كافة انحاء البلدان الاسلامية
الشرقية منها والغربية
عبارة عن فيلم من خمس اجزاء
واهم حاجة في الفيلم ان اسمه مش حرب النجوم
وتاني اهم حاجة ان الفيلم مترجم لعدة لغات
ياسلام لو صيني علي يا بابني وكمان هندي
بس اكيد مش نسيان ان في ناس طاليان وانجليز وبلاش الامريكان
مش تعصب بس دول بيعرفوا انجليزي مش عميان
وياريت كمان يكون لفرنسا واسبانيا حظ في المهرجان
عفوا لم يسقط سهوا هو هو الكلام عشان خاطر الالمان.
واهم من اول وتاني هام
الفيلم بيتكلم عن خمسة من احسن الناس عندنا وعند الرحمن
انبياء الله ادم ونوح عليهم السلام
ورسل الله موسي وعيسي عليهم افضل السلام
واخيرا سيد الخلق محمدا صلي الله علية وسلم.
وطبعا بعض موافقة كبار المشايخ والعلماء في كافة ارجاء المعمورة
علي ان يراعي ان يلتزم السادة كتاب السيناريو بالدقة الشديدة والاستناد الي اراء العلماء في كل ما يتعلق بحياة الانبياء
من وجهة نظر الاسلام
وابراز اوجة الشبة والتناقض بين القران والتوراة والانجيل بحيادية شديدة
وذلك بالاستعانة بالدليل من الكتب المقدسة الثلاثة .
الجزء التاني من خطة شركات الانتاج :
عبارة عن انتاج مجموعة من المسلسلات كل مسلسل لايزيد عن عشرين حلقة
وتتناول مجموعة المسلسلات
حياة ابرز مجموعة من الصحابة حوالي خمسة عشر شخصية
يبقي 15 في 20 يساوي 300 حلقة بالتمام والكمال
20 حلقة بدون تطويل بدون اعلانات
وبعد شهرين من منقاشات ومدولات وبدون خناقات تم توجية الدعوة لنجوم الفن الكبار والصغار ممن تتوافر فية الموهبة
والاجادة لقواعد اللغة وبعد التست علي الدور واستبعاد من لايصلح
ملحوظة :لم يصدر عن الممثلين المستبعدين اي كلام فية شجب او استنكار.
واثناء التكريم لبعض النجوم في احد المهرجانات الدولية صرح لشبكة تلفزيونية
بان جميع النجوم المشاركين في كافة الاعمال السابق ذكرها هيتبرعوا بنصف الاجر لاتمام الاعمال الفنية علي اكمال وجة
ولم ينفي اي من الفنانين صحة التصريح
بل في تصريح جماعي لاحد الشبكات الدولية بان باقي الاجر المدفوع سيتم التبرع بيه لمنكوبي السيول في باكستان
ومتضرري الديمقراطية في فلسطين.
ومن جانب اخر قرار كبار المطربيين والملحنيين والمؤلفين الموسيقين في العالم الاسلامي التعاون
سويا وانتاج كافة التترات والموسيقي التصويرية لكل الاعمال الفنية مجانا.
بشرط الدخول في المسابقة ومحاولة الفوز ولو بكلمة حلوة .
ولان احنا لسة بخير اعلن امس مجموعة من الكتاب في كافة انحاء العالم
ممن تربطهم لغة واحدة ودين واحد
بتاليف ما لايقل عن 300 كتاب من الحجم الصغير بلغة عربية بسيطة مواحهة لكافة القادرين علي القراءة
صغيرين وكبار شباب وبنات اطفال و شيوخ مدرسين وتلاميذ
بكام شرط وهما ياسيدي كالاتي :
الكتاب طبعة فاخرة يباع في الدول الاجنبية ب 5 دولار
والدول الي مش اجنبية ب5 جنية
كل كتاب عن واحد من العلماء
علي سبيل المثال لا الحصر الخليل بن احمد او ابن كثير او ابن ماجد
طبعا مش محتاجة فهم كل الكتب و الافلام والمسلسلات مترجمة ولا اية احنا مش بنكلم نفسنا بس
دا احنا عايشين في عالم كبير مش صغير
يا نهار ابيض وزارات التعليم في الدول المعنية بالافلام
قالت واحنا كمان عايزين ندخل المسابقة بس هنعمل اية يا وزير
اجتماع وزراء التعليم مش عارفين يعملوا اية فجاءه قال واحد غلبان مش وزير
وجدتها وجدتها اصلة كان عفريت بس غلبان
قالوا قول يا عم قول :
قال نعمل بحث في سبع ورقات عن شخصيات ليها تاثير في حياة الناس
بس تكون شخصيات بتتكلم عربي
صحابة علماء او خلفاء بس ياريت مش سلطان او انسان بيجيب اجوان.
وعلي كل طالب من ابتدائي واعدادي وثانوي وكمان في الجامعة يقدم بحث كل نصف عام
يتماشي مع قواعد الكلام
وكل بحث مستوفي لشروط الدقة وقواعد البحث العلمي ياخد درجات ومكافات كتب وفلوس كمان.
والله لسة الدنيا بخير ومن مكان لمكان قرار اصحاب الفضائيات عدم السماح لاي مخلوق كان انه يقول
اي كلام فاضي حتي لوكان الكلام معقول
وفي اتفاق غير معلن قال اصحاب الكلمة من ممثلين ومنتجين ومخرجين وكتاب ومعدين وحتي الوزير قال
غير مسموح لهيئة الامم قصدي الرقابة بتقديم اي انتقاد او حتي فيتو علي الاعمال
متوكلين علي الله خير رقيب وحسيب.
ولكن بعد التصوير والتاليف واعداد الابحاث والكتب والبرامج واثناء حملة الدعاية
طلع رئيس وزراء دولة مش صديقة وقال الاعمال الاعمال ضد كل مبادئ الاحتلال ياناس حرام بجد حرام
نقتل مين الشباب كلة بقي استشهاديين السلام السلام هنعيش معاكو باحترا م وعشان اثبات حسن النيه
مش عايزين غاز ومياة بس سيبوا الفكرة دية .
نظرة وجيزة علي تقرير من مراسل لمحطة كبيرة في
باكستان ومصر ودبي والمغرب والصومال والسودان وحتي ايران
يا مدير يا مدير السينما كاملة العدد
الكتب مبيعاتها كل يوم في العالي
التلاميذ بتسال وتبحث عن كل اجوبة
حتي البرامج نسبة مشاهدة عالية ولغة راقية
والله بجد نظام في كل حاجة حتي الجريمة معدلتها نزلت..
والشعب قال كلمتة من المحيط للخليج في اسيا وافريقيا وحتي في اوروبا
الاهداف النبيلة لازم تنجح ولو حتي نشحت عشان نتفر ج ونقراء ونسمع
عن ناس من احسن الناس عندنا وعند الرحمن.
الموضوع كلة حلم لية صيف وفكرة صاحبها خايف يروح جهنم
نفسة يقول والرزق علي الله الفكرة ديا امام
الملوك والسلاطين والرؤوساء والامراء
والرزق علي الله عشان يفكرهم ان كلة رايح ومش هيبقي جن ولا انس بس باقي خالق الخلق.


اللهم اغفر لنا وارحمنا واعف عنا .
لغة ضعيفة انا عارف اخطاء املائية و الله عارف هعمل اية تعليم جامعي مجاني ..