مسمــار جحــا

**ابو عبيد** · 2 نوف, 2010, 02:24 م

شكرا على النقل المميز

بارك الله فيك

**كابتن على عبد العزيز** · 2 نوف, 2010, 02:45 م

[align=center[size=4]]مشكور ابو عيبده لمرورك الكريم[/size] [/CENTER]

**الشرقاوى** · 4 نوف, 2010, 03:33 م

مسمــار جحــا

مسمــار جحــا

تعبيريات
لو فتحت جريدة وشوفت صورة للرئيس أوباما وأحمس وشارون وقائد الهكسوس بيناقشوا عملية السلام يبقى حاجة من اتنين،
يا اما انت بتحلم، او بتقرا جريدة قومية
*******

الحزب
بعد إنتاج التلفزيون المصري مسلسل: الجماعة..
متهيألي المصريين كلهم عندهم استعداد يشاركوا في اكتتاب عام لإنتاج مسلسل ضخم بعنوان: الحـزب
*******

ترشيد الكهرباء
الحكومة قررت ترشيد الكهرباء وتقليل الإضاءة في الشوارع وقالتلك إيه لازمة التكاليف طالما:
مصر منورة بأهلها
*******

قصرية البانجو
صرح مسئول بارز بوزارة الثقافة بأنه سيتم بشكل مؤقت ولحين العثور على لوحة (زهرة الخشخاش) عرض اللوحة النادرة (قصرية البانجو) بدلاً منها
*******

محافظ القليوبية
محافظ القليوبية بيقول ان انقطاع الكهرباء والمياه وارتفاع الاسعار تضاعف من ثواب الصائم..
يااااه واحنا اللي كنا ظالمين الحكومة وفاهمينها غلط
*******

مين يقدر؟
يبدو انه فى مصر لا توجد محاسبة إلا فى كلية التجارة
*******

استطلاع الوطني
في استطلاع للحزب الوطني: مفيش أي زيادات في الأسعار والبطالة انخفضت و20% من الأسر مستوي معيشتها أرتفع..

هما امتى هيسيبوا الدول التانية ويتكلموا عن مصر شوية؟؟
*******

بدر والكتاب
وزير التعليم بيقول "الكتاب الخارجي يقتل في الطالب روح التعلم والإبتكار"..

طب ماالكتاب المدرسي بيقتل الطالب نفسه
*******

الكتاب الخارجي
اليومين دول، لو عاوز تلبّس حد مصيبة حطّله كتاب خارجي في شنطة العربية وبلّغ عنه
*******

اعمل إيه
ياترى لو مسكوا ولي أمر معاه 5 كتب خارجية.. هيتحبس اتجار ولا تعاطي؟
*******

تعالو نفكر
الصورة المفبركة طلعت صورة تعبيرية وعقد مدينتي الفاسد اتضح انه خطأ اداري..
تفتكروا انتخابات مجلس الشعب الجاية هيتقال عليها ايه؟
*******

زكاة الفطر
تسهيلا على المواطنين قررت الحكومة نشر قائمة بأسماء المواطنين غير المستحقين لزكاة الفطر حيث بلغ عددهم 187 فرد
*******

الزمالك المسكين
رئيس الزمالك بيطالب محبي النادي بالتبرع علشان يدي شيكابالا 6 مليون في السنة وفتح الله 3 وهانى سعيد 3..
أجيب شعر منين تاني عشان أشد فيه؟
*******

شكراً
الحكومة بتقول شكرا لـ 80 مليون مصري لسه قادرين يعيشوا فى مصر
*******

عيد ميلاد
ملكة بريطانيا لغت حفل عيد ميلادها مراعاة لشعور شعبها اللي بيعاني من أزمة أقتصادية..
أكيد دي لو في مصر كانت زمانها انتحرت
*******

من اجلك أنت
متر مدينتي بنص جنيه وكيلو الطماطم بعشره جنيه.....
من أجلك أنت
*******

قمر تايه
المفروض يتم نشر صورة القمر المصري المختفي علشان اللي يلاقيه يتعرف عليه ويرجّعه لأهله
*******

سواقين الميكروباص
خبر سار لكل سواقين الميكروباص والتوك توك.. تقدر دلوقتى تفوّل التنك من النيل مباشرة بعد تسرب مئات الأطنان من السولار في مياه النيل بأسوان وده بس بمناسبة العيد..
وكل سنة وانتو طيبين

منقوش

**عمر المختار** · 4 نوف, 2010, 03:42 م

ههههههههههههههههههههه

ياريت يامولانا تحذف شوية رسايل لان الصندوق ممتلىء ..

**عمر المختار** · 4 نوف, 2010, 03:45 م

قصرية البانجو
صرح مسئول بارز بوزارة الثقافة بأنه سيتم بشكل مؤقت ولحين العثور على لوحة (زهرة الخشخاش) عرض اللوحة النادرة (قصرية البانجو) بدلاً منها

لا ده ولا ده .. اللوحة الأندر والأثمن واللى الناس كلها حالياً بتسأل عنها لوحة :

قرش الحشيش

ههههههههههههههههههههههههههه

**الشرقاوى** · 4 نوف, 2010, 03:47 م

بسم الله الرحمن الرحيم

الصرف الصحي
سؤال للشركة القابضة لمياه الشرب والصرف الصحي، ممكن اعرف إيه العلاقة بين المياه والصرف الصحي
غير إننا بنشربهم هما الاثنين؟
*******

أضرار البانجو
نصحية لكل الشباب الضرّيبة، بلاش بانجو لانه طلع
بيؤدي لكسر الجمجمة وكسر الاسنان وعظام الفك.. مش كدة وبس، ده كمان بيخليك سوابق وعليك أحكام وهربان من الجيش
*******

هنكتشف قريب
طبعا هنكتشف قريب إن ضحية التعذيب الجديد فى المنصورة اصيب بالكسور والنزيف والكدمات بعد ما جاتله اسفسكيا الخنق لانه كان سارق التوك توك ولما شاف المخبرين بلع التوك توك
*******

مسئول أحول
إسرائيل موّتت واحد مصري، وفي نفس اليوم طلع باشا مسئول في الخارجية يحذر حماس من استفزاز مصر,
أدعوك لتكشف على نظرك لتستفيد من العلاج على نفقة الدولة
*******

قرار الرئيس
قرار الرئيس بتعيين 44 عضو بمجلس الشورى!..
امال بتقولوا فيه بطالة ليه بس ماهو فيه تعيين اهو؟
*******

جمعية الرفق بالانسان
الدول المتقدمة تمنع قتل الكلاب رميا بالرصاص "رفقا بالحيوان"..
اما في مصر فنواب الحزب الوطني يطالبون بضرب المتظاهريين بالرصاص..
يبدو أننا نحتاج في بلدنا لتكوين: جمعية الرفق بالانسان المصري
*******

مين دول؟
النواب اللي طالبوا باطلاق النار على المتظاهرين، زيهم زي نواب القروض ونواب المخدرات ونواب التأشيرات ونواب السيديهات ونواب الاستيلاء على أراضي الدولة ونواب الدم الفاسد ونواب القمار ونواب الفتنة الطائفية ونواب العلاج على نفقة الدولة.. كلهم نواب وطنيين ديمقراطيين
*******

الحديد والنار
يقال إن النائب نشأت القصاص طالب بضرب المتظاهرين بالنار حتى تكتمل منظومة الحزب: الحديد والنار
*******

المواطن المصري
المواطن المصري اصبح
مسحولا في لبنان،
مضروبا في السودان،
مطرودا من الكويت،
مجلودا في السعودية،
مكروها في الجزائر..
مطحونا في بلده
*******

قتيل مصري
قتيل مصري في لبنان
واخر في نيجيريا
وثالث في اليونان..
المفروض اخواننا المصريين في قارتي امريكا واستراليا "يتداروا" شوية اليومين دول
*******

مياه النيل
دول حوض النيل وقعت اتفاقية من غير مصر والسودان،
واثيوبيا بتقول مصر مش هاتقدر تمنعنا من بناء سدود على النيل..
مبروك علينا طابور المية المعدنية يا رجالة
*******

مرسيدس
سؤال واللي يجاوبه ياخد 75 قرش..
ليه الحكومة بتاعتنا بتطلب من شركة مرسيدس اسم المسئول المرتشي،
مع ان وزارة العدل الامريكية قالت ان هي اللي عندها اسم المسئول ده؟
*******

كهربني شكراً
بعد تعميم نظام كروت شحن الكهرباء المدفوعة مقدما..
ياترى الحكومة عاملة حسابها لو رصيدنا خلص.. نقدر نبعتلها رسالة: كهربني شكراً
*******

الاعتصام
المعتصمون امام مجلس الشعب قرروا الاعتصام بالملابس الداخلية..
أخيراً نجحت الحكومة انها تتطلّع الناس من هدومها
*******

**مسلم للأبد** · 4 نوف, 2010, 04:03 م

الصرف الصحي
سؤال للشركة القابضة لمياه الشرب والصرف الصحي، ممكن اعرف إيه العلاقة بين المياه والصرف الصحي غير إننا بنشربهم هما الاثنين؟
*******

والله ما قادر أمسك نفسى من الضحك بجد هو فيه فرق

أضحك الله سنك يا مولانا ..

**ابو سليمان** · 4 نوف, 2010, 04:05 م

حقا شر البلية ..... ما يضحك

جزاك الله خيرا اخى

**كابتن على عبد العزيز** · 8 نوف, 2010, 04:30 م

للرفع والافاده

**كابتن على عبد العزيز** · 9 نوف, 2010, 10:03 م

السلام عليكم
اين المشاركين هنا قراء فقط ؟

**solema** · 29 نوف, 2010, 12:21 م

وعليكم السلام ورحمة الله وبركاته

تم الدمج للتكرار ..

جزاكم الله خيرا .حقا شر لبلية ما يضحك .!!

**كابتن على عبد العزيز** · 29 نوف, 2010, 08:08 م

مشكوره دكتوووووووووور سوليمـــــــــــــــــــــــــــــا
الموضوع ذاد عطرا
بارك الله فيكى يارب

المواضيع	إحصائيات	آخر مشاركة
أبى توفى أول أمس .. أسألكم الدعاء له بواسطة الراجى رضا الله ابتدأ بواسطة الراجى رضا الله, منذ 2 أسابيع	ردود 10 53 مشاهدات 0 ردود الفعل	آخر مشاركة بواسطة الراجى رضا الله منذ أسبوع واحد
الروايات التلمودية عن يسوع ومارد النصارى عليها بواسطة د تيماء ابتدأ بواسطة د تيماء, 11 سبت, 2024, 12:31 ص	رد 1 49 مشاهدات 0 ردود الفعل	آخر مشاركة بواسطة اسلامي عزي 11 سبت, 2024, 01:18 ص
من كتب الرسالة الى العبرانيين بواسطة د تيماء ابتدأ بواسطة د تيماء, 17 أغس, 2024, 01:04 ص	ردود 0 29 مشاهدات 0 ردود الفعل	آخر مشاركة بواسطة د تيماء 17 أغس, 2024, 01:04 ص
نبوءات كاذبة عن صلب يسوع بواسطة د تيماء ابتدأ بواسطة د تيماء, 31 يول, 2024, 10:34 م	ردود 0 33 مشاهدات 0 ردود الفعل	آخر مشاركة بواسطة د تيماء 31 يول, 2024, 10:34 م
7 طُرُق لتذكُّر معلوماتٍ أكثر من كل كتاب تقرأه · بواسطة سُليمان العَمري ابتدأ بواسطة سُليمان العَمري, 22 يول, 2024, 09:04 م	ردود 0 26 مشاهدات 0 ردود الفعل	آخر مشاركة بواسطة سُليمان العَمري 22 يول, 2024, 09:04 م

مسمــار جحــا

عن الكاتب

مسمــار جحــا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع ذات صلة