تويت
قصة قصيرة لتوضيح كيف تبيع (جمعيات العنف ضد المرأة ) المرأة المطلقة
كلنا نعرف ان هناك عدد كبير من الجمعيات الأهليه التي تأسست من أجل الدفاع عن المراة وكلها تتبع منظمات امريكيه يعني من الآخر الجمعيات الأهليه دي مش غرضها الدفاع عن المرأة ولكن غرضها تأكل عيش من امريكا مقابل انها تفرق بين الرجل ومراطه وطبعا علشان مايبقاش الجمعيه مكشوفه بهذه الطريقه لأن امريكا هي اللي مخططه للموضوع فبيحاولوا يحطوا برميل من العسل على كوب من السم فيظهروا انهم بيهتموا بالاسرة كلها ويحاولون رفع مستوى الأسره ولكن هما في الأساس نشأوا من أجل القضاء على استقرار الأسرة المسلمة ولآن الأسرة نواه المجتمع فبانهيار الاسرة ينهار المجتمع وتكثر الجرائم وهذا مانراه يوميا بلا شك
والآن مع هذا النص التمثيلي لما يحدث لأمرأة تقع في فخ الجمعيات التي تسمي نفسها جمعيات ضد عنف المرأة أو جمعيات المرأة الحديثة أو جمعيات المرأة العصرية ان تعددت الاسماء فالهدف واحد
ستوته وزوجها زينهم يعيشون في أحد الأماكن العشوائيه الفقيرة وهي تلك المناطق التي تعشش فيها تلك الجمعيات لمعرفتهم ان نتيجه الفقر وضيق الحال تكثر الخناقات ولكن في نهاية اليوم زينهم بيصالح ستوته لانها مراطه ومايهونش عليه يسيبها زعلانه ولكن ستوته في يوم من الايام عدت عليها الصبح واحده من بتوع الجمعيات بتوع المرأة وبعد السلام والكلمتين اللي زي العسل سألتها
الرائده الريفيه ( احدى عضوات الجمعيه ) : جوزك عامل معاك ايه
ستوته : اسكتي ده لسه امبارح منكد عليا عيشتي لاني ماعملتلوش الشاي مضبوط زي ماهوعايز علشان كنت بتابع التمثيليه بتاع الواد ابو شعر حلو
الرائده الريفيه : ايوه يااختي عارفاه ماانا بأشوفهم أنا كمان طيب وجوزك لما ضربك كده سكتيله
ستوته : اسكت واعمل ايه ما اني الغلطانه مااهتمتش بيه
الرائده الريفيه : ولو برده عيب يعاملك كده هو انت مش بني آدمه ولا ايه انتي ست زيك زي الرجل
( ولأول مرة تسمع ستوته الكلمه دي ) ضحكت ستوته على الرائده الريفيه وقالتلها عيب ماتقوليش كده ده انا ست وست الستات كمان
الرائده الريفيه : انت مش فاهمه ياستوته الكلام انت ليك حقوق زي الرجل تمام ولازم يحترمك
ستوته : ماهو بيحترمني الرجل كويس بس انا اللي اهملته امبارح بس
الرائده الريفيه : ولو برده انت ست وليكي حقوق قالولنا كده في الجمعيه ولازم دلوقت تيجي معايا علشان تعرفي حقوقك وجوزك يقف عند حده
ستوته : ياشيخه بلاش تكبري الموضوع
الرائده الريفيه: الموضوع كبير قوي انت اللي على نياتك
ستوته ( بدأت تفكر في كلام شيطانه الانس + وجود شيطان الجن ) العمليه كبرت في دماغها وطلعت مع الرائده الريفيه حتى من غير ماتستأذن جوزها انها تخرج )
المشهد الآن في الجمعيه ( ست على وشها ماكياج يكفي وجوه ستات الشارع اللي عايشه فيه ستوته )
والأثاث بتاع المكتب أحسن من أثاث مكتب وكيل وزارة والكل لابس على سنجه عشره
ستوته شافت المنظر قالت دول أكيد ناس كبرات وفاهمين كل حاجه
وبدأوا يكلموا ستوته بالعقل والمنطق وببساطه فوجئت ستوته انها تعمل لها غسيل مخ بحكاويهم وازاي تتعامل مع الرجل ونبهوها في نهاية الجلسه أي مشكله تعاليلنا واحنا هنساعدك
( المشهد الأن ستوته في البيت وجوزها زينهم دخل عليها
زينهم : سلام عليكم
ستوته مابتردش ماهي زعلانه من موضوع امبارح
زينهم : ايه ياستوته انت لسه زعلانه علشان امبارح ماهو انتي برده الغلطانه
ستوته : بس ماتقولش انتي وماتقوليش غلطانه
زينهم : يعني ايه
ستوته : قولي باسمي وانا مش غلطانه انا لي حق ارتاح شويه واتفرج على اللي انا عايزاه
زينهم : مالك ياستوته في ايه
ستوته : يعني ايه مالك وبعدين سيبني قاعده افكر في الهم اللي انا عايشه فيه شوف شكل البيت شوف هدومك شكلها ايه
زينهم : ايه يابت ايه اللي جرالك انت أول مره تشوفي البيت وتشوفيني ولا ايه
ستوته : حاسه بكده
زينهم : طيب قومي حضري لي لقمه اقولها انا جاي تعبان من الشغل واغزي الشيطان
ستوته : ماعملتش اكل النهارده كنت تعبانه شويه وماعملتش اكل
زينهم : يابت اغزي الشيطان وماتزودهاش أكثر من كده
ستوته : يعني هتعمل ايه اعمل اللي انت عايزه واعلى مافي خيلك اركبه
زينهم : هي وصلت للدرجه دي طيب روحي وانتي طالق
ستوته : يافرحتي اخيرا خلصت منك ومن قرفك ماتحسبش علشان ابويا وامي ماتوا وماعنديش اخوات يبقى اتقطعت من شجره لأ ده أنا ورايا ناس كبيره قوى
ستوته بتلم حاجتها وخارجه ذهبت الى الجمعيه
الستات الحيزبونات في الجمعيه أظهروا ان هما زعلانين علشانها لكن قلبهم بيفط من الفرحه علشان هيشتغلوا زي ما المنظمه الأمريكيه قالتلهم وطبعا هتزيد التسعيره بتاعتهم علشان فيه شغل
قالولها ولايهمك انت هتبقى ضيفتنا لحد ماناخذ لك حقك منه
بالفعل قعدت ستوته في الجمعيه لمدة اسبوع تأكل وتشرب وتنام وتحكيلهم عن الظلم اللي كان واقع عليها من جوزها زينهم وطبعا دي كانت مرحله تجسس من الجمعيه على احد البيوت ليعرفوا ماذا يحدث بالضبط داخل بيوت الناس ويبعتوا التقارير دي للمنظمات الأمريكيه ( طبعا هتترجم )
وبعد ما أخذوا منها التفاصيل قالولها ووشهم مكشوف ماينفعش تقعدي عندنا أكثر من أسبوع ولازم بقى تعتمدي على نفسك ياستوته هانم قالتلهم انا عمري ماكنت هانم قالولها من هنا ورايح انتي هانم لأنك اتغلبتي على جوزك فرحت ستوته باللقب الجديد
وأعطتها الجمعيه 2000 جنيه قالتلهم وهاعمل ايه بدول قالولها اي حاجه ممكن تفتحي كشك سجاير
قالت مش مشكله أهو الواحده تشم هوا وتشوف الناس برا عامله ازاي
ملاحظين ( بدأت ستوته تعاني من تخلي الجمعيه عنها ) لكن قالولها هنبقى نتابعك برده
فتحت ستوته الكشك وشافت الناس بره وانتم عارفين لما الست تقعد تشتغل 12 ساعه علشان توكل نفسها يكون صعب عليها قد ايه وكمان الناس لسانهم مبرد ولسانهم زفر اللي يرمي لستوته كلمه مالهاش معنى واللي يتريق عليها وعلى اسمها واللي ........واللي .........ستوته حست ان مافيش حد سايبها في حالها وان الكل بيهزأها اللي يسوى واللي مايسواش حست بالعنف اللي على أصله عنف شديد من المجتمع حولها عنف لم تراه من قبل جلست على جانب الطريق وهي تبكي نتيجه هذا العنف المجتمعي حولها فكرت ماذا تفعل أيوه فكرة مافيش غير الجمعيه ايوه لازم اروح الجمعيه ده انا باتهان من اللي رايح واللي جاي انا حاسه ان كل الناس بتهزأني
قالت تلك الجمله وهي تبكي لرئيسة الجمعيه ( انا حاسه ان كل الناس بتهزأني ) قالتها بألم وبمرارة وطعم الدمع في فمها قالتها وهي في غير وعيها غير مصدقة لما يحدث لها
نظرت اليها رئيسة الجمعيه نظرة خبث وقالت : ياستوته هانم ماتكبريش الموضوع كده
ستوته : هانم ايه وزفت ايه ده انتي اللي هانم قاعده على كرسي والناس كلها بتخدمك لكن انا متمرمطه والكل بيعاملني بعنف ( مش انتم طلقتوني من جوزي علشان بيعاملني بعنف )
انا عايزه تشوفولي صرفه بقى
الست : طيب اهدي بس كده وبكره تفرج
ستوته : ده جوزي علشان هزأني 5 دقايق في سنه كامله كبرتوها في دماغي وخلتوني اتعصى عليه
ودلوقت طول اليوم بتهزأ من اللي رايح واللي جاي وتقولوا لي اهدي كانت فين الكلمه دي قبل كده
الست ( الظاهر ماكانش عندها وقت تسمع ستوته ) : اسمعي يابت انتي ماتوجعيش دماغنا عاجبك كشك السجاير عاجبك مش عاجبك اخبطي راسك في اطخن حيطه
وقتها شعرت ستوته ان الشياطين هم الذين يسكنون مثل هذه الجمعيات وانها خسرت الكثير دون ان تدري وانها ضيعت حياتها دون ان تدري ولكنها فاقت بعد فوات الأوان
والآن مع هذا النص التمثيلي لما يحدث لأمرأة تقع في فخ الجمعيات التي تسمي نفسها جمعيات ضد عنف المرأة أو جمعيات المرأة الحديثة أو جمعيات المرأة العصرية ان تعددت الاسماء فالهدف واحد
ستوته وزوجها زينهم يعيشون في أحد الأماكن العشوائيه الفقيرة وهي تلك المناطق التي تعشش فيها تلك الجمعيات لمعرفتهم ان نتيجه الفقر وضيق الحال تكثر الخناقات ولكن في نهاية اليوم زينهم بيصالح ستوته لانها مراطه ومايهونش عليه يسيبها زعلانه ولكن ستوته في يوم من الايام عدت عليها الصبح واحده من بتوع الجمعيات بتوع المرأة وبعد السلام والكلمتين اللي زي العسل سألتها
الرائده الريفيه ( احدى عضوات الجمعيه ) : جوزك عامل معاك ايه
ستوته : اسكتي ده لسه امبارح منكد عليا عيشتي لاني ماعملتلوش الشاي مضبوط زي ماهوعايز علشان كنت بتابع التمثيليه بتاع الواد ابو شعر حلو
الرائده الريفيه : ايوه يااختي عارفاه ماانا بأشوفهم أنا كمان طيب وجوزك لما ضربك كده سكتيله
ستوته : اسكت واعمل ايه ما اني الغلطانه مااهتمتش بيه
الرائده الريفيه : ولو برده عيب يعاملك كده هو انت مش بني آدمه ولا ايه انتي ست زيك زي الرجل
( ولأول مرة تسمع ستوته الكلمه دي ) ضحكت ستوته على الرائده الريفيه وقالتلها عيب ماتقوليش كده ده انا ست وست الستات كمان
الرائده الريفيه : انت مش فاهمه ياستوته الكلام انت ليك حقوق زي الرجل تمام ولازم يحترمك
ستوته : ماهو بيحترمني الرجل كويس بس انا اللي اهملته امبارح بس
الرائده الريفيه : ولو برده انت ست وليكي حقوق قالولنا كده في الجمعيه ولازم دلوقت تيجي معايا علشان تعرفي حقوقك وجوزك يقف عند حده
ستوته : ياشيخه بلاش تكبري الموضوع
الرائده الريفيه: الموضوع كبير قوي انت اللي على نياتك
ستوته ( بدأت تفكر في كلام شيطانه الانس + وجود شيطان الجن ) العمليه كبرت في دماغها وطلعت مع الرائده الريفيه حتى من غير ماتستأذن جوزها انها تخرج )
المشهد الآن في الجمعيه ( ست على وشها ماكياج يكفي وجوه ستات الشارع اللي عايشه فيه ستوته )
والأثاث بتاع المكتب أحسن من أثاث مكتب وكيل وزارة والكل لابس على سنجه عشره
ستوته شافت المنظر قالت دول أكيد ناس كبرات وفاهمين كل حاجه
وبدأوا يكلموا ستوته بالعقل والمنطق وببساطه فوجئت ستوته انها تعمل لها غسيل مخ بحكاويهم وازاي تتعامل مع الرجل ونبهوها في نهاية الجلسه أي مشكله تعاليلنا واحنا هنساعدك
( المشهد الأن ستوته في البيت وجوزها زينهم دخل عليها
زينهم : سلام عليكم
ستوته مابتردش ماهي زعلانه من موضوع امبارح
زينهم : ايه ياستوته انت لسه زعلانه علشان امبارح ماهو انتي برده الغلطانه
ستوته : بس ماتقولش انتي وماتقوليش غلطانه
زينهم : يعني ايه
ستوته : قولي باسمي وانا مش غلطانه انا لي حق ارتاح شويه واتفرج على اللي انا عايزاه
زينهم : مالك ياستوته في ايه
ستوته : يعني ايه مالك وبعدين سيبني قاعده افكر في الهم اللي انا عايشه فيه شوف شكل البيت شوف هدومك شكلها ايه
زينهم : ايه يابت ايه اللي جرالك انت أول مره تشوفي البيت وتشوفيني ولا ايه
ستوته : حاسه بكده
زينهم : طيب قومي حضري لي لقمه اقولها انا جاي تعبان من الشغل واغزي الشيطان
ستوته : ماعملتش اكل النهارده كنت تعبانه شويه وماعملتش اكل
زينهم : يابت اغزي الشيطان وماتزودهاش أكثر من كده
ستوته : يعني هتعمل ايه اعمل اللي انت عايزه واعلى مافي خيلك اركبه
زينهم : هي وصلت للدرجه دي طيب روحي وانتي طالق
ستوته : يافرحتي اخيرا خلصت منك ومن قرفك ماتحسبش علشان ابويا وامي ماتوا وماعنديش اخوات يبقى اتقطعت من شجره لأ ده أنا ورايا ناس كبيره قوى
ستوته بتلم حاجتها وخارجه ذهبت الى الجمعيه
الستات الحيزبونات في الجمعيه أظهروا ان هما زعلانين علشانها لكن قلبهم بيفط من الفرحه علشان هيشتغلوا زي ما المنظمه الأمريكيه قالتلهم وطبعا هتزيد التسعيره بتاعتهم علشان فيه شغل
قالولها ولايهمك انت هتبقى ضيفتنا لحد ماناخذ لك حقك منه
بالفعل قعدت ستوته في الجمعيه لمدة اسبوع تأكل وتشرب وتنام وتحكيلهم عن الظلم اللي كان واقع عليها من جوزها زينهم وطبعا دي كانت مرحله تجسس من الجمعيه على احد البيوت ليعرفوا ماذا يحدث بالضبط داخل بيوت الناس ويبعتوا التقارير دي للمنظمات الأمريكيه ( طبعا هتترجم )
وبعد ما أخذوا منها التفاصيل قالولها ووشهم مكشوف ماينفعش تقعدي عندنا أكثر من أسبوع ولازم بقى تعتمدي على نفسك ياستوته هانم قالتلهم انا عمري ماكنت هانم قالولها من هنا ورايح انتي هانم لأنك اتغلبتي على جوزك فرحت ستوته باللقب الجديد
وأعطتها الجمعيه 2000 جنيه قالتلهم وهاعمل ايه بدول قالولها اي حاجه ممكن تفتحي كشك سجاير
قالت مش مشكله أهو الواحده تشم هوا وتشوف الناس برا عامله ازاي
ملاحظين ( بدأت ستوته تعاني من تخلي الجمعيه عنها ) لكن قالولها هنبقى نتابعك برده
فتحت ستوته الكشك وشافت الناس بره وانتم عارفين لما الست تقعد تشتغل 12 ساعه علشان توكل نفسها يكون صعب عليها قد ايه وكمان الناس لسانهم مبرد ولسانهم زفر اللي يرمي لستوته كلمه مالهاش معنى واللي يتريق عليها وعلى اسمها واللي ........واللي .........ستوته حست ان مافيش حد سايبها في حالها وان الكل بيهزأها اللي يسوى واللي مايسواش حست بالعنف اللي على أصله عنف شديد من المجتمع حولها عنف لم تراه من قبل جلست على جانب الطريق وهي تبكي نتيجه هذا العنف المجتمعي حولها فكرت ماذا تفعل أيوه فكرة مافيش غير الجمعيه ايوه لازم اروح الجمعيه ده انا باتهان من اللي رايح واللي جاي انا حاسه ان كل الناس بتهزأني
قالت تلك الجمله وهي تبكي لرئيسة الجمعيه ( انا حاسه ان كل الناس بتهزأني ) قالتها بألم وبمرارة وطعم الدمع في فمها قالتها وهي في غير وعيها غير مصدقة لما يحدث لها
نظرت اليها رئيسة الجمعيه نظرة خبث وقالت : ياستوته هانم ماتكبريش الموضوع كده
ستوته : هانم ايه وزفت ايه ده انتي اللي هانم قاعده على كرسي والناس كلها بتخدمك لكن انا متمرمطه والكل بيعاملني بعنف ( مش انتم طلقتوني من جوزي علشان بيعاملني بعنف )
انا عايزه تشوفولي صرفه بقى
الست : طيب اهدي بس كده وبكره تفرج
ستوته : ده جوزي علشان هزأني 5 دقايق في سنه كامله كبرتوها في دماغي وخلتوني اتعصى عليه
ودلوقت طول اليوم بتهزأ من اللي رايح واللي جاي وتقولوا لي اهدي كانت فين الكلمه دي قبل كده
الست ( الظاهر ماكانش عندها وقت تسمع ستوته ) : اسمعي يابت انتي ماتوجعيش دماغنا عاجبك كشك السجاير عاجبك مش عاجبك اخبطي راسك في اطخن حيطه
وقتها شعرت ستوته ان الشياطين هم الذين يسكنون مثل هذه الجمعيات وانها خسرت الكثير دون ان تدري وانها ضيعت حياتها دون ان تدري ولكنها فاقت بعد فوات الأوان
