السلام عليكم ورحمة الله وبركاته

البيض تختلف طرائق عمله لكنها ليست بالمعضلة

ذات يوم استيقظت بعد ذهاب أبي للعمل لأجد أخي جالسا وأمامه طبقا به (بيض بالسمنة)

أنا : صباح الخير
هشام (أخي) : صباح النور
أنا : ايه ده أنت عملت بيض ده أنا بخاف وأنا بكسر البيضة تتكسر كلها في إيدي ولا القشر يقع في البيض
هشام : ايوة عادي يعني
أنا : طيب هات لقمة أكل معاك
هشام : تفضل
أنا : ايه ده هو أنت مش حاطط سمنة ولا ايه
هشام : سمنة .....!!!!
أنا : هو أنت عامله من غير سمنة ده أنت فلة وقاعد بتاكل عادي ولا كأن الطعم متغير وبعدين ده اسمه بيض بالسمنة كويس أنك منسيتش البيض

وبعدها بفترة من الزمن يوصلي إن ابن خالتي حب يعمل بيض مسلوق

الخطوات :
هات البيض حطه على النار وسيبه يغلي
استنى لحظة هو لازم يبقى في ماء عشان يغلي ؟!
طبعا عبقري العائلة التاني عمل بيض مسلوق من غير ماء والنتيجة طبعا البيض اتحرق

وأنا نظرا لأني أتعلم من تجارب الغير فقد قررت أني مش هعمل بيض

والسلام عليكم ورحمة الله وبركاته