أكملـــــــــــــي يا ياسميـــــــنا

السلام عليكم ورحمة الله وبركاته
ياسمينا ,
كملي بسرعة

نعم يا ياسمينا .. أجمل بكاء فعلًاهو بكاء التوبة .. لما المرء يبتدي يفوق دموعه بتبقى كتيرة .. تشعري إن الدموع بتنزل تطهر .. وكل ما بتنزل بتبرد نار الألم والذنوب .. سبحان الله ..

السلام عليكم ورحمة الله وبركاته
حياكم الله جميعا
قصص الاخوات جميلة وننتظر قصة سارة اكيد وراءها حكاية كبيرة
ما شاء الله قصة حجابك جميلة ياسمينا وليس كما تقولين فهي مليئة بالمفاجأت منتظرة مع الاخوات قصة نقابك

متـــــــــــــــابعين

السلام عليكم ورحمة الله وبركاته

بسم الله الرحمن الرحيم

نكمل قصتنا بإذن الله تعالى

دخل عليا الصيف وكان وقتها امتحنات والدنيا نار وانا مش عارفة ازاى اصيف وأنا كل هدومي الصيفي متنفعش كلها يا من غير كُم أو نص كُم طب أعمل ايه
الله المستعان
مكانش فى ايدي حاجة غير أنى عن أستحياء خلعت الحجاب لحد فترة الامتحانات دي ما خلصت وبعدها بدأت أكون لبس من اول وجديد للحجاب
عانيت كتير والله اولا نظرات اللوم من أهلى .. ومن زميلاتي ... وظرات الشماتة من اللى مش بيحب الحجاب وكان عوزني زيهم و.......... و........... و..........
انا ألتزمت الصمت طب هقول للناس ايه مش قادرة لبس بروفرات فى شهر ستة صعب
المهم فضلت صامتة وساكتة بظبط زي الصنم
لحد ما عدت تانى وما كنش كفايا
لماذ بدأت أتوغل تاني فى ديني عرفت ان الحجاب مش مجرد طرحة صغنونة ولبسة بنطالون وحاجات كدة
أنا فاكرة أن نص شعري بيكون باين
قولت لأ انا لازم أعدل من نفسي
بدأت مرحلة جديدة من حياتي فى الحجاب
علما كان فيه هوامش اتدخلت معايا ..... كان فيه عدوات الحجاب لاهما عاوزين حد يتحجب ولا هما يلبسوا الحجاب
وكلام كتير بقة اهمها شعرك هيبوظ من الحجاب ومن الكاتمة لدرجة ان فيه محجبات فعلا قالولى كدة !! والله استغربت ؟ ازاى دا شعرك محفوظ طالما انتى بتهتمي بيه
المهم كنت بسألهم طب وانتوا بتهتموا بشعركوا ولا اكمنه متغطي خلاص بقة مش مهم مهو مفيش حد شايف حاجة ..... طبعا دا اللى بيحصل فعلا ايه ذنب الحجاب أنك مهملة فى نفسك .. بالعكس انا قدرت اعمل واوصل بشعرى لدرجة موصلتلهاش وانا معرياه للشمس والهوا والتراب .... كانوا بيسمعوا كلام بالظبط تنطبق عليهم كلمة (فبهت الذي كفر)
على فكرة الناس دول بعد كدة لبسوا الحجاب ولله الحمد
أنا بقة قولت نفسي ألبس الخمار وأوسع من ثيابي
والله يا أخواتى لبست الخمار فى رمضان ولله الحمد ربنا أنعم عليّ ورزقني رؤية النبي ومن قريب وكلمني وكلمته في المنام وبعده بأسوع رأيت السيدة مريم هي الأخرى ترتدي الخمار وابتسمت إلي
يا لها من دفعة وحافز للتقدم ظل حالى هكذا على الخمار
إلى أن بدأت أن أشعر بالوهن والضعف وكان لابد من نقلة أخرى قبل أن أسقط فى الهاوية
وكانت مش مفاجأة أوى يعني

نكتفي بهذا القدر

أ . م . هـ.

اللهم صل على النبي المختار وآله وصحبه وسلم تسليماً كثيراً

بس شوفتي السيدة مريم يا ياسمينا ؟؟
لعل زملاءنا النصارى يقرأون مثل هذا فيعلمون أن رؤية السيدة مريم أو سيدنا المسيح عليه السلام لدى المسلم هي مجرد بشرى خير ولا تعني أن يؤمن بالرب يسوع المسيح
وربما قال أحدهم في نفسه (ياسمينا شافت الحق وأعرضت عنه ) ......... عموماً ربنا يهدي


فعلاً هناك من يقلن ذلك ولا أعلم من أين أتين بهذا الكلام العجيب !!!
فلم أر أبداً أن ساء شعر امرأة بسبب الحجاب
فتلف الشعر أو بهائه يتوقفا على درجة الاهتمام به أو إهماله
ثم أن من يتكلمن عن "كتمة الشعر" , فمن أين أتت تلك "الكتمة" المزعومة إن كانت المرأة تهتم بشعرها وتكشفه في بيتها طوال الوقت ؟؟!!!
بصراحة لم أر مثل هذا
وإن افترضتُ - تنزلاً معهن فقط - أن هذا الكلام صحيح , فتلف شعرك خير من تلف دينك وقلبك
والحمد لله رب العالمين


متابعة معك بإذن الله تعالى

السلام عليكم ورحمة الله وبركاته

بسم الله الرحمن الرحيم

ما شاء الله لا قوة إلا بالله العلى العظيم
دا انا شوفت ستنا مريم مرة واحدة والسيد المسيح 3 مرات تقريبا والحمدلله سيدنا محمد 3 مرات ولله الحمد بس من ساعتها مشوفتهمش تانى
فسبحان الله طع الله يطعك كل شيء
وما شعر المرأة إلا مخلوق من مخلوقات الله لن يرضخ لكِ إلا إذا رضختى أنت لخالقه
والحمدلله الذي بنعمته تتم الصالحات
أسعدني مرورك أختنا نصرة

بارك الله فيك ياسمينا

ما شاء الله ، والحمد لله ، مبارك لكى رؤية حبيب قلوبنا سيدنا محمد صلى الله عليه وسلم
وأيضا مبارك لك رؤية سيدنا عيسى عليه السلام وأمه الصديٍّقة المطهرة
رزقنا الله جميعا رؤيتهم ، وجمعنا وإياهم فى فردوسه الأعلى

متابعين وبشوق ياسمينا ، لا تتأخرى

ما شاء الله قصص بها الكثير من العبر الله نسأل الهداية والثبات ممكن أشاركم طبعاً بعد ما أختنا سارة تدعونى

السلام عليكم ورحمةة الله وبركاته

الله على كلماتك حبيبتي ياسمينا

ما شاء الله حبيبتي عليكِ

ربنا يحميك ويباركلك

والله إني أغبطك لرؤيةة حبيبنا ورسولنا محمد صلى الله عليه وسلم

عقبااااااااااااااااااااااااال ما آراه أنا كمان



منتظرةة بشغف للباقي

بسم الله الرحمن الرحيم

ربنا يثبتنا على الحق ويهدينا كلنا يارب ..

سبحان الله أتعجب أحيانا ممن يخلع الحجاب بعد ارتداءه .. !!!
رغم أنا ارتديته متأخروأنا كبيرة ولكنى أتذكر أول يوم لى به كان كل شوى يقع ويرجع لورا
ويظهر شعرى وأنا كنت مو عارفة أضبطه خالص.. احدى زميلاتى تطوعت وجات تضبطهولى

لاقيتها بتشيل الإسكارف خالص وسط الناس فى الجامعة .. قولتلها أنتِ أتجننتى بس أحرجتنى
وقالتلى أنت ِ لسه لحد إمبارح كنتِ بشعرك ..
دا غبر أنه أصلا دلوئتى بردو مو مضبوط وشعرك كتير منه ظاهر ..
بس أنا فاكرة إنى زعلت منها وقولتلها إمبارح بس أنا لبسته خلاص .. اتصرفى واضبطيه بدون
ما ترفعيه خالص .. عاوزة أقولكم بانى دى كانت كل يوم أول حاجة
حاجة تعملها أول ما تشوفنى .. تضبطلى الإسكارف بتاعى .. يعنى حوالى مدة شهر
بعدها بدأت أجيب ما يثبته واضبط أنا لفه بشكل جيد .. لإن مو كنت بحب أضع أكتر من شىء
على رأسى .. كنت بحس أن عندى صداع ومو بسمع كويس ..

متابعة وياكم ..على فكرة الشعر سبحان الله لازم يتنفس مثل الكثير من الكائنات
وعليه لازم المحجبة تعرض شعرها يوميا للهواء والشمس عالأقل لمدة 10 دقائق
حتى يظل صحى .. واعرفوا كمان أن الحجاب يغمق الشعر حوالى درجتين عن
لونه .. ولذلك النصيحة بتعرضه للشمس ..والحرص على فرده وقت النوم فلا تغطوه
أو تربطوه بأى شىء لإن دا بيأثر عليه سلبا ويقصفه ..

السلام عليكم ورحمة الله وبركاته

بسم الله الرحمن الرحيم

شكرًا لكن أخواتي الكريمات
أسعدني كثيرا تواجدكن

مش عارفة ليه رمضان عندي مرتبط بانتصراتي على نفسي كتير
لحد رمضان قبل اللى فات وفجأة لقيت نفسي مش قادرة
مش قادرة أيه؟!!!!
مش قارة حد يبصلي وأنا ماشية فى طريقي
بقة عندى غيرة شديدة على نفسي
ليه كل الناس ليها حق تبصلي مع أن دا مش حقهم أصلا
وكل ما أشوف واحدة منتقبة أقولها يا بختك انتى محفوظة وملك نفسك ومحدش ليه حق يبص في أى مكان فيكي وماشية بحريتك
لكن أنا كل ما أمشي فى حتة ألاقي عنين كتير بيبصوا علية ... طبعًا ليهم حق ما أنا سايبة نفسي ليهم
وأزعل جدًا وساعات أعيط من غيظي ليه دا يبصلي كدة ودا مش من حقه ......
بدأت أقرأ عن النقاب
مش هتصدقوني اتعذبت على مالبسته مشبس عشان اعتراض أهلى
لأ وكامن مكنتش لاقية محلات نقاب كتير تديني فرصة للاختار وانا كنت عاوزة أبدأ بالأسود وملوش عندي بديل
ونويت والنية خالصة لوجه الله تعالى أني أجنب نفسي شر التبرج وأجنب غيري شر الفتة
نظرًا لظروف كتيرة بتمر بمجتمعنا الحالي للأسف أحنا موش فى صدد الحديث عنها ولكن كلنا عرفنها وعيشنها
المهم لبست النقاب
والدنيا قامت مقعدتش
ناس كتير خاصموني واتخنقوا معايا على أساس أنهم عاوزين مصلحتي
خلاص ياسمينا بقت بقت وحشة وأرهابية
لأ وكمان السيد المرحوم شيخ الأزهر طنطاوي مسبنيش فى حالى حصلت المشلمة المشهورة بتاعة المنتقبات
والجو اتكهرب ع المنتقبات أول ما أنا ملبسته
اله وهقتها يا سارة انا مكنتش متصوة ان هيحصل كل دا بقة فى إهئ إهئ إهئ كتير اوي
بس ربنا جبر بخاطري
عمتي أول ما زورتها ى الأول فرحت جدًا وبعدين فجأة لقيتها شغالة شيمة الله ينور فى المنتقباتوأنا قعدة مبتسمة عشان مزعلهاش
حتى أنتى يا عمتي
قالتلى تعالى ننزل سوا هقولتلها ماشي
لقيتها بتقولى انا مكسوفة انتى منتقبة وانا ادممامتك جنبك وبينة وشي
قولتها لا احراج ولا حاجة عادي خليكي عادي
قالتلى طيب تعالى اما ادخل اجرب النقاب فى اى محل للمنتقبات قولتلها لأ أسفة انتى بتكرهي النقاب والمنتقبات
قالتلى هجرب متبقيش بايخة ......... قلتلها لأ انا بيخة ومش تجربيه
المهم نشفت دماغى بما أني عنيدة
وروحنا على كدة
المهم تانى يوم لقيت نفسي عاوزة أتصل بيها واعرف اخبارها من غير سب مع انها كانت لسة معايا
وفعلا اتصلت بيها وكن الحوار كالتالى
أنا : السلام عليكم
عمتي: وعليكم السلام أزيك يا ياسمينا
أنا : الحمدلله تمام الحمدلله وأنتى ؟
عمتي أنا كويسة
أنا : عمتي أنتى أيه الجديد عندك ................ ( منا مش عرفة انا متصلة بيها ليه ؟؟؟ مع أنى كنت لسة معاها إمبارح)
عمتى : ( قعدت تضحك ) وقالتلى مش هتصدقي
أنا : بلهفة خير قوليلي مالك فى أيه؟
عمتي لبست النقاااااب
أنا فعلا مكنتش مصدقة وكنت فرحانة جدا جدا
حسيت أن ربنا بطمني بعد الريح العاصة اللى كانت ضد المنتقبات فى البلد وقتها
وأديني أهو لبست النقاب وكل يوم بدعي يا رب ثبتني
وديما دعائي اللهم أسترنا فوق الأرض وتحت الأرض ويوم العرض عليك
حد ليه سؤال ؟!!!
.
الحمدلله على نعمة الحجاب
الحمدلله على نعمة الوحدنية
الحمدلله على نعمة السجود
الحمدلله على نعمة الإسلام

ربنا يثبتك ويزيدك هداية وتوفيق