تويت
فتش في قلبك ............
فتش في قلبــك
حالك إيه مع ربنا ............ قلبك عامل إزاي ؟؟
لسه طاهر وبرئ ؟ ولا تعفن بالذنوب والمعاصي ......... لسه عينيك بتبكي من خشية الله ولا أصبح قلبك مجرد حجارة.... كما قال الله تعالي في كتابه الكريم :
( ثم قست قلوبكم من بعد ذلك فهى كالحجارة أو أشد قسوة وإن من الحجارة لما يتفجر منه الأنهار وإن منها لما يشقق فيخرج منه المآء وإن منها لما يهبط من خشية الله وما الله بغافل عما تعملون . ) صدق الله العظيم
بإختصار ومن غير ما أطول عليك ........ عايز تعرف قلبك أصبح قاسي ولا لسه قلبك فيه بعض الإخلاص؟ جاوب وبصراحة علي الخمسين سؤال دول وخلي بالك ..... مش شايفك دلوقتي غير ربنا ونفسك إذن ..........لا داعي لأن تخدع وتغش لأنك لن تغش إلا نفسك ولن يسأل الله عنك غيرك
ملحوظه:كل سؤال عليه2%يعنيال50سؤال يساوي100%حاول تجاوب بصراحه وإحسب نسبة نجاحك وشوف كام في الميه من قلبك أصبح حجارة !!!!!!!!
إختبار قسوة القلوب
الأسئلة الآتيه تمثل معظم الأسباب التي تميت القلوب وإن شاء الله تساعدك في تحديد حال قلبك ..........
1.إيه أكتر حاجه شاغله تفكيرك وتحرص عليها الدنيا !! ولا الدين والآخره ؟
2.بتفكر في الموت ولا مش علي بالك ومش همك منه ؟
3.قلبك متعلق بأي حد غير الله بتحب حد أكتر منه ؟
4.هل أنت كثير التمني في أمور الدنيا يعني بتقعد تفكر كتير في الشقه والعربيه وغيره من ملزات الدنيا؟
5.هل تكثر مخالطة الناس في غير طاعة الرحمن ؟
6.هل تنام أوقات كثيرة ؟
7.هل تسوف الأعمال يعني تؤجل أعمالك وصلواتك ؟
8.هل أنت كثير الأكل يعني لديك ما يسمي بالتبطن ؟
9.هل تتكاسل عن الكثير من الطاعات مثل الصلوات المفروضه والسنن وغيرها من الطاعات ؟
10. هل تأكل أحياناً من حرام أو من شبهه يعني من فلوس مشكوك في أنها حلال ؟
11. هل تنسي ذنوبك أوتتناساها ؟
12. بتوسع علي نفسك بترف زائد في أمور الدنيا .......... هل أنت مسرف ؟
13. هل أنت مغرور .......عندك غرور كاذب .........يعني حاسس نفسك كبـييير أوي عند ربنا ولك شأن ؟
14. هل من صفاتك الغيبه والنميمه والوقيعه بين الناس ....... أو آّفات اللسان بشكل عام ؟
15. هل تفتري الكذب أو تتحدث عن الناس بما يشينهم دون أن تتأكد .........ما يسمي بالأتهام بالباطل ؟
16. هل تسخر من أحد ؟
17. الغالب عليك بيكون الضحك والهزار والمزاح طول الوقت .........أم أنك هادئ الطباع ؟
18. هل أحاديثك معظمها لا تحتوي علي ذكر الله ؟
19. هل أنت متكبر ولا تقبل نصيحة الشيوخ والعلماء ؟
20. هل أنت من الأشخاص الذي يحتوي قلبهم علي الحسد والبغضاء والحقد ............أو التنافس على الدنيا ؟
21. هل من صفاتك الغضب وسوء الظن بالآخرين ؟
22. هل أنت بخيل !!!! يعني لا تنفق في سبيل الله مثلاً ؟
23. هل عندك غفلة وهي الحالة الغالبة عليك ......بعيد عن شكر الله والثناء عليه ؟
24. هل تتهاون في أداء الصلاة ؟
25. صلاة الجماعة عامل فيها إيه ؟
26. هل تخشع في الصلاة ؟
27. هل تترك السنن عن تعمد ؟
28. هل تتوري عن الشبهات وتحاول تجنبها ؟
29. هل تأخذ قرارات بعجله وتسرع ؟
30. هل تحب سماع الأغاني ؟
31. هل تضيع الوقت (علامة المقت من الله ضياع الوقت ) ؟
32. هل تجالس أهل الدنيا وتحب مجلسهم ؟
33. هل تجالس أهل البدع والخرافات والشطحات ؟
34. هل تخون الوعد مع الله والناس ؟
35. هل تصاحب أولياء الشيطان والفاسقين من الناس ؟
36. إتباع الهوي والنفس الأماره بالسوء ......عايش بمزاجك ؟
37. هيئتك وشكلك ... بمن تتشبه بأعداءالله أم أولياءه ؟
38. هل تظلم الآخرين أو تتعدي عليهم حتي ولو باللسان ؟
39. هل تحاول أن تتعلم دينك أم لا ؟
40. هل تتجرأ علي محارم الله أو التجرأ في اتيان الذنوب ؟
41. هل تتبع الشهوات (مال – نساء - ..... ؟
42. هل في طبعك غلظه ؟
43. غشيت أو خدعت مسلم في حياتك ؟
44. هل أفسدت ذات بين لأحد المسلمين ؟
45. هل تستهزأ بالذنوب الصغيره وتستهين بها ؟
46. حظ القرآن من إهتمامك قليل ؟
47. إمتي آخر مرة حاولت ترقق قلبك بزيارة قبر أو مستشفي عشان تشعر بنعم الله عليك ؟
48. أهلك ............ راضيين عنك ؟
49. هل تترك الدعوة إلي الله والنصح للمسلمين ؟
50. ما علاقتك بصحابة النبي (ص) هل تحبهم أم تكرههم والعياذ بالله ؟
يا رب تكون عرفت أي نوع من القلوب قلبك....
يا تري إنت حاسس أد إيه إنت في مشكلة .؟؟؟
أرجوك لا تيأس ......... ولو كنت مقصر في أي حاجة من اللي فات ده ولقيت إجابتك مش عجباك ولا هتعجب ربنا يوم الحساب ............ إبتدي من دلوقتي صلح من نفسك وما تسكتش عليها .......... أكيد أكيد هتقابل ربنا وهيقولك ( ليه ما حاولتش ).........
ولو حاسس إن هذه الكلمات نفعتك بجد أرجوك ما تبخلش بيها علي الناس حواليك ......... يمكن حد يتوب ويكون لك نصيب في كل حسناته .............
والله ولي التوفيق
