تويت
رباعياتي بعنوان ( عشان بحب ) بالعامية المصرية
عشان بحــــب
بلدنا كانت بتفكر أنها تضيع
رَكَبِتْ الموت في القطر السريع
قولتلها رايحة على فين يا بلدي وهتسبيني!!
قالتلي الكل باعني روح معاهم وبيع
وعجبي
بحبك وعاشق العذاب فيكِ
شوفتهم بيقطعوكِ وبيقتّلوا فيكِ
حاولت أحوش بس الوحوش
ماخلوش لا فية شيء ولا فيكِ
.
آه يا بلدي
وعجبي
غريب وطل من هدومه
مش عارف يقضي يومه
يقلّب في أوهام قديمة
حافر حزنه بين علومه
بالكيلو راح يبيع همومه
والغربة نار زي اللئيمة
عمالة تشوي فجثته وفلحومه
وعجبي
عارف بحبك أد أيه؟؟!!
عارف أني بعشقك ؟؟
عرفت الحب اتوجد ليه!
عذاب وصبر وأعرفك
مين السبب
لو جوة عيني هغمضك
لو جوة قلبي هنبضك
لو بين كفوفي هحضنك
بس الحياه .. من غيرك يااه
زي التبوت والروح هتروح لمنتهاه
عرفت بحبك أد أيه!!
وأزاي بحب أعشقك!!
وعجبي
نفسي أعيش زي البشر
أحلم وأبص ع القمر
لا حزن يصاحب دمعتي
ولا ألم ينادي صرختي
كل ما اخطو خطوة واحدة
كأني مشيت سكة سفر
وعجبي
لما النجوم اتحولت بقت عنيك
ولما الهوى لف الحراير بين أيديك
الحب جالي واعترف
أنك أنت منبعه وهو منك إليك
ويا عجبي
ولما الهوى لف الحراير بين أيديك
الحب جالي واعترف
أنك أنت منبعه وهو منك إليك
ويا عجبي
تعليق