فكرة مشروع 1

**محمد فخر الدين** · 9 أكت, 2010, 09:34-ص

السلام عليكم ورحمة الله وبركاته

الحمد لله عملت أنا وأصحابي في رمضان الماضي مشروع خيري محدود زمنيًا وهو فطار جماعي للأيتام ،،، إن شاء الله لما أرجع من المدينة الجامعية غدًا أو يوم الخميس القادم هحكيلكم كيف تم التجهيز بدون أي تكاليف تقريبًا

الموضوع سهل وبسيط جدا جدا جدا وغير مكلف بالمرة ، هية طبخة بس

سلام مؤقتا

**محمد فخر الدين** · 11 أكت, 2010, 07:06-ص

بسم الله الرحمن الرحيم
السلام عليكم ورحمة الله وبركاته

كيف تقدم على فعل عمل أو مشروع خيري ؟؟

النيــــــــــــــــــــة السليمــــــــــــــــــــــــة ...

هذه السمة هي مفتاح النجاح في كل شئ ،،، أقسم لكم أن غالب ما ييسر لي من الأمور بسبب النية السليمة ،

هكذا بدأنا ،،،
مجموعة من الشباب رأى هموم ومصائب بلده ، أراد أن يفعل شئ ولو يسير إلى أن يأتي الفرج ...
ومما فعلنا ، هذا الحفل المبارك والذي نقيمه كل عام في شهر رمضان المبارك ، وفي رمضان الماضي أقمناه للمرة الثالثة على التوالي وبنجاح ملحوظ ،،،

حفل إفطار جماعي لـ 20 أسرة من الأيتام

أعلم أن هذا ليس هو الموضوع المناسب ، ولكن بما أنكم تتحدثون عن مشروع خيري ، فأظن أن هذا سوف يفيدكم ولو بشئ قليل ،،،

الموضوع في منتهى البساطة ،،

المشروع ببساطة يتلخص في ::

1-حفل إفطار جماعي ...
2- بعض المساعدات المالية ...
3- توزيع عدد من شنط رمضان ( تحتوي على ياميش رمضان ) ...
4- معرض مجاني لملابس العيد للأيتام ( تم من خلال جمعية خيرية وتكفلوا بالتكاليف ، وساهمنا بجزء منها ).
مصدر التمويل :::

1- تبرعات رواد قصر ثقافة العريش ( الجهة التي كنا نعمل من خلالها ) ..
2- بعض التبرعات من بعض المسئولين في محافظتنا ..

مدة التنفيذ :::
اسبوع تقريبًا ...

~*~*~*~*~*~*~*~*~*~*~*~*~*~
الإفطــــــــــــــار الجماعي ...

- إكتفينا بعدد عشرين أسرة من الأيتام ،،،
- حصلنا على أسمائهم من المساجد ومن جمعية خيرية ،، قام بهذا العمل فردان ، مجرد زيارة للجمعية أو للمسجد ؛ لو سمحت إحنا مجموعة من الشباب هنعمل فطار جماعي وعاوزين عدد كذا أسرة ،، بارك الله فيكم يابني ، ثواني وأحضرلك الأسماء .... تم.
- بالنسبة للطعام والشراب ؛ إتفقنا أن يقوم كل عضو من أعضاء القصر بإعداد وجبة طعام تكفي لخمسة أفراد على الأقل ؛ والحمد لله جانا الخير كله وزيادة ،، أكل من كل الأصناف والأنواع ومشروبات كثيرة أيضًا ...
عدد كبير من الأسر ( تقريبًا النص فضل إننا نبعتلهم الطعام على البيوت ، وبعضهم جاء إلى مكان الحفل وأخذ الطعام وفضل أن يأخذه لمنازلهم خشية من الإحراج ، وقمنا بتنفيذ مطالبهم ) ..
- تكفل قصر الثقافة بتجهيز مكان الحفل ...

تم الحفل على أكمل وجه ، وكان صورة مشرفة لمجهود صغير كهذا ...
وإتفضلوا شوفوا بنفسكم ...
http://www.youtube.com/watch?v=0ocahTeVluc

المساعدات الماليــــــــــة ...

تم تجميع مبلغ معقول من المال من مصادر التمويل المذكورة أعلاه ،، وتم توزيعهم على عدد من أسر الأيتام ،،في منازلهم ...

شنــــــط رمضـــــــــــان

- تم الحصول على حوالي 100شنطة ، وكانت تكلفة الشنطة الواحدة ما يقرب من 60 جنيهًا ؛ تم الحصول على تكلفة 50 شنطة منهم من خلال تبرعات الأعضاء ، وتبرع بالـ 50 شنطة الآخرين عضو في مجلس الشعب ،، وطبعًا إللي عاوز يعمل مشروع خير وبيبحث عن تمويل لازم يلف عالناس المهمة دي ويلقط رزقه منهم برضه

أمال هيجيب تكلفة الحاجات دي كلها منين ؟؟
- تم توزيع هذه الشنط على المنازل أيضًا ..

ملحوظة :::
- هذه الأعمال تكون ميسرة من الله عز وجل ، إحنا كنا بنعمل الحاجات دي ومافيش حاجة واقفة في وشنا ، لا مشاكل ولا عجز في ميزانية ولا أي حاجة ، كنا ماشيين زي السكينة في الحلاوة

- الموضوع ليس صعب إطلاقًا ، فقط يحتاج إلى نية صافية ؛ وهمة وعزم .
- إذا نجح العمل ففي أول مرة ، فتأكد أنه سينجح في كل مرة إن شاء الله ..
- تكلفة العمل للفرد الواحد تكاد تكون معدومة ،، هية طبخة وإللي ربنا يقدرك عليه من تبرعات ..
- مش لازم قصر ثقافة أو أي جهة رسمية ،، كثيرًا من يتم هذا الأمر في المساجد وعلى نفقة سكان المنطقة المحيطة بالمسجد ،، ممكن من خلال جيرانكم أن تقوموا بعمل شئ كهذا ولو بعدد محدود جدًا كما فعلناه ..
- مش لازم فطار جماعي ،، الناس الغلبانة دي ما بتصدق تلاقي حد بيفكر فيهم وبيهتم بيهم وما بيصدقوا يفرحوا ،، ممكن يوم التكافل الإجتماعي ،، ممكن يوم لم الشمل أو شم النمل

عادي ممكن بدون مسمى أصلًا ...

ياريت تستفيدوا من الموضوع وتحاولوا تقلدوه ،، والله الأمر سهل للغاية ...

وشكرًا ،،،

**solema** · 11 أكت, 2010, 07:29-ص

ياترى يا أخت سوليما أين وصلتي في هذا المشروع؟

يااااااااااه .. حضرتك لسه فاكر ..

وعشان أكون صادقة معاك .. أنا عرضت الفكرة عليهم (( الجمعية )) .. إجمالا كما وضحتم ..

ورغم إنى كنت أجدها جيدة ومناسبة لل3 أسر دى ..حسب ما فهمت من طنط (( رقية ))
وتوضيحها لظروفهم ..

إلا أن ما عرفته بعد تدعيمهم المادى .. أنهم افتتحوا مشاريع أخرى ...

** أسرة فضلت شراء ماكنتين خياطة وبعض الخامات .. لأنهم لديهم من يجيدها وكانوا يعملون
لدى آخر ..

** والثانية أخذوا جزء من شقتهم وفتحوا (( سوبر ماركت )) .. أى استغلوا المال فى شراء سلع ..

** الثالثة : حسب ما فهمت أنهم دخلوا بيه فى شراكة مع آخرين .. حسب ما أتذكر شيئا ما متعلق
بمتطلبات السيارات.. موش فاكرة بالضبط ..

وجزاكم الله خيرا عالسؤال ..وربنا يكرمهم ..

**solema** · 11 أكت, 2010, 07:40-ص

بسم الله الرحمن الرحيم

جميلة أفكارك يا (( فخر )) ...

وخصوصا (( شنط رمضان )) .. ذكرتنى بأيام الجامعة كنت اشتركت فيها مع زمايلى
عامين .. وكنت أنزل معهم لبعض الأحياء الفقيرة .. وأتذكر أن هذه الأحياء كان يوجد
بها شخص يوجهنا لبيوت الأسر الأكثر احتياجا لذلك .. وكنا نفعل شىء أيضا ..
(( شنط العيد )) ... ودى كنا بنبدأ فيها فى آخر ثلاث أيام من رمضان .. ولكنها كانت
تقتصر على توزيع اللحوم فقط ..

كذلك (( المعرض )) .. فكرة جميلة .. وأتذكر أول مرة أشتركت فيه .. لميت حاجات
كتير من عندى .. لدرجة أن أوقات بعدها كنت بدور على الهدوم أفتكر أنى سربتها ..

أيام جميلة .. اللى كنت بنزل فيها لهذه الأعمال .. بس سبحان الله فى كل مرحلة من
من حياتك هتجد نفسك عقلك بيوجهك للعطاء فى إتجاهات أخرى وبطريقة مختلفة ..

وآسفة إنى خرجت عن فكرة الموضوع

**محمد فخر الدين** · 11 أكت, 2010, 07:47-ص

جميلة أفكارك يا (( فخر )) ...

لا دي مش أفكاري للأسف ، أنا كنت في فريق العمل فقط ، الأفكار لصديق لي ( طالب في صيدلة اسماعلية ) وكان له الدور الأكبر في نجاح الحفل
جزاه الله كل خير حيثما وجد ...

**wael_ag** · 11 أكت, 2010, 08:20-ص

بسم الله ما شاء الله
إنجازات عظيمة من شباب وشابات الإسلام تستحق كل العرفان والتقدير
أسئل الله أن يجعله في ميزان حسناتكم ويرفع به درجاتكم
محمد فخر الدين و دكتورة سوليما
جزاكم الله كل خير

**دربكة** · 12 أكت, 2010, 03:40-ص

المشاركة الأصلية بواسطة solema

بسم الله الرحمن الرحيم

حلوة فكرة الموضوع ( المشروع ) وهو موجود بالفعل .........

متابعة إن شاء الله .

والله الكلام ده بجد

يا جماعة والله ما مصدق انا كنت السنة اللى فاتت بقول لواحد صاحبى ياريت اى ست بيت تعملنا الموضوع ده واعدنا ندور شوية لحد ما يئسنا وكملناها كشرى واهى السنة الجديدة بدأت وانا بكلمكم النهاردة والله متغدى كشرى

ولا اى اكل بره بستطعمه بعد ما جربت كله وقطعت مسافات عشان بس وجبه كويسه والاخر نرجع زى ما رحنا زى ما جينا انا فاكر مرة خرجنا انا وصحابى عشان الجوع وسألنا معارفنا فى المنطقة ناكل فين وكدة لحد ما قالولنا على مطعم كدة بعيد حوالى ساعة ونص عن السكن قلنا كله يهون عشان اكله حلوه والمعدة تستريح من الصلصة والدقة بتوع الكشرى خدنا بعضنا وروحنا المطعم ده وكلنا اكله محترمة ودفعنا فلوس محترمة وتعبنا برضة تعب بس مش محترم خاالص
انا خلاص السنة دى بكالوريوس فقدت الامل فى اكله حلوه بعد كل التجارب والاكل والمطاعم اللى سافرتلها انا بغيب عن البيت اسبوعين تلاتة شهر حسب ظروف الدراسة بس الاجازة لا تتعدى يومين مش بلحق اعوض فيهم الجوع ولا المعدة بتلحق تستريح

انقذونااااااااااا
انا اول مشترك وياريت حد يدلنى بجد وبسرعة على اقرب حله

**لا تسئلني من أنا** · 12 أكت, 2010, 03:51-ص

السلام عليكم ورحمةة الله وبركاته

ما شاء الله موضوع أكثر من رائع

فكرته جميلةة جداً

جزاكم الله خيراً كثيراً
من فترات
وانا نفسي أعمل مشروع

بس المشكلةة التطبيق
والكسل

نفسي بنوتةة تشجعني وتشترك معاييا

كمان نفسي أوي في مشروع ملابس

**الشرقاوى** · 12 أكت, 2010, 03:56-ص

المشاركة الأصلية بواسطة دربكة

انقذونااااااااااا
انا اول مشترك وياريت حد يدلنى بجد وبسرعة على اقرب حله

يااااااااااااه
تكاد دموعي تتساقط يا ولدي

إنت لازم تيجي تتغدى معايا كل يوم

بس خللى بالك في الأيام اللى انا بطبخ فيها بس

يعنى تقدر تقول كده من السبت للخميس لأني يوم الجمعه بتغدى عند أمي

طبعا حرمنا المصون مش هتزعل لأنها ماتعرفش في المطبخ غير تشغيل غسالة الأطباق

دمتم للحلة منتظرين

**محمد فخر الدين** · 12 أكت, 2010, 08:13-ص

المشاركة الأصلية بواسطة دربكة

والله الكلام ده بجد

يا جماعة والله ما مصدق انا كنت السنة اللى فاتت بقول لواحد صاحبى ياريت اى ست بيت تعملنا الموضوع ده واعدنا ندور شوية لحد ما يئسنا وكملناها كشرى واهى السنة الجديدة بدأت وانا بكلمكم النهاردة والله متغدى كشرى

ولا اى اكل بره بستطعمه بعد ما جربت كله وقطعت مسافات عشان بس وجبه كويسه والاخر نرجع زى ما رحنا زى ما جينا انا فاكر مرة خرجنا انا وصحابى عشان الجوع وسألنا معارفنا فى المنطقة ناكل فين وكدة لحد ما قالولنا على مطعم كدة بعيد حوالى ساعة ونص عن السكن قلنا كله يهون عشان اكله حلوه والمعدة تستريح من الصلصة والدقة بتوع الكشرى خدنا بعضنا وروحنا المطعم ده وكلنا اكله محترمة ودفعنا فلوس محترمة وتعبنا برضة تعب بس مش محترم خاالص
انا خلاص السنة دى بكالوريوس فقدت الامل فى اكله حلوه بعد كل التجارب والاكل والمطاعم اللى سافرتلها انا بغيب عن البيت اسبوعين تلاتة شهر حسب ظروف الدراسة بس الاجازة لا تتعدى يومين مش بلحق اعوض فيهم الجوع ولا المعدة بتلحق تستريح

انقذونااااااااااا
انا اول مشترك وياريت حد يدلنى بجد وبسرعة على اقرب حله

ياي إنت لسة بتاكل كشري !!!
لا لا لا الأكل بره البيت وحش وفيه تلوث

دلوقتي ممكن بدل الكشري والأرف ده ممكن تاكل

طاجن .....
عندك طاجن سادة ، طاجن باللحمة ، طاجن كبدة ، طاجن بالفراخ ... ونوع بقى

على ما أعتقد إن نسبة 99% من الطلاب الجامعيين يتناولون الكشري والطاجن بمعدل من 3 : 10 اسبوعيًا ...

**دربكة** · 14 أكت, 2010, 04:11-م

السلام عليكم ورحمه الله

هو المشروع وقف عند المطالبه بظهور الحله فين يا جماعة انا عايز اشوف حله انا بتكلم بجد والله اى حد يعرف المشروع ده بيتنفذ يقولى فين بسرعة

مولانا الشرقاوى

ابعد الله عنك الحزن والدموع احنا اتعودنا على كدة ووجود الصحاب الجعانين حواليك بينسى الواحد وبيسليه برضة يعنى الموضوع مش كبير بس لو فيه حل والمشروع ده يتنفذ بجد يبقى احسن اكيد وبالنسبة لعرضك الكريم انا جعت وانا بقراه وعلى فكرة انا هصوم يوم الجمعه عشان ماكلش اى حاجه غير من ايدك يا مولانا بس ورينى بس اى حله وانا خايف تكون بتدعى عليا يا مولانا يارب انتظارى للحله يكون قصير واشوفها والمسها واكل منها فى اقرب وقت

آميييييييييييييييييييييييييييييييييييييييييييين

اخى الفاضل محمد فخر الدين

فعلا انا الاسبوع اللى فات حوالى اربع مرات كدة

بس ايه الحل العبقرى ده كان تايه عنى فين

يا راجل انت عايزنى اقضى عمرى كله فى محل الكشرى

من كشرى لطواجن

يا قلبى لا تفرح

بس انت عسل والله

**سيف الكلمة** · 29 أكت, 2010, 05:00-ص

المشاركة الأصلية بواسطة دربكة

والله الكلام ده بجد
انقذونااااااااااا
انا اول مشترك وياريت حد يدلنى بجد وبسرعة على اقرب حله

إذا كنت موش عارف تأكل نفسك وانت بطولك
أمال لما تتجوز ح تعمل ايه

خد عندك
روح أى سوبر ماركت وهات
كيلو بطاطس 3.5 جنيه
+ 2 كيلو سمك فيليه 22جنيه الكيلو ب 11 عند فتح الله
+ بصلتين 1جنيه
+ 3 ثمرة طماطم 1,5 جنيه الطماطم رخصت وبقت ب 3 ج الكيلو
+ 3 قرن فلفل حامى
+ 50 جرام زبدة أو سمن أو زيت حسب الموجود
قطع البصل حلقات
اغسل السمك وقطعه بالحجم المناسب حسب درجة الجوع
قلبه السمك مع البصل وملح حسب الطلب
قشر البطاطس وفطعها حلقات أو مكعبات وقطع الفلفل عليها
افرش السمن فى الصينية على النار عشان ما تلزقش
ضع البطاطس وفوقها السمك بالبصل والملح وفوقهم حط شرائح الطماطم + كوب ماء
غطى الصينية وضعها فوق البوتاجاز أو ضعها من غير غطاء فى الفرن 20 دقيقة
تكفى 10 أفراد

انزل اشترى علبتين كشرى وكل على الريحة
أو اعمل لك 2 كيلو أرز

تعرف تعمل الأرز ؟
سهل جدا

إغلى الماء أولا
4 كوب أرز يحتاج 4.5 كوب ماء لا أكثر ولا أقل
ضع الملح وقلبه
ضع الأرز فى الماء وهو يغلى + ملعقة سمن وقلبه
عندما ينفش الأرز ويعلو فى الماء قلب الأرز وخفض النار وضع شياطة تحت الحلة عشان ما يلزقش وتأكد إنه استوى قبل ما ترفعه من على النار

قبل ما تدوق انزل اشترى علبتين كشرى
وكل وانبسط وانت بتتفرج على الحلة والصينية

+ شوية سلطات وخبز والتغليف
تكلفة الوجبة للفرد تزيد قليلا عن 4 جنيهات قول 5 عشان الحلو
ممكن تتفق مع ملجأ أطفال أنك تعد لهم وجبة أو إفطار رمضان وتظبط الكميات حسب العدد
لكن لا تفرط فى علبة الكشرى وبالهنا والشفا

**دربكة** · 29 أكت, 2010, 06:41-م

حتى الان كل من تفضل بالاجابة رجال بالنصائح او بالوصفات
رحم الله ايام ما كان الكلام فى الطبيخ للنساء

إذا كنت موش عارف تأكل نفسك وانت بطولك

هاااا.....!!!
ايه......؟؟؟

هو انا كان مفروض اتعلم الطبيخ وانا معرفش
سامحكم الله محدش قالى ليه طيب كنت اتعلمتلى حاجه تنفعنى وسبت التعليم ده
انا كنت قريتها كلمة حكمه للاستاذ فارس قبل كدة بيقول "امال الاختراع اللى اسمه المرأة لزمته ايه "
كنت مقتنع بكدة ومعرفش ان الموضوع اتطور وان انا فى ازمة

أمال لما تتجوز ح تعمل ايه

ربنا يستر عليا
مش لما الاقى يا مولانا واحدة تقبل بيا على عيبى الفظيع ده
وانا ان شاء بعد الجواز هتعلم الطبخ وابقى لهلوبة ومش هخليها تحتاج حاجه

خد عندك

هات يا سيدى

روح أى سوبر ماركت وهات
كيلو بطاطس 3.5 جنيه
+ 2 كيلو سمك فيليه 22جنيه الكيلو ب 11 عند فتح الله
+ بصلتين 1جنيه
+ 3 ثمرة طماطم 1,5 جنيه الطماطم رخصت وبقت ب 3 ج الكيلو
+ 3 قرن فلفل حامى
+ 50 جرام زبدة أو سمن أو زيت حسب الموجود
قطع البصل حلقات
اغسل السمك وقطعه بالحجم المناسب حسب درجة الجوع
قلبه السمك مع البصل وملح حسب الطلب
قشر البطاطس وفطعها حلقات أو مكعبات وقطع الفلفل عليها
افرش السمن فى الصينية على النار عشان ما تلزقش
ضع البطاطس وفوقها السمك بالبصل والملح وفوقهم حط شرائح الطماطم + كوب ماء
غطى الصينية وضعها فوق البوتاجاز أو ضعها من غير غطاء فى الفرن 20 دقيقة
تكفى 10 أفراد

عجيبه اوى الاكلة ده اول مرة اشوف السمك مع البطاطس فى صينية واحدة
بس شكلها حلو عشان كدة اوعدك يا مولانا بجد ...

انى مش هجرب

تعرف تعمل الأرز ؟

ها .....!!!!
ايه.....؟؟؟

سهل جدا

إغلى الماء أولا
4 كوب أرز يحتاج 4.5 كوب ماء لا أكثر ولا أقل
ضع الملح وقلبه
ضع الأرز فى الماء وهو يغلى + ملعقة سمن وقلبه
عندما ينفش الأرز ويعلو فى الماء قلب الأرز وخفض النار وضع شياطة تحت الحلة عشان ما يلزقش وتأكد إنه استوى قبل ما ترفعه من على النار

هو ده بقى الارز
ما طلع سهل خالص اهوه

ده انا كنت فاكر مفروض اخد فيه كورسات
وعد منى يا مولانا ...

انى مش هجرب

انزل اشترى علبتين كشرى وكل على الريحة

قبل ما تدوق انزل اشترى علبتين كشرى

لا تفرط فى علبة الكشرى

متنكرش يا مولانا ان ده هدفك الاساسى من المشاركة الطويلة دى
وهى الكشرى
تقول سمك وبطاطس وارز كل ده تمويه
انا بدأت اشك انكم فاتحين محل كشرى فى المنتدى
كل اللى يدخل ينصحنى بالكشرى
اقولكم حاجه

اوعى حد يجيبلى سيرته تانى

مشكور يا مولانا على مشاركتك الجميلة

المواضيع	إحصائيات	آخر مشاركة
هل الاقباط مضطهدون حقا في بناء الاديرة والكنائس؟ بواسطة كريم العيني ابتدأ بواسطة كريم العيني, 16 يون, 2024, 02:31-ص	ردود 0 118 مشاهدات 0 ردود الفعل	آخر مشاركة بواسطة كريم العيني 16 يون, 2024, 02:31-ص
ثابت: سلسلة خط الزمن (قصة فلسطين) للدكتور راغب السرجاني بواسطة حاملة اللواء ابتدأ بواسطة حاملة اللواء, 12 ينا, 2011, 12:42-م	ردود 7 10,745 مشاهدات 0 ردود الفعل	آخر مشاركة بواسطة قلب ينبض بحب الله 11 أبر, 2015, 09:17-ص
أغرب 10 أماكن على ظهر الأرض بواسطة كابتن على عبد العزيز ابتدأ بواسطة كابتن على عبد العزيز, 11 يون, 2011, 01:46-ص	ردود 10 4,351 مشاهدات 0 ردود الفعل	آخر مشاركة بواسطة كابتن على عبد العزيز 20 أكت, 2011, 11:47-ص
ثورة بركان بوييهو في تشيلي: أكثر من 20 صورة تصف الكارثة ! بواسطة كابتن على عبد العزيز ابتدأ بواسطة كابتن على عبد العزيز, 11 يون, 2011, 01:28-ص	ردود 2 2,166 مشاهدات 0 ردود الفعل	آخر مشاركة بواسطة كابتن على عبد العزيز 12 يون, 2011, 11:40-ص
15 فكرة رائعة لأجهزة اللابتوب في المستقبل بواسطة دربكة ابتدأ بواسطة دربكة, 1 ينا, 2011, 04:01-ص	ردود 5 1,797 مشاهدات 0 ردود الفعل	آخر مشاركة بواسطة حاملة اللواء 1 ينا, 2011, 06:31-م
عشرات السدود تُبني في منابع الفرات الجبلية الآن فهل سَيُحسر الفرات عن جبل من ذهب؟ بواسطة سيف الكلمة ابتدأ بواسطة سيف الكلمة, 19 أغس, 2010, 05:26-ص	ردود 4 4,656 مشاهدات 0 ردود الفعل	آخر مشاركة بواسطة إيمان أحمد 29 أكت, 2010, 01:33-م
التنين في الكتاب المقدس بواسطة الشرقاوى ابتدأ بواسطة الشرقاوى, 24 أبر, 2011, 07:54-ص	ردود 9 18,676 مشاهدات 0 ردود الفعل	آخر مشاركة بواسطة حميد 27 يول, 2011, 04:12-م
ذهول يعقبه ذهول .. واليابان تتحدث عن نفسها بواسطة ابن الرزاز الجزري ابتدأ بواسطة ابن الرزاز الجزري, 6 يون, 2011, 02:44-م	رد 1 2,388 مشاهدات 0 ردود الفعل	آخر مشاركة بواسطة فارس التوحيد 6 يون, 2011, 05:19-م
صور تعليمية للأطفال بواسطة المروة ابتدأ بواسطة المروة, 27 ديس, 2010, 08:44-م	ردود 5 9,404 مشاهدات 0 ردود الفعل	آخر مشاركة بواسطة أروى 31 ديس, 2010, 01:55-م
أضف لمعلوماتك: الألبينو Albino بواسطة الشرقاوى ابتدأ بواسطة الشرقاوى, 13 ينا, 2012, 03:37-ص	ردود 0 2,246 مشاهدات 0 ردود الفعل	آخر مشاركة بواسطة الشرقاوى 13 ينا, 2012, 03:37-ص
جمعية سوا للتنمية الاجتماعيه ( دليفري خراب البيوت في مصر ) بواسطة ثامررر ابتدأ بواسطة ثامررر, 2 نوف, 2010, 02:38-ص	ردود 0 3,383 مشاهدات 0 ردود الفعل	آخر مشاركة بواسطة ثامررر 2 نوف, 2010, 02:38-ص
فيديوهات دعوية باللغة الإنجليزية بواسطة لؤلؤة باسلامي ابتدأ بواسطة لؤلؤة باسلامي, 27 ديس, 2013, 03:36-ص	رد 1 1,818 مشاهدات 0 ردود الفعل	آخر مشاركة بواسطة لؤلؤة باسلامي 27 ديس, 2013, 03:38-ص
معا نتعلم أحاديث رسول الله صلى الله عليه وسلم..بستان السنة بواسطة بستان السنة ابتدأ بواسطة بستان السنة, 11 ينا, 2012, 02:09-ص	ردود 0 992 مشاهدات 0 ردود الفعل	آخر مشاركة بواسطة بستان السنة 11 ينا, 2012, 02:09-ص
عملية الشعاع الأزرق --- التمهيد للدين الدنيوي العالمي الجديد [ ديانة الدجال]. بواسطة قاهر سدنة الظلام ابتدأ بواسطة قاهر سدنة الظلام, 6 يول, 2011, 07:42-م	ردود 0 2,644 مشاهدات 0 ردود الفعل	آخر مشاركة بواسطة قاهر سدنة الظلام 6 يول, 2011, 07:42-م
ثابت: رد على شبهة غروب الشمس فى عين حمئة - رد كامل متكامل إن شاء الله بواسطة السلفي الإماراتي ابتدأ بواسطة السلفي الإماراتي, 12 ينا, 2016, 01:39-ص	ردود 10 4,873 مشاهدات 0 ردود الفعل	آخر مشاركة بواسطة أكرمنى ربى بالاسلام 7 يول, 2020, 07:36-ص

المواضيع	إحصائيات	آخر مشاركة
[you] .. كيف تعرفت على منتدى حراس العقيدة ؟ بواسطة ابو تسنيم ابتدأ بواسطة ابو تسنيم, 10 نوف, 2009, 03:00-م	ردود 793 89,178 مشاهدات 0 ردود الفعل	آخر مشاركة بواسطة منى رضوان 11 ينا, 2024, 06:29-ص
ثابت: طلبات تغيير الأسماء - غير اسمك الأجنبي باسم عربي وهو أفضل بواسطة أبو أسامة ابتدأ بواسطة أبو أسامة, 24 يون, 2006, 11:41-م	ردود 610 73,309 مشاهدات 0 ردود الفعل	آخر مشاركة بواسطة احمد احمد احمد عبدالحكيم متولى 12 سبت, 2021, 07:26-ص
ثابت: هيا نرحب بـــ [you] بواسطة (((ساره))) ابتدأ بواسطة (((ساره))), 28 يول, 2009, 12:34-ص	ردود 479 67,414 مشاهدات 0 ردود الفعل	آخر مشاركة بواسطة أمين القسنطيني 29 أبر, 2018, 12:43-م
لآلىء متجددة و ( دعوة للمشاركة ) بواسطة قلب ينبض بحب الله ابتدأ بواسطة قلب ينبض بحب الله, 11 نوف, 2013, 11:49-م	ردود 364 29,656 مشاهدات 0 ردود الفعل	آخر مشاركة بواسطة قلب ينبض بحب الله 18 مار, 2017, 07:15-م
[you] ... قف !!! اكشف السر !!!! لماذا اخترت هذا اللقـب ؟؟؟!!!! بواسطة شخص ما ابتدأ بواسطة شخص ما, 6 ماي, 2008, 10:30-م	ردود 316 40,707 مشاهدات 0 ردود الفعل	آخر مشاركة بواسطة اتبعوا ولا تبتدعوا فقد كفيتم 24 يون, 2022, 08:20-ص

فكرة مشروع 1

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

عن الكاتب

مواضيع ذات صلة

مواضيع من نفس المنتدى الحالي