مسلم
اكتشف المزيد حول ابو تسنيم
-
-
مخيمر
على أكده عقل بوي ابنه
وانا اقله يا ولد بوي ..هههههههههه
العقل هو عضو من اعضاء الكائن الحي
فهل الابن عضو من أعضاء الاب؟
الاب اسحق
اقنوم الابن ليس بهذا المفهوم
و كأنك تصوره بأنه كتلة مُخية
اقنوم الابن, الكلمة, هو عقل الله الناطق
اي كلمة الله التي تعبر عن عقل الله و فكره
هريدي
وبعد هالك عادي يا بوي
ارسي اكده وقلنا
الابن هو عقل الله ولا كلمة الله
اللي تعبر عن عقل الله
ولا مافيش فرق بيناتهم يا بوي
مخيمر
لع يا بوي هناك فرق بيناتهم
العقل شيء والكلام شيء تاني
وكمان هناك فرق بين العقل والفكر يا بوي
ان فهمت القس عاوز يقول ايه يا بوي
هريدي
عاوز يقول ايه يا ولد؟
مخيمر
أولا هو مايقصدش ان الابن هو مخ الله
هو عاوز يقول هو العمل اللي بيقوم به العقل
مريم
جدع يا مخيمر يا ولد هريدي
(كلمة الله) تعني (عقل الله) نفسه
ليه بقى ؟
لأن الكلمه (المنطوقه)
يا بوي هي ترجمه للي جوات العقل..
الاب اسحق
باركك الرب يا مريم يا بنتي
عقل الله هو الله ذاته
لأنك لا تقدر ان تفصل عقل الله عن ذات الله!
نعم المسيح كلمة الله اي أنه نطق الله
أي تعبير عن الله وإعلان عنه وعن كينونته.
وكما أن كلمة الإنسان التي
هي التعبير عن عقل الإنسان
هي من جوهر الإنسان
كذلك كلمة الله الذي هي التعبير
عن عقل الله هي من جوهر الله
هريدي
سبحان الله على عقول الخلق يا بوي
هو في عاقل يقول انو كلام الله ولده ؟
ليه الحديت الماسخ دهه
اللي لا يودي ولا يجيب يا بوي ؟!!!!
هو ربنا قال ان كلامه هو ابنه اللي ولده ؟!!تعليق
-
الاب اسحق
الكتاب المقدس اللي هو كلام الله
قال عن الابن
" في البدء كان الكلمة والكلمة عند الله وكان الكلمة الله
2 هذا كان في البدء عند الله
3 كل شيء به كان، وبغيره لم يكن شيء مما كان
4 فيه كانت الحياة، والحياة كانت نور الناس "
يوحنا 1/4
هريدي
ودهه معناه ايه عاد ؟
الاب اسحق
"في البدء كان الكلمة"
يعني أزلي ...ومن أزلي غير الله
"كل شئ به كان "
ومن غير الخالق كل شيء به كان
"فيه كانت الحياة"
اي أصل الحياة
هريدي
حديت ما بيخشش عقل حد واصل
كلمة ايه وحديت ايه يا بوي
ليه تعزل بين الرب وكلامه وروحه ليه
واقول على كل واحد منهم الله يا بوي ؟
مريم
قلي يا مخيمر
انت لما بتسمع صوات بوك بتقول ايه؟
مخيمر
بقول ...بوي هريدي جيه يا امايتي
مريم
اهه انت قلت لامايتك
بوي هريدي جه
وهو بنفسه لسه ماجاش
ولا عينك شافته
اللي جه حداك حديته
يعني انت قلت على حديت بوك
"هريدي "
واول ما يوصل حداكم بنفسه
وتشوفه عنيك دول
حتقول لامايتك بوي هريدي جيه يا امايتي
مخيمر
بس انا ماقصديش واصل
اقول على حديت بوي ..."هريدي"
انا عرفت ان بوي جه حدانا
لما سمعت صوته من بعيد
يعني معزلتش بين بوي وبين حديته
وقلت ذات بوي "هريدي "
وعلى حديته "هريدي "
وعلى روحه "هريدي "
بوي كلاته بذاته وبحديته وبروحه
وبعنيه طول وكل حته فيه هريدي
فالرب بذاته جل جلاله
وبكلامه وروحه كيان واحد
لا يمكن أقول على ذاته فقط اله
وعلى كلامه اله
وعلى روحه اله
وبعدين ايه الفيده من دهه كلاته
وليه اللخبطةدي يا بوي
الاب اسحق
بلاش كلامنا احنا خلينا في القران
تعرف تقول يعني ايه ما معني
أن المسيح كلمة الله؟
مخيمر
أي ان الله خلقه بكلمة قوله تعالى
"كن" فكان
{إِنَّمَا أَمْرُهُ إِذَا أَرَادَ شَيْئاً أَنْ يَقُولَ لَهُ كُنْ فَيَكُونُ}
[يس : 82]
الاب اسحق
وماذا عن آدم؟
أليس هو أيضاً مخلوق بكلمة كن فيكون؟؟
فإن كان المسيح كمثل آدم ومخلوق بكلمة كن فيكون
فهل يمكننا تسمية آدم بأنه أيضاً كلمة الله؟؟
كذلك ماذا عن المخلوقات التي خلقها الله؟
أليست هي أيضاً مخلوقة من الله بكلمة كن فيكون..؟؟
فهل النبات والحيوان هو "كلمة الله"
لأنه مخلوق بكلمة كن فيكون؟؟
وهل الخنازير أيضاً كلمة الله..؟؟
أليست الخنازير من مخلوقات الله
وخلقها الله بكلمة كن فيكون؟؟
لماذا إذن المسيح
هو الوحيد في القرآن المُلقب بكلمة الله؟؟
تعليق
-
مخيمر
ابااااااااااااااااااااااااي
خبر ايه عاد
خدلك راجع يا جدع انته
اديني فرصه ارد عليك امال
الحديت مش اكده واصل
سد خشمك عاد
الاب اسحق
الحقيقة أن (كلمة الله) تعني (عقل الله) نفسه
لأن الكلمة (المنطوقة) هي ترجمة لما في داخل العقل
وعقل الله هو الله ذاته
لأنك لا تقدر ان تفصل عقل الله عن ذات الله!
إذن فالمسيح هو الله نفسه المتجسد!
وهذه هي الحقيقة التي حاول مفسري القران
طوال الـ 14 قرن طمسها عنكم
هريدي
أنت مجنون اياك
بيقلك سد خشمك عشان يرد عليك
ولا افز انا واسدهولك
بالبرطوش اللي في رجلي يا بوي
اتحدت يا ولدي اتحدت وماتخللهوش واصل
مخيمر
انا حبسط ليكو الحديت يا بوي
وحضرب ليكو مثال
ميلاد
لع يا ولد بلاش الضرب
احنا ماتفقناش على اكده واصل
مخيمر
ضرب ايه يا بوي
انا ماقصتش اكده واصل
حضرب مثل يعني
حقول حكايه كيف الحديت دهه
هريدي
اتحدت يا ولد
مخيمر
كان في رجال فقير
ما حلتهوش حاجه واصل يا بوي
بيعيش هو وحرمته وولاده في الشارع
عشان ما فيش حداه دوار
وفي احد الايام جاله واحد اكده
كيف البهوات
قله انا جيلك من طرف رئيس الجمهوريه
وهو بيبشرك بقرار منه اسمه دوار عم احمد
واسع وبرح اكده
فقله كيف الحديت دهه ؟
ازاى يكون عندي دوار كيف حديتك
وانا رجال فقير ما حلتيش حاجة واصل
قله اهه اكده قال رئيس الجمهوريه
وهو لما يقول حاجه
لازمن ولابد تتنفذ يا بوي هي كلمه منهتعليق
-
هريدي
وبعد اكده
مخيمر
سكن عم احمد هو وحرمته وولاده الدوار
وشفوه الناس وهو بيخش ويطلع من الدوار
فقالوا اباااااااااااااي
منين جالوا الدوار البرح دهه
وهو محلتهوش حاجة واصل
فقالوا عليه حرامي سرق فلوس واشترى بيها الدوار
وناس قالت لع دى ورث فلوس كتير واشترى بيها الدوار
وناس قالت لع هو قتل صاحب الدوار واستولى على داره
كل الحديت دهه وصل لرئيس الجمهوريه
فبعت ليهم وقلهم دهه قرار منى
هريدي
وبعد اكده
مخيمر
فيه ناس ماصدقتش الحديت دهه
وقالوا الدوار دهه من فلوس حرام
وفي ناس طق نفوخها
وقلت قرار رئيس الجمهوره دهه هو ابنه
اللي تجسد في صورة دوار
وفي ناس صدقت حديت رئيس الجمهوريه
بان عم احمد حصل على الدوار بقراره
ولله المثل الاعلى يا بوي
اظن المثل مش محتاج شرح واصل يا بوي
مريم
بردك انت ماردتش على بوي اسحق
وقلتله اشمعنا المسيح له المجد
هو الوحيد اللي قال عليه القران
"كلمة منه"
كيف منتا قلت على دوار عم احمد
" قرار منه "
ورئيس الجمهورية كل شويه يصدر قرار
شمعنا دهه هو اللي سماه وقال عليه
"قرار منه "
مخيمر
أقول لك ليه بقى الله جل جلاله قال
عن المسيح عليه السلام
" كلمة منه"
واشمعنه هو؟
{إِذْ قَالَتِ الْمَلآئِكَةُ يَا مَرْيَمُ إِنَّ اللّهَ يُبَشِّرُكِ
بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ
وَجِيهاً فِي الدُّنْيَا وَالآخِرَةِ وَمِنَ الْمُقَرَّبِينَ}
[آل عمران : 45]
قبل ما اقلك قلي انت
من خلق بوي ادم عليه السلام
حتى دلوقتي مين من خلق ربنا
حوله جدال كبير
على الاقل بين الاديان التلاته الكبرى ؟
الاب اسحق
بصراحة هو السيد المسيح له المجد
مخيمر
زين قوي يا بوي ...ليه بقى ؟
هريدي
عشان جه الدنيا من غير امايته
مريم عليها السلام ما يجي جنبها
رجال يا بوي
مخيمر
صُح يا بوي
الطبيعي ان يولد {الولد } من اب وام
فالحيوان المنوي للرجال يحمل جوز
فيه نوعين مختلفين من الصفات المورثه
واللي بيسموها الكروموسومات دهي
وهما
(x ,y)
والحرمه تحمل جوز واحد متشابه
(x , x)
فإن قابل (y) من الرجال مع (x) من الحرمه
كان المولود دكرا باذن الله
وإن قابل (x) من الرجال مع (x) من الحرمه
يكون المولود بنت باذن الله
فالولد الدكر يحتاج لازمن ولابد
الي الرجال عشان (y)
اللي مش موجوده واصل عند الحرمه
تعليق
-
موفق بإذن الله ... لك مني أجمل تحية .
تسجيل متابعة واعجاب بالحلقة وخصوصاااااااا الشخصية الجميلة الجديدة "مخيمر" بصفة الشاب المسلم الواعي لدينه
وشكرااااااااااتعليق
-
تعليق
-
السلام عليكم و رحمة الله و بركاته
أضحك الله سنك أستاذنا الفاضل أبا تسنيم
أشهد الله أني أحبك في الله
إلي الأمام دائما
متابع بإذن الله
.gif "(270)")
تعليق
-
تعليق
-
هريدي
الله اكبر عليك يا ولد
الحديت دهه بيتحدته ولدي مخيمر
ولد ستوته والله مش خساره فيك العلام يا بوي
معها حق امايتك لما قلتلي علم الولد
احسن ما يكون خايب كيفك اكده
وكيف بوك عوضين
كمل يا ولد اتحدت
مخيمر
عشان أكده اتهموا اليهود مريم عليها السلام بالزنا
{فَأَتَتْ بِهِ قَوْمَهَا تَحْمِلُهُ قَالُوا يَا مَرْيَمُ لَقَدْ جِئْتِ شَيْئاً فَرِيّاً(27)
يَا أُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيّاً(28)
} سورة مريم 27: 28
والنصارى قالوا ابن الله
{.... وَقَالَتْ النَّصَارَى الْمَسِيحُ ابْنُ اللّهِ ..}
[التوبة : 30]
والمسلمين قالوا عبد الله ورسوله
كيف ما قال المسيح عليه السلام عن نفسه
{ قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيّاً }
[مريم : 30]
دهه اللي قالوه عن المسيح
فكان لزمن ولابد ان يحسم الله الخلاف يا بوي
فاعلن جل جلاله بانه "كلمة منه " أي بأمره "كن"
الاب اسحق
لكن الخلاف اللي بتقول عليه ده حصل بعد
ولادة المسيح له المجد لكن إعلان الله بانه
"كلمة منه " كان قبل ولادته
مخيمر
حديتك صح يا بلدينا
لكن الله يعلم مايكون قبل ما يكون بعلمه الأزلي
فوضع الإعلان قبل ما يقع الخلاف لانه وقع في علمه
عشان اكده قال جل شانه على المسيح عليه السلام
"كلمة منه "
ولم يقل على ابونا آدم عليه السلام اكده
عشان مافيش خلاف على خلق ابونا ادم
مع انو خلق عيسى عليه السلام
كيف خلق ابونا ادم عليه السلام
ودهه اللي قالوا القران الكريم
"إِنَّ مَثَلَ عِيسَى عِندَ اللّهِ كَمَثَلِ آدَمَ خَلَقَهُ مِن
تُرَابٍ ثِمَّ قَالَ لَهُ كُن فَيَكُونُ"
[آل عمران : 59]
مريم
اباااااااااااااااي
ازاي يعني المسيح له المجد كيف بوي ادم
وبعدين مين قال ان جسد المسيح مخلوق من تراب
كيف بوي ادم دى ماحصلش واصل
مخيمر
به !!!!!!!!!!!!
المسيح عليه السلام كيف بوي ادم
مش في طريقة الخلق لع
هو كيفه في امر الله
"كن" فعبارة "خلقه من تراب "
دي عيده على بوي ادم
ليه العجب من خلق المسيح عليه السلام بدون اب
وقبل سابق خلق ادم من غير اب وام يا بوي
اللي قادر يخلق من غير اب وام يخلق
بدون اب واده اسهل يا بوي
مش اكده برضك
هريدي
ده الحديت اللي يدخل النفوخ
مش تقولي
المسيح هو الكلمه اللي اتولد من الله
مخيمر
صُح يا بوي
(كلمة الله) ...عباره عن ايه ؟
عباره عن كلمتين اتنين
"كلمة " ولفظ الجلاله "الله "
ومن غير كتر حديت
فـ "الكلمة" وجميع كلام الله جل شانه هي صفة الله تعالى
وصفات الله جل جلاله مش شيء خارج عن ذاته واصل
ليه بقى ؟
عشان مافيش صفه بتقوم بنفسها
فلابد ولزمن من موصوف تقوم به
فامينفعش واصل نفصل بين الله جل جلاله وبين صفاته
ونقول على صفة "الكلام " ابن الله
ونقول عليه هو كائن حقيقى
له شخصيته الخاصه به وله إراده
بالله عليكم ينفع الحديت دهه ؟!!!!
هريدي
يسلم خشمك يا ولد هريديتعليق
-
مخيمر
يا خلق ربنا
ينفع نقول على حديت الله
له شخصيه خاصه غير شخصية ذات الله وروحه
مش اكده وبس لع وكمان
ليه أراده غير ارادة ذات الله وروحه ؟!!!!
الاب اسحق
نحن لا نقول على "كلمة الله " إنها إله
إلى جانب الله
ولا نفصل بين ذات الله ولا بين عقله
ولا بين روحه
مخيمر
ان صح حديتك تقدر تقولي ايه الفرق
بين الاب والابن والروح القدس
وايه عمل كل واحد منهم؟
الاب اسحق
دعني أبسط لك الفرق في العمل بين الاقانيم الثلاثة
باستخدام الانسان نفسه
حضرتك انسان واحد اليس كذلك؟
مخيمر
اكده يا بوي
الاب اسحق
هذا الانسان اللي هو انت هو ثلاثة
جسد وعقل وروح
يمكن ان نقول عن جسدك انه انت
وعن عقلك انه انت
وعن روحك انه انت
لا يمكن فصل الواحد عن الآخر ابداً
والا انتفى الكمال في كينونة الانسان
ومع ذلك يا ابني يا مخيمر
فإن مهمة العقل ليس هي مهمة الروح او الجسد
فالجسد له وظائف وكذلك العقل وكذلك الروح
هذا هو الامر نفسه بالنسبة للثالوث الإلهي
مع فرق هام جدا
هو ان التميز في العمل لا يعني العجز
عن تنفيذ العمل الذي يقوم به الأقنوم الآخر
ومن المهم جدا ان لا نفكر حين نتكلم عن الثالوث
بثلاثة آلهة بل بإله واحد القادر على كل شيء
يعني لو قلت ان الآب هو الخالق
فهذا لا يعني ان المسيح ليس الخالق
او الروح القدس ليس الخالق
وإلا كنت اقسّم اللاهوت
والعمل المتميز البارز هو في فداء المسيح
لنا بجسده ودمه اي بناسوته...
مخيمر
اللي عاوز اعرفه مليح هناك
فرق بين الاقانيم ولا لع ؟
الاب اسحق
الأقنوم هو كائن حقيقى
له شخصيته الخاصة به
وله إرادة وتميز
ومتساوي مع الأقنومين الآخر
ولكنه واحد فى الجوهر والطبيعة
مع الأقنومين الآخرين بغير إنفصال
الآب أقنوم متمايز عن أقنوم الابن
ولكن ليس التمايز فى الجوهر أو الوجود أو الكينونة
بل فى حالة الوجود أو حالة الكينونة
فالآب مثل الينبوع
والابن مثل التيار المولود منه بغير تقسيم
فإن كان الآب هو الإله الحقيقى
وحده بين جميع الآلهة
فإن الابن هو " اله حق من إله حق "
مثلما نقول فى قانون الإيمان
والآب والابن والروح القدس إله واحد فى الجوهر
وإن كانوا ثلاثة أقانيم متساوية فى المجد والكرامة
والقدرة الأزلية وكل الصفات الإلهيةتعليق
-
مريم
ولما نقول الله مثلث الأقانيم يا بوي
وانه واحد فى الجوهر
فدهه مش معناه واصل
أنه هو ثلاثة أو أنه واحد
ليه بقى ؟
لان العدد ملهوش علاقة واصل بالله
عشان العدد خاص المحسوسات
والله مش من المحسوسات يا بوي
مخيمر
يا قس اسحق الله يهديك
اعقل الحديت اللي انت بتحدته دهه
ازاي يعني اقول على عقلي
مخيمر وعلى روحي مخيمر
قلت ليك قبل سابق آني كلاتي
بجسدي بعقلي بروحي مخيمر
مينفعش اقول على عقلي وحده مخيمر
هو صُح عقل مخيمر لكن مش مخيمر كلاته يا بوي
هو جزء من كل
وبعدين كيف يعني تقول
كل اقنوم من اقانيم التالوت المقدس
له عمل خاص به مع استطاعة الباقين القيام
بنفس العمل وشخصيه خلاف الباقين
وكل اقنوم قائم بذاته
وله اسم يميزه عن الباقين
لع ومش اكده وبس وله اراده خلافة ارادة الباقين
وبعد اكده تقول دول مش تلته دول واحد ؟!
الاب اسحق
دول تلاته في واحد
مخيمر
طاب الكينونه دهي قاصرة على الاب وحده
والعقل دهه قاصر على الابن وحده
والروح دهى قاصرة الروح القدس وحده ؟
الاب اسحق
الكينونة أو الجوهر ليس قاصراً على الآب وحده
لأن الآب له كينونة حقيقية
وهو الأصل فى الكينونةبالنسبة للإبن والروح القدس
والإبن له كينونة حقيقية بالولادة الأزلية
والروح القدس له كينونة حقيقية بالإنبثاق الأزلى
ولكن ليس الواحد منهم منفصلاً فى كينونته
أو جوهره عن الآخرين
والعقل ليس قاصراً على الإبن وحده
لأن الآب له صفة العقل والإبن له صفة العقل
والروح القدس له صفة العقل
وخاصية الحياة فهى أيضاً ليست قاصرة
على الروح القدس وحده
لأن الآب له صفة الحياة
والإبن له صفة الحياة
والروح القدس له صفة الحياة
مخيمر
ابااااااااااااااااااااي
بعد الحديت دهه كلاته
تقول اله واحد
انتو بتضحكوا على روحكوا ولا علينا يا بوي
حديتك متناقض يا بوي
انت قلت الاقنوم يعني كائن
وبتقول بوجود تلات اقانيم
ودهه معناه ايه يا بوي ؟
هريدي
معناه ايه يا ولد
مخيمر
معناه وجود تلات كائنات
ازاي يعني نقول عليهم كائن واحد بعد أكده ؟!!!!!
كل كائن له كل صفات الوجود بمفرده
"ذات وعقل وروح "
لع وكمان أراده
الاب اسحق
بالتأكيد لما نتحدث عن الميلاد الثاني
والتجسد سوف تستوعب كل ماصعب فهمه
فإذا فهمنا سرّ التجسّد في العمق
فكل الباقي يصبح سهلاً
تعليق
-
هريدي
لما نشوف أخرتها معاك يا بوي
طاب يعني ايه التجسد اللي
انت بتقول عليه يا بوي؟
ميلاد
شوف يا هريدي يا ولد العم
تجسد يعني الله بقى إنسان
الله الكبير بقى صغير يا بوي
هريدي
حديت ايه دهه يا بوي
استغفر الله العظيم
كيف يعني الله الكبير
بقى صغير
حاشى لله يا بوي
الله كبير وحيفضل كبير
مخيمر
عاوز تقول الله تحول الي
إنسان مش اكده برضه
الاب اسحق
التجسد مش كده خالص
أنت وهو
هريدي
طاب قلنا انت
يعني ايه تجسد يا بوي ؟
مريم
اقلك آني يا ولد العم
الله اللي مش بنشوفه
واللي مش ممكن نشوفه
بقى بنشوفه
فهمت اكده ولا لع
الاب اسحق
كلامك صح يا مريم يا بنتي
الله غير المنظور قد صار منظورا
هريدي
كيف يعني حصل الحديت دهه
كيف الله اللي مش ممكن نشوف
بقى ممكن نشوفه يا بوي؟!!
وبالرحة اكده عشان افهم
الاب اسحق
بالتجسد يا هريدي يا ابني
فالكتاب يقول
"والكلمة صار جسداًتعليق
-
هريدي
يا مثبت العقل يا رب
وبعدهالك عاد
انا عاوز اعرف كيف حصل البتاع دهه
اللي بتقول عليه تجسد
مخيمر
بعد اذنك يا بوي
سبني اتحدت مع القس اسحق
القس اسحق بيقول
الكلمة صار جسدا
صُح ولا لع
الاب اسحق
صح يا ابني
الكلمة صار جسداً
مخيمر
تعرف يعني ايه معني صار يا بوي ؟
يعني تحول وتبدل
ومعنى اكده ان كتابك بيقول الكلمه
{اللي هي الله في اعتقادك }
تحولت وتبدلت الي جسد ده من جهه
ومن جهة تانيه كتابك بيقول
" لأَنِّي أَنَا الرَّبُّ لاَ أَتَغَيَّرُ فَأَنْتُمْ يَا
بَنِي يَعْقُوبَ لَمْ تَفْنُوا"
سفر ملاخي 3: 6
هريدي
اباااااااااااااااااي
وانت ايه اللي خبرك بالحديت
اللي موجود في كتابهم يا ولد ؟
مخيمر
انا خابر كل كلمه في كتابهم يابوي
قبل سابق وآني راكب القطر
قعمزت "جلست" حرمه في ريحي "بجواري"
والتحدت معايا عن المسيحية ومحبة الرب والفداء
وبعد اكده عطتني كتاب قلتلي دهه
الكتاب المقدس اقراه
والرب يسوع ينير عقلك
و يفتح قلبك للإيمان به
هريدي
وبعد أكده
مخيمر
قلت لها لع مش عاوز حاجه منك واصل
وفزي قومي من هنه وسبيني لحالي
قلتلي متخافش يا ولد انا عوزه مصلحتك
قلتها انا خابر مليح مصلحتى
وشخط فيها فغارت بعيد عني
وسبتلي الكتاب اللي بتقول عليه
الكتاب المقدس دهه
قلت في نفسي اقراه
وشوف بيتحدت في ايه
هريدي
وقريته يا ولد
مخيمر
قريته يا بوي قريته
ويارتني ما قريته يا بوي
به يا بوي حديت يوجع القلب
ويلبش الجته
تعليق
-
بسم الله الرحمن الرحيم
أخي و أستاذي الفاضل أبو تسنيم
أبدعت أيما إبداع و تفوقت على نفسك فيما كتبت و ناقشت و حللت عن طريق شخصياتك البديعة المتميزة بطرافتها، بساطتها ، عفويتها و صدقها ...
في الحقيقة ، ( صعب علي) هريدي و هو يحاول أن يخرج من المتاهات التي سيق إليها المسكين بفهمه البسيط و تلقائيته، يحاول أن يجد في فطرته ما يستطيع به أن يهتدي بين سيل الكلمات و المعاني المعقدة التي تطرح أمامه ، و الإشكالات العقدية التي لا يجد أصحابها لها حلولا .. فكيف يجدها هذا الفلاح البسيط !!
فللأسف لقد صنع النصارى سلسلة أحجيات وضعوها كأسس لعقيدة ، تذكرنا ببرنامج (من سيربح المليون) ..
متى حللت ( أو ظننت أنك حللت) منها شيئا انتقلت إلى شيء أعقد..
لا ينفع معه الاستعانة بصديق ( لأن حاله من حالك بلا شك) و لا حذف الخيارات !!
و ماذا يكون المكسب في النهاية ... للأسف إنه الخسران المبين !!
لأنك ستكون قد فقدت معنى وجودك و سر خلقك و عبادة ربك بحق و أنت تحاول أن تحل شيفرات معقدة ...لا يوجد لها حلول
فتكتفي بأن تقبل الحلول "المعلبة" " عديمة الطعم " التي توضع لك حين لا تعتقد في نفسك الوعي الكافي للإدراك أو حين يتملكك هذا الخوف الذي يزرع فيك منذ أو تولد أنك إن تمردت على هذه العقيدة .. فإنك في النار من الخالدين !!
و هذا للأسف حال أغلب النصارى هداهم الله
فهل تريد تظل حياتك سلسلة أحجيات تضيع وراءها ؟
أم تريد نورا يتملك روحك و قلبك و عقلك لا يخرج منها حين تعتقد في إلهك الحق الذي خلقك و سواك .. من لا شريك له في الملك و لا في القرار ... واحدا أحدا فردا صمدا ؟
فالحمد لله على عقيدة التوحيد و الحمد لله على نعمة الإسلام
توقفت أستاذي في لحظات حرجة من البرنامج ... أقصد من الموضوع ..
في انتظار باقي أجوبة الاحجيات
بوركتم و بورك مسعاكم و تبوأتم من الجنة مقعدا
و كل عام و أنتم و جميع المسلمين بألف خير
تعليق
تويت
| المواضيع | إحصائيات | آخر مشاركة | ||
|---|---|---|---|---|
|
ردود 0
6 مشاهدات
0 ردود الفعل
|
بواسطة *اسلامي عزي*
|
||
|
|
رد 1
13 مشاهدات
0 ردود الفعل
|
بواسطة *اسلامي عزي*
|
||
|
|
رد 1
12 مشاهدات
0 ردود الفعل
|
بواسطة *اسلامي عزي*
|
||
|
|
رد 1
13 مشاهدات
0 ردود الفعل
|
بواسطة *اسلامي عزي*
|
||
|
|
ردود 2
20 مشاهدات
0 ردود الفعل
|
بواسطة *اسلامي عزي*
|
تعليق