يوميات صعيدي...مع التنصير

**solema** · 5 سبت, 2010, 10:58 م

بسم الله الرحمن الرحيم

من أمتع وأقيم المواضيع بالمنتدى ..

تغيبت فترة عن المتابعة ولذلك أحتاج قراءة بضعة صفحات ولكن ذلك

لا يمنعنى من تسجيل إعجابى به ...

دمت متميزا أخى الفاضل (( أبو تسنيم )) .

**ابو تسنيم** · 22 سبت, 2010, 12:28 م

الاخت الفاضلة / سارة
الاخت الفاضلة / فاطمة
الاخت الفاضلة / solema
بارك الله فيكن جميعا وجزاكن خيرا
شرفني واسعدني مروركن الكريم

**_الساجد_** · 22 سبت, 2010, 12:32 م

حمد الله على السلامة ..
لا هنا ولا هناك قولنا الراجل راح فين بس

**ابو تسنيم** · 22 سبت, 2010, 01:34 م

الاب اسحق

يا ابني سلاخانة ايه ؟!!!!
المذبح هو التربيزه التي يوضع عليها القربان

هريدي

وايه دي كمان اللي بتقول عليه دهه ؟!!
قربان ايه يا بوي ؟
مريم

القربان يا ولد عمي

هو الخبز
اللي حيتحول الي جسد الرب

هريدي

طاب مين اللي حيحول الخبز دهه
الي جسد ربكم وكيف يا بوي
الاب اسحق

فبصلوات الكاهن المرتبة
والقداس الإلهي على القربان
يحل الروح القدس عليها فيتحول
ويتبدل جوهر الخبز إلي جسد المسيح
وجوهر الخمر إلي دمه

هريدي

كيف يعني يا بوي ؟
الاب اسحق

يا ابني هذا يطول شرحه
انا حقول لك بعض الاشياء باختصار
يقف الكاهن على باب الهيكل
وهو يقول "مجداً و إكراماً، إكراماً ومجداً
وهنا
يسجد الشعب كله إكراماً و توقيراً للحمل
هريدي

ابااااااااااااااااااااااي
كيف الحديت دهه يا بوي تسجوا لرغيف العيش
ايه الخبل اللي انتوا فيه دهه
مفيش حد عاقل حداكم يقول ليكم
اللي انتو بتعملوه دهه ميصحش واصل

**ابو تسنيم** · 22 سبت, 2010, 01:48 م

ميلاد

والعدره ماحد مخبول
وعقله طاير الا انت يا ابو مخ تخين
افهم الحديت مليح
رغيف العيش دهه بعد اكده
حيكون جسد الرب
هريدي

وامتى بقى حيكون رغيف العيش دهه
ربك يا واكله ؟
الاب اسحق

بعد كثير من الطقوس
يسجد الكاهن
ويصلى سرا صلاة استدعاء الروح القدس
وهو باسط يديه على المذبح

ويصرخ الشماس منذرا الشعب بالسجود
بخوف وخشوع امام الله
لأنها لحظة حلول الروح القدس
هريدي

الروح القدس دي مش بتقولوا
عليه هو الله صح ولا لع
ميلاد

صح يا ولد العم
اهه انت بقيت بتفهم اهه
هريدي

و الروح القدس حيجي
كيف ما يقول الكاهن يا بوي ؟
وحتشفوه بعنيكوا الجوز دول ؟
ميلاد

حيجي يا يولد العم حيجي
مدام ابونا الكاهن طلب منه اكده
لكن مش حنشوه واصل
الاب اسحق

بعد ما يصرخ الشماس منذرا الشعب بالسجود
بخوف وخشوع امام الله
لأنها لحظة حلول الروح القدس
يقوم الكاهن بسرعة راشما
القربانة 3 رشومات
ثم يسجد ويقوم ثانيا سريعا لرشم
الكأس 3 رشومات
طالبا من الله ان يجعل الخبز جسدا مقدسا له
والخمر دما كريما له

**ابن الرزاز الجزري** · 22 سبت, 2010, 02:14 م

شكرا أبو تسنيم

سلمت يمناك أبو تسنيم
من أروع ما قرأت
وأكثرها بساطة وقوة في نفس الوقت
جعلها الله لك في ميزان حسناتك
وهذا التصميم أقل ما أقدمه لك

وأرجو أن ينال إعجابك

**دقة** · 29 سبت, 2010, 02:20 ص

اود أن اسجل اعجابي بالقصة

اتعلمت منها كتير فعلا

**ابو تسنيم** · 2 أكت, 2010, 01:36 ص

المشاركة الأصلية بواسطة _الساجد_

حمد الله على السلامة ..
لا هنا ولا هناك قولنا الراجل راح فين بس

الله يسلمك اخي الحبيب / الساجد
بجد الموضوع نور
ربنا يبارك فيك ويحفظك

**ابو تسنيم** · 2 أكت, 2010, 01:41 ص

المشاركة الأصلية بواسطة sigma6

سلمت يمناك أبو تسنيم
من أروع ما قرأت
وأكثرها بساطة وقوة في نفس الوقت
جعلها الله لك في ميزان حسناتك
وهذا التصميم أقل ما أقدمه لك

وأرجو أن ينال إعجابك

سلمت من كل شر اخي الحبيب
بارك الله فيك وجزاك كل خير
هدية جميلة جدا اسعدتني بالفعل
شرفني مرورك الكريم وهديتك العطرة

**ابو تسنيم** · 2 أكت, 2010, 01:52 ص

المشاركة الأصلية بواسطة دقة

اود أن اسجل اعجابي بالقصة

اتعلمت منها كتير فعلا

اهلا وسهلا اخي الكريم
شرفنا بانضمامك الي كتيبة حراس العقيدة
فبارك الله فيك وجزاك خير

**ayatmenallah** · 2 أكت, 2010, 01:55 ص

بسم الله الرحمن الرحيم
السلام عليكم ورحمة الله وبركاته

الحبيب
ابو تسنيم

حمدا لله على السلامة
والله فرحت لما رايت اسمك

حفظك الله من كل سوء

**ابو تسنيم** · 2 أكت, 2010, 02:15 ص

هريدي

ايه الخبل اللي انتوا فيه دهه
تطلبوا من الله خالق الكون دهه
ان يجعل رغيف العيش جسد له
والخمر دم له
كيف الحديت دهه يا بوي
؟؟؟؟؟؟!!!!!!!!!!!!!!!
ميلاد

سد خشمك يا هريدي يا ولد العم
وما تتحدتش واصل
الا لما بوي اسحق يخلص حديته
الاب اسحق

باركك الرب يا ملاد يا ابني
المهم بعد ما يطالب الكاهن من الله

ان يجعل الخبز جسدا مقدسا له
والخمر دما كريما له
يسجد مرة ثالثه ويقول سرا
ربنا والهنا ومخلصنا يسوع المسيح
ثم
يقوم ويقول جهرا : يعطى عنا خلاصا وغفرانا
للخطايا وحياة أبديه لمن يتناول منه
فيقوم الشعب من السجود
هريدي

وبعد اكده ايه اللي حيحصل
مريم

يتحول الخبز الى جسد المسيح
والخمره الى دم المسيح يا ولد خوي
هريدي

يا مثبت العقل يا رب
الحديت دهه صحيح يا بنت خوي
ولا بتتمسخروا بيه ؟
مريم

وحتمسخر بيك ليه يا ولد العم
الخبز تحول لجسد الرب
والخمره الي دمه
والحديت دهه صُح صُح يا ولد العم
هريدي

لا ماخذه يا بنت خوي .
الحديت دهه مش داخل نفوخي واصل
انت شوفتي بعنيكي الجوز دول
رغيف العيش بيتحول الي جسد ربك ؟
ام الموضوع رمز كيف قول رحيب ابن خيتي ؟
مريم

لع يا بوي
انا ماشفتش بعنيا دول جسد الرب
لكن ايماننا يقول ان الخبز والخمر
بيتحولوا الى جسد ودم المسيح حقيقى
مش رمز واصل
هريدي

وبعدهالك عاد يا بنت خوي
كيف ما شفتيش جسد الرب بعنيكي دول
وتؤمني بتحول رغيف العيش
الي جسد ربك حقيقي؟

**ابو تسنيم** · 2 أكت, 2010, 02:26 ص

الاب اسحق

أن حضور المسيح في الليتورجيا حضور سري فالذين عايشوا
يسوع في القرن الأول ما كان باستطاعتهم أن يروا أنه بالحقيقة
ابن الله لولا مخاطرة الإيمان التي دعاهم هو إليها، وهكذا
نحن أيضا لا نقدر أن نلمس حضوره إلا بعين الإيمان،
فبالإيمان نخاطبه في الكتاب المقدس، ونراه مصلوبا
في الخبز والخمر، وبالإيمان، نأتي لنستقبل ملك
الكل في القداس الإلهي. نحن لم نتسائل قط حول
كيفية حضوره فنحن نعلم أنه موجود كلما
اجتمع اثنان أو ثلاثة لكسر الخبز
مريم

اقول ليكم حكايه حصلت صُح حكاهلنا ابونا في الكنيسه
انو كان في دكتوره لا تؤمن بأن ما تتناوله في القداس
هو جسد الرب ودمه
فعزمت كشف الحقيقه
فا ذهبت الي القداس ولما تناولت جسد الرب
لم تبلع الجسد
ووضعته في منديل
واخد ته للمعمل لتحليله عشان تكتشف الحقيقه
ولما حطت قطعة الخبز تحت البتاع
دهه اللي اسمه الميكروسكوب
هريدي

شافت ايه ان شاء الله ؟!!
مريم

تحولت القربانه الي جسد المسيح
فاندرعت {اتفزعت }
عشان مكنتش مؤمنه بالتحول دهه
عشان اكده عاقبها الرب
وحرمها من نعمة نور عنيها
هريدي

ياسلاااااااااااااااااااااااااااااااام
ميلاد

انا يا بوي بحس بطعم وريحة اللحم
وانا باكل جسد الرب مش خبز واصل
هريدي

يا ناس يا خلق الله
.سر ايه دهه وايمان ايه وطعم ايه ؟!!!ا
نتوا بتحدتوا عن الله
الله خالق الكون دهه
كيف يعنى تخبزه عيش باديكوا
وبعدين تقولوا تحول الي الله
ومش اكده وبس لع وكمان بتسجدوا ليه
ده حديت ناس عقله ؟!!!!!!!!
ايه الفرق بينكوا وبين اللي بيعمل تمثال
بايده ويقول عليه الرب ويسجد له؟
مريم

انا حفهمك الحديت
واخليه يدخل نفوخك
يا هريدي يا ولد العم
هريدي

تفهميني ايه يا بنت عمي ؟!!!
مريم

بابا يسوع قام من الموت
و لكن بعد القيامه فضل يظهر لتلاميذه
عشان يأكدليهم انه قام و يعزيهم
و لما قالهم انه جه الوقت عشان يصعد للسما
زعلوا قوي يا بوي
بس هو وعدهم انه حيفضل معاهم علطول
هريدي

كيف يعني حيفضل معاهم ؟
مريم

حيكون معاهم لما ياكلوا جسده ويشربوا دمه
و مهم قوي ان احنا نأكل جسد المسيح
و نشرب دمه فى سر التناول
عارف ليه ؟؟؟؟
هريدي

ليه بقى يا بنت العم ؟

**ابو تسنيم** · 2 أكت, 2010, 02:56 ص

مريم

عشان لما نأكل جسده و نشرب دمه
بيدخل المسيح يسكن جوانا
ووقتها بنبقا مبسوطين بيه يا بوي
و مش عايزين نعمل اى حاجه وحشه
عشان المسيح اللى جوانا ما يزعلش منا واصل
و لما ما نعملش حاجه وحشه
يبقى مبسوط مننا و يدينا حياة ابديه
هريدي

مش كنتي تقولي اكده من الصبح
والله فكره لوكنت خبرها قبل سابق
وقبل ما يطخوا بوي
كنت كلت لحمه وشربت من دمه
عشان يفضل معايه على طول وما يسبنيش واصل
بس الحديت دهه مينفعش واصل
عشان احنا بناكل لحم البهائم
ولو صح الحديت
يكون البقر والجاموس والخرفان والمعيز
ساكنه جواتنا
جرجس

وبعدهالك عاد يا هريدي يا ولد العم
بلاش تتمسخر بينا واتحدت مليح
العيب مش فينا العيب في مخك التخين دهه
هريدي

حقق عليا يا ولد خوي
انا مش قصدي اتمسخر بيكوا واصل
لكن اللي بتحدتوه دهه يطير العقل يا بوي
دانا لو رحت قلت للحرمه الحديت دهه
حتقول عليا مخبول وشارب حاجه ...
الاب اسحق

يا ابني هذا الأمر يتم بمعجزه إلهيه
لا يمكن للعقل البشرى أن يدركها
ولذلك فإنه يسمى : " سر التناول"
لأنه سر إلهى
لا يعلم كيفية حدوثه إلا الله وحده
ولأنه يظل مخفياً عن عيون البشر أجمعين
ولكن عدم إدراك الإنسان لهذا السر الإلهى لا يلغى حقيقة وجوده
مثلما أن عدم إدراك الإنسان لسر الفداء الإلهى
لا يلغى حقيقة الفداء الإلهى الذى صنعه على الصليب
وأيضاً مثلما أن عدم إيمان الملحدين بوجود الله
لا يلغى وجوده وبوجه عام ، فإن عدم إيمان الإنسان
لا يلغى الحقائق الإلهيه ، وبالتالى فإنه لا يلغى حقيقة
أن المناوله هى جسد ودم حقيقى للرب كما
قال الرب بنفسه (يو6: 55 )
هريدي

سر ايه وهباب ايه
انا مش قصدي أكده واصل يابوي
انا عارف ان ربنا قادر على كل حاجه
لكن ميلقش بيه جل جلاله واصل
نعمل الخبز بيداينا دول
ونقول عليه جسد الرب
الله ...الله عظيم عظيم يا بوي
طاب قولي كيف بتاكلوا الرب ؟
الاب اسحق

يأخذ الكاهن جوهرة صغيره من الجسد
بين أصابع يده اليمنى
ويضع تحتها راحة يده اليسري
حتي يضعها في فم المتناول بحرص

ويقول الآب الكاهن
جسد عمانوئيل الــــهنا هذا هو بالحقيقة امـــيــــن.
ويقول المتناول : امـيـــــــن.
ويضع المتناول لفافه نظيفه علي فمه اثناء
مضغة للجوهرة الثمينه التي قد حصل عليها
حتى لا يقع منها شيئا.
هريدي

وإيه يعني لما تقع منه ياخد غيرها يا بوي؟
ميلاد

ميصحش يا هريدي يا ولد العم الرب
يقع على الارض

**ابو تسنيم** · 2 أكت, 2010, 02:57 ص

هريدي

طاب بتعملوا ايه لو الواحد بعد ما أكل الرب
رجع كل الا في بطنه ؟
الاب اسحق

فى هذه الحالة
ينبغى ان يتم الترجيع فى كيس مثلا او قطعة قماش
ويتم بعد ذلك احراق كل هذا
مع ما تم استخدامه من مناديل لتجفيف الفم
وان كان انسان يشعر انه معرض لهذا الموقف
فيفضل عدم التناول فى هذا اليوم
هريدي

اباااااااااااااااااااااااااااااااااااي
تحرقوا الرب ؟
ميلاد

مش أحسن ما نرميه في الزباله
ويأكله القطط أو الكلاب يا ولد العم
هريدي

معاك حق يا ميلاد يا ولد خوي
طاب حتعملوا ايه لما الواحد يدخل دورة الميه
وينزل اللي كله
اهه انتوا كنتوا خيفين يقع جسد الرب
على الارض
لع دى ما وقعش على الارض
دى وقع في عين دورة الميه النجسه يا بوي
واصبح رحته وحشه ومنتنه
سر ايه يا بوي اللي انت جاي
تقول عليه خليك في الريحه
مريم

قلي يا بوي اسحق
ابونا يوم القداس يدوب اعطانى من الجسد حبه صغيره
غطست جوه خشمي
ويدوب الدم لمس شفايفى!!
هو اكده يبقى انا اتناولت المسيح كله ؟
الاب اسحق

كل ذرة من جسد الرب
مهما كانت ضئيلة الحجم
تمثل جسدا كاملا
وكل نقطة تمثل دم الرب كله
فلا يتوقف حجم ما نلناه من جواهر على
وضع الجسد والدم يمثل جسد الرب كله
وانت يمكنك من شمعة وحدة ان تضى الاف الشموع
وجميعها تكون متساوية فى كمية النار وكمية
الاضاءة هكذا ايضا جسد الرب ودمه
جرجس

هو ينفع بعد التناول من جسد الرب ودمه
اتفرج على التلفزيون واسمع الأغاني
يا بوي اسحق
الاب اسحق

هذا لا يليق اطلاقا
ينبغى ان نحافظ على البركه العظيمه والموهبه السماويه
التى نلناها بتناولنا من جسد الرب ودمه فلا ننصرف
الى احاديث عالمية جانبيه او الى اماكن اللهو والعبث
او الفرجه على التليفزيون وسماع الاغانى العالمية
بل يجب ان نستغل هذا اليوم كيوم روحى اتحدنا فيه
بجسد الرب ودمه ونصلى الى الرب كى ما يحفظنا اطهارا
وانقياء فى النفس والجسد والروح وان
يثبتنا فيه ويثبت هو فينا حسب وعده لنا فى ( يو 6 : 56

المواضيع	إحصائيات	آخر مشاركة
بتول حداد : شهيدة الإسلام بواسطة اسلامي عزي ابتدأ بواسطة اسلامي عزي, منذ 2 أسابيع	رد 1 11 مشاهدات 0 ردود الفعل	آخر مشاركة بواسطة اسلامي عزي منذ 2 أسابيع
يا سلام على المحبة المسيحيّة يا أو لاد ! بواسطة اسلامي عزي ابتدأ بواسطة اسلامي عزي, منذ 3 أسابيع	ردود 0 6 مشاهدات 0 ردود الفعل	آخر مشاركة بواسطة اسلامي عزي منذ 3 أسابيع
عن أي محبة يتحدثون ؟؟؟ بواسطة اسلامي عزي ابتدأ بواسطة اسلامي عزي, 3 ديس, 2024, 02:18 ص	رد 1 15 مشاهدات 0 ردود الفعل	آخر مشاركة بواسطة اسلامي عزي 3 ديس, 2024, 02:20 ص
المصلوب يقود السيارة و يتفوق على نظام تحديد المواقع ! بواسطة اسلامي عزي ابتدأ بواسطة اسلامي عزي, 3 ديس, 2024, 02:12 ص	رد 1 13 مشاهدات 0 ردود الفعل	آخر مشاركة بواسطة اسلامي عزي 3 ديس, 2024, 02:12 ص
التكفير في المسيحية بواسطة اسلامي عزي ابتدأ بواسطة اسلامي عزي, 3 ديس, 2024, 02:04 ص	رد 1 16 مشاهدات 0 ردود الفعل	آخر مشاركة بواسطة اسلامي عزي منذ 2 أسابيع

يوميات صعيدي...مع التنصير

عن الكاتب

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع ذات صلة