يوميات صعيدي...مع التنصير

**ابو تسنيم** · 10 ماي, 2010, 01:42 ص

خلف

اباااااااااااااااااااااي عليك
وعلى حديتك الماسخ دهه
الخمره مفيده للقلب ؟!
كيف الحديت ده عاد؟؟!!!
اللي خابره مليح
ان البحوث الحديثة اثبتت أن ما قيل
عن فائدة الخمر للقلب ، وتوسيعها للشرايين
ليس إلا خطأً كبير كبير قوي قوي يا بوي
الخمر مش بتوسع الشرايين التاجيه المغذيه
للقلب يا بوي ولا حاجه
هي بتوسع الأوعيه الدمويه الموجود تحت الجلد
وبتضيق الشرايين التاجية يا بوي ليه بقى ؟
هريدي

يا سلام على العلام يا ولاد
صح العلم نور
قلنا ليه يا ولد خوي
خلف

لان الخمره بتعمل على ترسيب الدهنيات والكوليسترول
في جوف الشرايين واكده تعمل على جلطات القلب
والد بحه الصدريه وبالذت مع التدخين وكمان للخمور
ليها تأثير على عضلة القلب نفسه يا بوي ..ليه بقى يا بلدينا ؟
عشان بتصيب العضله بالتسمم والاعتلال الوظيفي لقد
"جاء طارق بن سويد الجعفي ـ من أصحاب
النبي صَلَّى اللَّهُ عَلَيْهِ وَسَلَّمَ ـ
يسأله عن الخمر فنهاه
فقال : أصنعها للدواء
فقال : إنه ليس بدواء ، ولكنه داء
رواه مسلم ،
حديتي صح ولا لع يا بوي
مريم

صُح يا خلف يا ولد العم
لع وكمان بدمر العقل
والكل خابر مليح ايه اللي بيحصل لما الواحد بيسكر
بيكون مش بعقله
بيهج كيف البهيمه
مسمعتوش بالراجل اللي شرب الخمره
وبقى مش في وعيه فتهجم على امه وزنى بها
ولما فاق قتل نفسه
وواحد تاني تهجم على بنته بعد شربه الخمره
واللي سرق واللي قتل واللي انتحر بسسب الخمره
خلف

يسلم خشمك يا حرمه
مريم

وابااااااااااااااااااااااااي
على جرجس لما يسكر
بيهيج كيف البهيمه
ويطيح فيا ضرب وشتيمه
اقوله خاف الرب
يقولي مين ربنا دهه؟
اقله..الرب يسوع
يقلي المصلوب الملعون دهه
وراح ماسكه ورماه على ارض
هريدي

رمي مين يا بنيتي ؟؟؟؟؟؟!!!
مريم

الرب يسوع ..فكسره
جرجس

اباااااااااااااااااااااي عليك يا حرمه
مانا نزلت البندر وجبتلك واحد غيره
خالص بقى سد خشمك
الاب اسحق

ياابني يا بنتي بقول
قليل من الخمر لا يضر ولا يسكر
وكما قلت الخمره في حد ذاتها ليس حرام
وانما السكر هو اللي حرام
ثم إن الإنسان يملك العقل ليعرف كيف
يسيطر على أفعاله ويتوقف عن الشرب
قبل أن يسكر
خلف

حديتك مش صُح واصل يا بوي
الحكايه بدايتها نصيحه من صديق بكأس
من الخمره يفتح الشهي للأكل او عشان ينسى همه
او كاس في فرح ومره في مره تتوثق
الروابط العضويه والنفسيه بالخمره
حتى تصبح جزءاً من حياة الإنسان
ولا يمكن يستغنى عنها واصل يا بوي
جسم الواحد بياخد عليها
وشويه شويه الجسم بيطلب جرعه اكبر
وباكده يصبح سكير لع عبد لسكره وخمرته
وانت عارف الكيف يا بوي
خراب كبير يا بوي للبيت وللمال والصحه
ربنا يكفينا شرها
مريم

الكتاب المقدس قال ايه يا بوي
ميلاد

قال ايه يا بنت خوي؟
مريم

قال
"العامل الشريب لا يستغني والذي
يحتقر اليسير يسقط شيئا فشيئا"
يشوع إبن سيراخ 19/ 1
وانا حقرا لك تفسير أبونا القس
أنطونيوس فكري للحديت ده
بيقول العامل الشريب
المدمن الخمر الكثير لا يستغنى
فهو سيفتقر، فكل أمواله تذهب للخمر
والذي يحتقر اليسير
الذي يستهين ويبدأ في أن يشرب قليلاً
فهو بهذا يخدع نفسه
يوماً فيوماً سيدمن ويشرب الكثير
ويسقط شيئاً فشيئاً

**Rainy** · 10 ماي, 2010, 09:18 م

صدق من سماهم الضالين
عقيدة غير متماسكة وانجيل محرف خط فيه كل من هب و دب
فضلوا وزادوا ضلالا و يريدون ان يضلوا غيرهم
جزاك الله خير الجزاء و نرجو المزيد

**ابو تسنيم** · 16 ماي, 2010, 11:14 م

الاب اسحق

وبرضه بيقول في نفس السفر الخمر حياة الانسان
"الخمر حياة للإنسان إذا اقتصدت في شربها. 33
أي عيش لمن ليس له خمر. 34 أي شيء يعدم
الحياة الموت. 35 الخمر من البدء خلقت للانبساط
لا للسكر. 36 الخمر ابتهاج القلب وسرور النفس
لمن شرب منها في وقتها ما كفى. 37 الشرب
بالرفق صحة للنفس والجسد. "
سفر يشوع بن سيراخ 31: 32
"الخمر والغناء يسران القلب لكن
حب الحكمة فوق كليهما
"سفر يشوع بن سيراخ 40: 20
هريدي

ايه الحديت دهه يا بوي مره يقول لا تحتقر
القليل من الخمر ومرة تانية يقول اشرب
القليل من الخمر
خلف

{أَفَلاَ يَتَدَبَّرُونَ الْقُرْآنَ وَلَوْ كَانَ مِنْ عِندِ
غَيْرِ اللّهِ لَوَجَدُواْ فِيهِ اخْتِلاَفاً كَثِيراً (82)}
سورة النساء
هريدي

صدق الله العظيم
خلف

العقل نعمه من نعم الله الجليله يا بوي
فهو الذي يميز به الواحد منا بين الهدى
والضلال. والخير والشر. والطيب والخبيث
.والعقل هو اساس التكليف وبه فضل الله
الإنسان على بقية أنواع الحيوان عشان
اكده حرصت الشريعه الإسلاميه على تحريم
كل ما يضر بالعقل. فحرمت الخمر
وكل مسكر. وجعلت له عقوبه في الدنيا
وعقوبه في الاخره
الاب اسحق

إذا صح أن الخمر فيها من المضار ما ذكرتم.
فكيف وصفها القرآن بأن فيها منافع للناس
.{قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ
وَإِثْمُهُمَا أَكْبَرُ مِنْ نَفْعِهِمَا(219)}
سورة البقرة
خلف

حديت مليح يا بوي ...مفيش حاجه
في الدنيا الا ولها نفع وضرر ..والقران
كلام الله وسبحانه وتعالى يعلم ان في
الخمره مضار وهي اللي قلنا عليها
وقد يكون هناك اضرار اخرى لا
نعلمها هو يعلمه ويعلم كمان ان فيها
منافع للناس لمن يتاجر فيها ويتكسب
منها فهذا واقع لا يمكن ان يتجاهله
القران الكريم ولما كانت الاضرار اكبر
من المنافع كان التحريم لإفسادها العقول
، وإضاعتها الأموال، وهدم الأبدان،
وإفقاد الإنسان كرامته، وتدهور
أخلاقه، فشارب الخمر مصيره للخَبَل
والجنون، والفقر والحاجة، والضعف والعلل
عشان اكده حرَّم الإسلام الخمر ليمنع
التباغض والتقاتل، فإن السكير يسب
ويلعن، ويؤذي ويضرب..كيف ما قالت
بنت خوي مريم .ويتعدى على عفاف
النساء فيزني ويفسق و ينهب ويسرق،
ويقتل النفس التي حرم الله، فتكون
الجرائم والمصائب، والنزاع والعداوه،
والتقاطع الممقوت
مريم

ادي الحديت ولا بلاش يا ولد العم يسلم
خشمك وعلامك
والكتاب المقدس يشهد باضار الخمره
فبنات لوط عشان يزنوا ابوهم شربوه خمره
"فَسَقَتَا أَبَاهُمَا خَمْرًا فِي تِلْكَ اللَّيْلَةِ،
وَدَخَلَتِ الْبِكْرُ وَاضْطَجَعَتْ مَعَ أَبِيهَا،
وَلَمْ يَعْلَمْ بِاضْطِجَاعِهَا وَلاَ بِقِيَامِهَا "
سفر التكوين 19: 33
ويقول كمان
"الخمر والنساء تجعلان العقلاء اهل ردة
"يشوع بن سيراخ 19: 2
وكمان" لا تكن ذا باس تجاه الخمر
فان الخمر اهلكت كثيرين
"سفر يشوع بن سيراخ 31: 30
جرجس

ابااااااااااااااااااااااي عليك يا حرمه
قلت مش حبطل الخمر يعني مش
حبطل الخمر ..واللي في وسعك اعمليه
مريم

وانا مقدرش اعيش مع واحد خمرجي سكير
اقبل ايدك يا بوي اسحق خلصنى منه

**ابو تسنيم** · 16 ماي, 2010, 11:38 م

الاب اسحق

كيف يعني يا بنتي ؟
مريم

طلقني منه
الاب اسحق

طلاق ايه هو انتي مش عرف انه مفيش طلاق
عندنا يا بنتى الا لسبب واحد فقط هو الزنا
مريم

حرام عليك يا بوي اسحق
الاب اسحق

حرام عليا ليه ؟
دى مش كلامي دكلام ربنا
"3 وَجَاءَ بَعْضُ الفِرِّيسِيِّينَ إلَى يَسُوعَ يُحَاوِلُونَ
امتِحَانَهُ، فَقَالُوا: هَلْ يَجُوزُ لِلرَّجُلِ أَنْ يُطَلِّقَ
زَوجَتَهُ لأَِيِّ سَبَبٍ؟. 4 فَأَجَابَ يَسُوعُ: أَلَمْ
تَقرَأُوا فِي الكِتَابِ أَنَّ اللهَ مُنذُ البِدَايَةِ
خَلَقَ النَّاسَ ذَكَرَاً وَأُنثَى؟. 5 ثُمَّ قَالَ: َترُكُ
الرَّجُلُ أَبَاهُ وَأُمَّهُ، وَيَتَّحِدُّ بِزَوجَتِهِ، فَيَصِيرَ
الاثنَانِ وَاحِدَاً. 6 وَبِهَذَا لاَ يَكُونَانِ فِيمَا بَعْدُ
اثْنَينَ، بَلْ وَاحِدَاً. فَلا يَنبَغِي أَنْ يَفصِلَ أَحَدٌ
بَينَ مَنْ جَمَعَهُمَا اللهُ."
متى 19: 3/ 6
خلف

هو الرب قالكم زوجوا مريم لجرجس ؟!
ولا هما الاتنين اختاروا بعض يا بوي بكيفهم ؟
الاب اسحق

الاثنين اختاروا بعض
لكن الرب بارك زواجهما ،
فلا يصح التفرقة بينهما
لان الرب جمع بينهماواصبحا
جسدا واحدا
خلف

نحسبها بالعقل اكده
هما اختاروا بعض بكيفهم صح ولا لع
وبعدين رحوا الكنيسه ليتموا مراسم الزواج
وبعد اكده اكتشفوا انوا يستحيل ان يعيشوا
مع بعض لاي سبب كان
والعيشه مش بالعافيه يا بوي
وزي مهما اختاروا بعض بكيفهم
من حقهم يختاروا ان ينفصلوا
عن بعض كمان بكيفهم صح ولا لع
وكما اراد الله لهم الزواج والارتباط
قدر لهم الانفصال كله بارادة الله يا بوي
الاب اسحق

انت حتفهم في ديننا اكتر مننا .
قلنا لا طلاق الا لعلة الزنا ..
مريم

ابااااااااااااااااااااي
دى ظلم يا بوي وربنا ميردهوش اكده واصل
انا مقدرش اعيش معه تحت سقف واحد تاني يا بوي
اقبل ايدك اعمل معروف خلصني منه
عوزنى اروح ازنى عشان تطلقوني منه ولا ايه ؟!!
وبعدين انا لو عملت اكده اهلي حيسبوني ولا ايه ؟
ميلاد

حيطخوكي على طول ويقطعوكي حتت

**إسلامي نور حياتي** · 17 ماي, 2010, 12:17 ص

المشاركة الأصلية بواسطة (((ساره)))

جزاك الله كل خير أختي الحبيبة "إسلامي نور حياتي" هذا الفكر والفهم من بعض ما عندكم .. وجعلكِ الله عز وجل سباقة للخير دائمًا ..

والحق يقال أن موضوعات أستاذنا الفاضل "أبو تسنيم" .. لها أسلوب حيوي فعال يحرك الذهن بشدة .. من حيث الحبكة ووسائل جذب الإنتباه وتحريك الخيال وإستعداد الحواس للعمل .. فيدخل القارئ في عالم أبطال الموضوع وكأنه شاهد على الأحداث يراهم بعينيه ويسمع كلامهم ... جعل الله عز وجل وعلا هذه الأعمال الطيبة في ميزان حسنات أستاذنا "أبو تسنيم" .. خالصة لوجه الله تعالى اللهم آمين ..

اللهم آمين يا رب العالمين

أختي الحبيبة ((سارة))

جزاك رب العباد تعالى الفردوس الاعلى و رفقة حبيبه و سيد خلقه على ردك الطيب
و صدقت و الله ...
فمواضيع أخينا الكريم أبو تسنيم من الروعة بمكان ..
لا يسع المرء المتابع لها إلا أن يعجب بها و بتميزها خَلقا.. فكرا .. مضمونا و أسلوبا
فكلها مما أبدع فيه أخونا

و الحمد لله أن الله تعالى هداني إلى معين الخير كله ..
منتدى الحراس ..
حتى أشهد فيه على إبداعات أساتذتي و أقلامهم الفذة .. فأتعلم منهم و أسير على خطاهم ..علِّي أصل و لو محطة من تلك التي خلفوها وراءهم ..
حفظكم الله جميعا أساتذة و أعضاء بما حفظ به كتابه و نبيه .. و جعلنا لكم و أذهاننا التي تنيرون مما تعلو به درجاتكم في دار الفناء قبل دار البقاء

أحبك في الله غاليتي

دام قلمك سيفك الحق

**إسلامي نور حياتي** · 17 ماي, 2010, 12:48 ص

بسم الله الرحمان الرحيم

أخي الفاضل أبو تسنيم

إضافاتكم للموضوع جميلة جدا ..
و كل مرة تضعون شخصيات جديدة تزيد من بهاء الحوار و إمكانياته ..

فهاهي شخصية جديدة تنضاف إلى البقية ..
خلف ..
الصعيدي المسلم المثقف الذي يتصدى بمعطيات علمية لما قد يدعيه النصارى من صلاح في المعتقد و يضرب بادعاءاتهم عرض الحائط ..
لأن ذلك مصير كل معتقد واهن كما خيوط بيت العنكبوت ..

لكني لاحظت تراجعا لحضور هريدي و قفشاته الجميلة كشخصية مركزية في الحوار ..
نتمنى عودته بقوة في باقي الحوار .. فكلنا شوق إليه
هذا تعبير عما رأيته و أتمناه ... و طبعا لكم كل الخيار أخي الكريم ..
فأنتم المبدعون .. و نحن المتابعون

حفظم رب العباد بما حفظ به كتابه

دام قلمكم لنا ممتِّعا و لأذهاننا مفتِّحا

**عمورة** · 19 ماي, 2010, 06:09 ص

السلام عليكم ورحمة الله وبركاته

اخى الكريم ابو تسنيم

بارك الله فيك ورزقك الجنة

بصراحة كل مرة تكون اروع

انا لو تابعت قصصك بس هابطل الكارتون

واخيرا اسف على الدخول القليل لكثرة المشاغل

**المدافع عن الاسلام** · 19 ماي, 2010, 08:03 ص

السلام عليكم ورحمة الله وبركاته
جزاكم الله خيرا استاذنا الحبيب ابو تسنيم
رائع كالعاده

متابعين مع حضرتك

**ابو تسنيم** · 24 ماي, 2010, 11:48 م

وعليكم السلام ورحمة الله وبركاته
بارك الله فيكم جميعا
وجزاكم خيرا
اسعدنى مروركم الكريم ومتابعتك الغالية
نكمل باذن الله بعد توقف لضيق الوقت

**ابو تسنيم** · 25 ماي, 2010, 12:01 ص

[frame="13 98"]

هريدي

حديت ايه دهه يا بوي ؟!!
كيف يعني ما فيش طلاق عندكم يا بوي ؟!!
طاب لو الحرمه طلعت وحشه يا بوي
وبطول لسانه على رجالها
ولا الحديت ولا الضرب مش نافع معها
ولا أي حاجة واصل .
حرمه زي دي متقعدش على زمة رجالها واصل
وبعدين تقول لي مافيش طلاق واصل
يبقي اقتلها احسن واخلص منها
ميلاد

وبعدهالك عاد يا هريدي يا ولد العم
متغير السيره دي وخلى الطابق مستور
هريدي

اباااااااااااااااااااااااااي عليك
وانا عملتلك ايه عاد ؟
ميلاد

انت جيت على الجرح يا بوي
هريدي

جرح ايه هو انا جيت حداك واصل
ميلاد

مش انت بتقول لو الحرمه لسانها طويل
الواحد يعمل معها ايه ؟
صح يا بوي انا مش عارف اعمل معها ايه
دي مش لسانه طويل وبس دى وايدها كمان يا بوي
اول مدخل الدوار تقول لي جيت يا فقر
جيت يا وش القرد
اقول ليها عيب يا حرمه دانا راجلك وابو عيالك
تقول لي هو فين الرجال دهه
اقول ليها حضريلي لقمه اكلها
تقول لي مفيش سم هاري
اتحايل عليها يا بوي
تقوللي لع يعني لع
اقول ليها حضربك يا بنت البرطوش
وعينك متشوف الا النور يا ولدي العم
القي البرطوشه نزلت على راسي
هريدي

اباااااااااااااااااااي
حرمتك بتضربك بالبرطوش ؟!!!
فين الرجوله؟!
فين النخوه ؟!!!
وانت عملتلها ايه يا واكل ربك ؟
ميلاد

قلتلها اختشي عيب يا حرمه والا اطلقك
رحت قلتلي طلاق !!!
طلاق ايه يا فقر
هو الضرب خلبط نفوخك ولا ايه
رحت واخد ديلي في خشمي
وغرت من وشهه الفقري دهه
ومن يوميها ماخشش الدوار الا لما تتخمد وتنام
هريدي

اباااااااااااااااااااااااي عليك
انت رجال انته حرمه تعمل فيك اكده؟!
ميلاد

وانا حعملها ايه عاد ؟!!!
الحاجه الوحيده اللي اقدر اعملها هو الطلاق
وده كمان مملكهوش يا بوي
رحت شكيت لابونا
رح قلها كلمتين نصح
وبرضك لسانها وايدها لسه طوال يا ولد العم

[/frame]

**إسلامي نور حياتي** · 26 ماي, 2010, 01:20 ص

بسم الله الرحمان الرحيم

أخي الفاضل أبو تسنيم

عودة قوية و متميزة لشخصية هريدي التي اشتقنا إلى روحها تضيف لمستها البديعة على الحوار ..

فأسلوبها الساذج البسيط و أسئلتها الملئى طرفة و فكاهة تصل عمق المعتقد النصراني و تفضح الضعف الذي ملاه ..
فببساطة الفلاح و فكره البعيد عن صقل الدراسة و العلم استطاع أن يثبت ان القوانين التي وضعها كاتبو العقيدة المسيحية و طلاسمها ..
هي أبعد ما تكون عن الفطرة الانسانية و احيتاجاتها و ظروفها المجتمعية و النفسية ..

فكيف يقبل العقل و الفطرة أن يحافظ المرء على زواج انعدمت فيه أبسط شروط السكن و التساكن !!

كيف يمنع المرء نفسه من حقه في بعض الطمأنينة و الراحة ..و هي أبسط شروط العيش .. حين تكون مؤسسة الزواج بعيدة كل البعد عن تحقيق هذه الشروط الاساسية ..!!

فالحمد لله الذي جعل لنا الطلاق (و إن جعله أبغض الحلال و مقرونا بشروط وجب استيفاؤها قبل الاتيان به ) حلا شرعيا حين تضيع الكرامة بين الزوجين و تنعدم وسائل العيش و التعايش

أشكر لكم استاذي التطرق لهذه النقطة المهمة بأسلوبكم المتميز ..
و مرة أخرى ..اسمحوا لي بأن أرحب بعودة هريدي إلينا بعد غياب ..

دام قلمكم مداده تميزا و كلامه سحرا و أسلوبه قوة و بيانا

**أحمد الله** · 28 ماي, 2010, 10:04 م

رااااااااااااااااااائع
بارك الله فيك وجعله في ميزان حسناتك أكتر من رائع
فعلا شيقة و جميلة و بتتطرق لقضايا رائعة و كوميدية كمان متكاملة بجد سلمت يداك

**رشا بنت الإسلام** · 30 ماي, 2010, 06:59 م

جزاك الله خيرا

**ابو تسنيم** · 5 يون, 2010, 04:21 م

السلام عليكم ورحمة الله وبركاته

[frame="1 98"]

اختي الفاضلة / فاطمة
بارك اله فيك وجزاك كل خير
كل ما اريد ان اقوله للقارئ من خلال الحوار تقومين بتوضيحه بصورة رائعة
فحفظك الله اختنا

[/frame]
[frame="1 98"]

اخي الفاضل / احمد
بارك الله فيك وجزاك خير شرفني مرورك الكريم

[/frame]
[frame="1 98"]

اختنا الفاضلة / رشا بنت الاسلام
اهلا وسهلا بك بمنتدى حراس العقيدة
سعدنا بانضمامك الي اسرته الكريمة
وبارك الله فيك وجزاك خير

[/frame]

**ابو تسنيم** · 5 يون, 2010, 04:32 م

هريدي

حدانا الحرمه تقدرش ترفع
عنيها في رجلها واصل يا ولد خوي
برضك الوحده مهما كانت بتخاف من الطلاق
الوحده ملهاش غير بيتها ورجلها برضك
رحيب

السلام عليكم
هريدي

وعليكم السلام ورحمة الله وبركاته
مين رحيب ابن اختى ؟!!
سلامات ..قرب يا ولد
رحيب

خبر ايه يا خال هريدي؟
في ايه عاد متكدر ليه بس؟!!
هريدي

مريم عوزه تطلق من جرجس
والقس اسحق بيقول لع مفيش طلاق حدانا واصل
الاب اسحق

يا ابني يا هريدي .
الجسد الواحد يمكن فصله عن بعضه؟
هريدي

لع يا بوي
ميلاد

اهه كده الراجل وحرمته جسد واحد
يا هريدي يا ولد العم
هريدي

طاب خلي واحد غيرك يتحدت الحديت دهه
كيف يعني جسد واحد ؟!!!
وهي بطول عليك ايدها ولسانها
وانت سيبلها الدوار على طول
وبعدين انا لو دراعي وجعني اقطعه
وارتاح منه يا بوي
قلي يا يقس اسحق لو الهدمه اللي عليك دهه
وسخت وتقطعت تعملها ايه؟
الاب اسحق

طبعا اخلعها

المواضيع	إحصائيات	آخر مشاركة
أرواح مسلوبة و إبادة جماعية بإسم معبود الكنيسة بواسطة اسلامي عزي ابتدأ بواسطة اسلامي عزي, منذ 3 أسابيع	ردود 7 22 مشاهدات 0 معجبون	آخر مشاركة بواسطة اسلامي عزي منذ 3 أسابيع
كشف خداع كهنة المعبد في موضوع الزواج المسيحي المختلط بواسطة اسلامي عزي ابتدأ بواسطة اسلامي عزي, 19 يول, 2024, 02:38 ص	ردود 7 33 مشاهدات 0 معجبون	آخر مشاركة بواسطة اسلامي عزي 19 يول, 2024, 03:44 ص
خوف "أمة" نائب المشرف العام بمنتدى ال**** العربية من كشف المستور بواسطة اسلامي عزي ابتدأ بواسطة اسلامي عزي, 19 يول, 2024, 02:11 ص	ردود 4 18 مشاهدات 0 معجبون	آخر مشاركة بواسطة اسلامي عزي 19 يول, 2024, 02:16 ص
صلب المنصر هولي بايبل على أيدي خرفان ال ***** العربية ! بواسطة اسلامي عزي ابتدأ بواسطة اسلامي عزي, 17 يول, 2024, 03:37 م	ردود 5 40 مشاهدات 0 معجبون	آخر مشاركة بواسطة اسلامي عزي 19 يول, 2024, 01:55 ص
سؤال لنصراني جعل السّحر ينقلب على السّاحر ! بواسطة اسلامي عزي ابتدأ بواسطة اسلامي عزي, 3 يول, 2024, 10:36 م	ردود 5 41 مشاهدات 0 معجبون	آخر مشاركة بواسطة اسلامي عزي 3 يول, 2024, 10:44 م

يوميات صعيدي...مع التنصير

عن الكاتب

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع ذات صلة