مواصفات المرأة الجميلة في عقل الرجل

**يوسف المصري** · 9 نوف, 2009, 04:44 م

مناغشة بسيطة لحبيبي يوسف المصري
ياعم الحج خلي طموحك أعلى من كدة يكتيييييييير ....... وإعمل تعديل بسيط وخليها (تكون زوجتي) مش خطيبتي ...الإستقرار حلو برده

مشكلة إنت يا يوسف ...طلعت عاطفي

...اللي إداك يدينا ياسيدي .....ماشاء الله لاقوة إلا بالله مش بنحسد أهو

من بوئك لباب السما

بس ادعيلنا انت

كلنا هذا الرجل

عندما نكون مراقبين

مش عارف ليه حسيت ان الجملة دي فيها شيء من الصدق

**ayatmenallah** · 9 نوف, 2009, 05:14 م

المشاركة الأصلية بواسطة الشرقاوى

بصراحة لم أجد سوى بيتي الشعر تلك للرد على كلامك:

وسترجع يوماً يا ولدي مهزوماً مكسور الوجدان

وستعرف بعد رحيل العمر بأنك كنت تطارد خيط دخان

فحبيبة قلبك يا ولدي ليس لها أرض أو وطن أو عنوان

من قال لك هذا .....؟؟؟؟؟

فحبيبة قلبى يا ولدي لها أرض ووطن وعنوان
وهى سراج دربى ونور عينى و قمر بيتى الان
ولها من اجمل سنوات العشرة الجميلة ثمان
رايت منها من حسن صحبة وصبر وجلد وحنان
عشنا سويا حياة كريمة من فضل الكريم المنان
يعين بعضنا بعضا فى حياة كان دستورها القران
وقد رزقنى الله من الولد منها ما تقر به العينان
وارجو من الله ان يجمعنا زوجين معا فى الجنان
فى جنة نعيم بها من المسك واللؤلؤ و الزعفران
فهوولى ذلك فهو الله المجيب وهوالرحيم الرحمن
وما هو بنفاق لها ولكـن جـزاء الاحسان احسان

**زيدان1169** · 9 نوف, 2009, 09:14 م

فأظفر بذات الدين

أجمل وأعظم إمرأة هي التي تأخذ بيد زوجها الى الجنة بمعنى أنها تذكر زوجها بما يقربه الى الله وتنهاه وتدعوه للبعد عن ما يغضب الله فأظفر بذات الدين والخلق أولاً حتى تأخذ بيدك الى جنة الخلد بإذنه .

**نور الهداية** · 9 نوف, 2009, 10:29 م

الواقع يقول أن الرجل يفضل المرأة المتغابية

تحقيق نشرته جريده الاخبار المصرية تحت عنوان "يا بختك مراتك غبية"

تناول هذا التحقيق مدي تقبل الرجل الشرقي لإقترانه بإمرأه ذكية. أكثر من نصف الرجال ممن أخذ رأيهم في التحقيق فضلوا الاقتران بإمرأه غير ذكية أو تكون متوسطة الذكاء لأسباب واهية، منها علي سبيل المثال أنها لن تستطيع كشف الاعيب الرجل إذا فكر أن "يلعب بذيله" وكذلك لن تسأله عن كل شيء وتناقشة وقد "تغلبه في الكلام"

اما الأقلية الأخري من الرجال ممن أخذ رأيهم في مدي تفضيلهم الإقتران بإمرأه ذكية وفضلوا بالفعل الإقتران بإمرأه ذكية فكانت حججهم كالتالي أن الذكاء صفة من الجميل ان يتحلي بها المرء وفي حاله ما كانت المرأه تتحلي بالذكاء الكافي سيعود ذلك بالفائدة علي الاسرة بشكل عام وبالتالي علي الزوج بشكل خاص، لأنها ستجنب الاسرة والزوج الكثير من المشكلات بحسن تصرفها وتدبيرها الجيد لشئون الأسره ورعاية الاسرة ورعاية الزوج بالشكل الآئق الذي يرضي الله ويرضي الزوج.

ولكن علي الرغم من تقبل تلك الاقليه لوجود المرأه الذكية في حياتهم إلا أنهم –كرجال- يفضلون أن لاتعلن المرأه الذكية عن ذكاؤها صراحه بل عليها ان تتغابي احيانا كثيره وتبدو أقل ذكاء حتي لا يشعر زوجها بالغيرة!!!!!

**عمر المختار** · 10 نوف, 2009, 02:26 ص

أنا مش عارف الواحد هايعرف ازاى مواصفات المرأة كل واحد فى فترة الخطوبة بيحاول يظهر نفسه فى أفضل حال اذا كان راجل أو ست يبقى الواحد هايعرف منين على العموم أنا عن نفسى أشوف ان المرأة اللى دمها خفيف وتقعد تهزر علطول وروحها حلوة وفيها شىء من الجمال مش شرط تكون جميلة كلية هى الأنسب

**ام حفص** · 10 نوف, 2009, 03:05 ص

السلام عليكم ورحمة الله وبركاته بجد موضوع رائع لكن الاخوات ليه مش بيقولوا هما كمان رايهم والحاجة اللى بتجذب المراة للرجل عموما انا بس عوزاه يكون متدين وبيحبنى وبيخاف عليا اما المستوى المادى فخذوهم فقراء يغنيكم الله وحاجة تانية كمان لازم يكون عنده همة عالية جدا جدا فى كل شىء الدعوة وطلب العلم وطلب الجنة

**عمر المختار** · 10 نوف, 2009, 03:34 ص

أختلف معاك يا ابن العم بل وبقوة المرأة مش بتبقى عايزة بنك بالعكس بتبقى عايزة تحس ان حد خايف عليها وتحس بالأمان معاه بس بصراحة فيه بعض الحالات بتبقى عايزة بنك بس مش كله الغالبية العظمى زى ماقلت يمكن تشوفها نظرة وردية وخيالية للأمر بس أنا أصلا شاعر لازم أكون كدة

**الشرقاوى** · 10 نوف, 2009, 03:54 ص

السلام عليكم ورحمة الله وبركاته

هذه مشاركة قويه جدا لى تعليقات عليها

المشاركة الأصلية بواسطة عمر الخيام

أختلف معاك يا ابن العم بل وبقوة

ليه بس؟ ماصدقنا نتفق

المشاركة الأصلية بواسطة عمر الخيام

المرأة مش بتبقى عايزة بنك

معاك حق

هى عايزه بنك مركزي .... بنك واحد مش كفايه

.... بس ممنوع تعدد البنوك مانت عارف

المشاركة الأصلية بواسطة عمر الخيام

بالعكس بتبقى عايزة تحس ان حد خايف عليها وتحس بالأمان معاه

طبعا والامان عند المراة يعنى:

المااااااااااااااااااااااااااال

وأحيانا الذهب

المشاركة الأصلية بواسطة عمر الخيام

بس بصراحة فيه بعض الحالات بتبقى عايزة بنك بس مش كله الغالبية العظمى

نقول اللى عاوزات بنك:

99.9999999999999999999% مثلا؟

ولا نزود شوية تسعات كمان؟

المشاركة الأصلية بواسطة عمر الخيام

يمكن تشوفها نظرة وردية وخيالية للأمر بس أنا أصلا شاعر لازم أكون كدة

عشاااااااااااااااااااااااااااااان كده

ماشي

إذا كان كده نبقى متفقين

**عمر المختار** · 10 نوف, 2009, 04:30 ص

المشاركة الأصلية بواسطة الشرقاوى

السلام عليكم ورحمة الله وبركاته

هذه مشاركة قويه جدا لى تعليقات عليها

ليه بس؟ ماصدقنا نتفق

معاك حق

هى عايزه بنك مركزي .... بنك واحد مش كفايه

.... بس ممنوع تعدد البنوك مانت عارف

طبعا والامان عند المراة يعنى:

المااااااااااااااااااااااااااال

وأحيانا الذهب

نقول:

99.9999999999999999999% مثلا ولا نزود شوية تسعات كمان

عشاااااااااااااااااااااااااااااان كده

ماشي

إذا كان كده نبقى متفقين

ههههههههههههه

لابقى الواحد يتخلى عن طبيعته كشاعر ونتكلم من الواقع بصراحة عندك حق

بالمناسبة انت مناقش ممتاز شكلنا هانبقى أصدقاء بس

أنا مناقش ممتاز فى السياسة وكتير هربوا من مناظراتى على الانترنت فى السياسة بس

حاسس انك لو ناقشتنى فى السياسة برضه أنا هاتغلب

أيوة انت ذكائك متقد ولماح وكمان دمك خفيف

**al jehad** · 10 نوف, 2009, 04:35 ص

السلام عليكم ورحمة الله وبركاته

موضوع رائع والتعليقات جميلة ومرحة

بس الصفات دى بالفعل ممكن تتواجد فى فتيات كثيرات لكن هل هناك رجل يستحق كل هذه الصفات ؟؟؟؟

بالنسبة لنقطة استقلال المراة ممكن تكون استقلالية فى التفكير والتصرف بمعنى اذا وضعت فى موقف ما يمكنها التصرف فيه بحكمة وبصورة مرضية
وتكون استقلالية الذمة المالية يعنى مش هى اللى تصرف على البيت علشان القوامة وان كنت ارى انه لا مانع من مساعدة الزوج ولكن لا تكون فرضا ولا جبرا

وجمال المراة بالطبع هام فلابد لها ان تسر زوجها اذا نظر اليها وكذلك الرجل لابد ان يسر زوجته ولكن الجمال نسبى
وجمال عقل المراة وحسن تصرفها وخفة روحا ودمها وطيب اخلاقها صفات لابد ان تكون مضافة لصفة الجمال الشكلى
ولا ننسى وصية الرسول صلى الله عليه وسلم فاظفر بذات الدين

وانا شخصيا كفتاة اجد ان المشكلة اصبحت هل يوجد رجل يكون اهل لزوجة بهذه المواصفات ؟؟
وما الذى يحاول الرجل عمله للارتقاء بشخصيته ونفسه ليصل لاعلى درجات رقى النفس والشخصية والالتزام الداخلى والظاهرى؟؟؟

واخيرا اقول لنفسى دوما ان اردت عليا فلابد ان اكون فاطمة
واقولها لكل رجل ان اردت فاطمة فكن على

رزقنا الله وبنات المسلمين بازواج صالحين يكونوا قرة اعين لنا
ورزق الله شباب المسلمين زوجات صالحات

**عمر المختار** · 10 نوف, 2009, 04:44 ص

ليا سؤال للأستاذ شرقاوى

هل تصلح البنت اللى دمها خفيف وروحها حلوة وبتحب الهزار وبتكون مشاكسة فيه هل تصلح كزوجة

ولا كل واحده عايز ه بنك

**الشرقاوى** · 10 نوف, 2009, 04:52 ص

المشاركة الأصلية بواسطة عمر الخيام

ليا سؤال للأستاذ شرقاوى هل تصلح البنت اللى دمها خفيف وروحها حلوة وبتحب الهزار وبتكون مشاكسة فيه .... هل تصلح كزوجة .... ولا كل واحده عايزه بنك

ليه بس ياعم عمر السؤال المحرج ده؟

إنت كده خلطت أمرين :

وهم صفاتها وطلباتها

طبعا تصلح زوجه ........... لكنها تبرز كل هذه الصفات لأنها عاوزه بنك

ولا إيه؟

**عمر المختار** · 10 نوف, 2009, 05:46 ص

المشاركة الأصلية بواسطة الشرقاوى

ليه بس ياعم عمر السؤال المحرج ده؟

إنت كده خلطت أمرين :

وهم صفاتها وطلباتها

طبعا تصلح زوجه ........... لكنها تبرز كل هذه الصفات لأنها عاوزه بنك

ولا إيه؟

والله أنا حسيت من كلامك يا ابن العم ان صفاتها هى طلباتها بس حبيت أسألك يعنى كافادة وعندى كمان سؤال تانى ايه رأيك لما واحد يتجوز واحدة أكبر منه مثلا بتسع سنين

**الشرقاوى** · 10 نوف, 2009, 05:46 ص

السلام عليكم ورحمة الله وبركاته

مشاركة خارج الموضوع:

المشاركة الأصلية بواسطة عمر الخيام

حاسس انك لو ناقشتنى فى السياسة برضه أنا هاتغلب

أوعدك إنك عمرك ماهتتغلب

عارف ليه؟

لأن السياسه ممنوعه في المنتدي

وأنا بقدم هجره لكندا وفي المقابلة الشخصية الست سألتني : هل إنت عضو في حزب أو حركه سياسيه؟
رددت عليها بنفس السلاسه والبساطه طبعا ... أنا مشارك في حزب الـ Silent majority ومبسوط في عضويتى فيه جدا

إطمن إعتبر نفسك كسبان بلا نقاش

**عمر المختار** · 10 نوف, 2009, 05:50 ص

المشاركة الأصلية بواسطة الشرقاوى

السلام عليكم ورحمة الله وبركاته

مشاركة خارج الموضوع:

أوعدك إنك عمرك ماهتتغلب

عارف ليه؟

لأن السياسه ممنوعه في المنتدي

وأنا بقدم هجره لكندا وفي المقابلة الشخصية الست سألتني : هل إنت عضو في حزب أو حركه سياسيه؟
رددت عليها بنفس السلاسه والبساطه طبعا ... أنا مشارك في حزب الـ silent majority ومبسوط في عضويتى فيه جدا

إطمن إعتبر نفسك كسبان بلا نقاش

أنا عارف طبعا ان السياسة ممنوعة فى المنتدى أقصد لو ناقشتك على الماسينجر أو الفيس بوك بس يبدوا انك مابتحبش السياسة بس منضم لحزب برضه يبقى انتا سياسى هههههههههههههههه بس كلمة ظريفة حزب الأغلبية الصامتة تصدق ينفع اسم لحزب معارض ونعارض بالصمت نحط كمامة على بقنا ونقف قدام مقر الحكومة ههههههههههههههههههه

المواضيع	إحصائيات	آخر مشاركة
لمن يريد التطوع في تفريخ نصوص في برنامج ورد ( التطوع عبارة عن كوبي و بيست بدون كتابة ) محتاج 17 شخص بواسطة راجي رحمة ربي ابتدأ بواسطة راجي رحمة ربي, منذ يوم مضى	رد 1 8 مشاهدات 0 ردود الفعل	آخر مشاركة بواسطة الراجى رضا الله منذ 16 ساعات
لمحات مكية :كثرة أسماء الكعبة المشرّفة بواسطة اسلامي عزي ابتدأ بواسطة اسلامي عزي, منذ 5 يوم	ردود 0 10 مشاهدات 0 ردود الفعل	آخر مشاركة بواسطة اسلامي عزي منذ 5 يوم
لمحات مكية : الآيات البينات بواسطة اسلامي عزي ابتدأ بواسطة اسلامي عزي, منذ 5 يوم	ردود 0 8 مشاهدات 0 ردود الفعل	آخر مشاركة بواسطة اسلامي عزي منذ 5 يوم
أرزاقنا كتبها الله لنا بواسطة اسلامي عزي ابتدأ بواسطة اسلامي عزي, منذ أسبوع واحد	ردود 0 7 مشاهدات 0 ردود الفعل	آخر مشاركة بواسطة اسلامي عزي منذ أسبوع واحد
حتى لا ننسى يوم سقوط الأندلس ! بواسطة اسلامي عزي ابتدأ بواسطة اسلامي عزي, منذ 3 أسابيع	ردود 8 15 مشاهدات 0 ردود الفعل	آخر مشاركة بواسطة اسلامي عزي منذ 3 أسابيع

مواصفات المرأة الجميلة في عقل الرجل

عن الكاتب

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع ذات صلة