تويت
درس الأحد (12 )
رئيس هذا العالم
الواعظ الأب ابلس
يدخل إلى الفصل الأب متساهل ومعه أحد الأباء الوعاظ
الأب متساهل.. سلام ونعمة
التلاميذ .. سلام ونعمة
الأب متساهل .. اقدم اليكم الواعظ الأب ابلس الغنى عن التعريف والأسم الذى
الذى يحمله أبونا ابلس هو اسم حبيب لقلوبنا كان يحمله واحد من خدام الرب عاصر القديس بولس الرسول وكانوا الاتنين سوا سوا فى أعمال البر وكان بولس الرسول يعزه جدآ ، والأب ابلس الذى يشرفنا اليوم هو واحد من القلاقل
فى دراسة علم اللآهوت المقارن الذى قدم الكثير، ونشكر له تعبه فى الرب على أعماله العديدة ، وأترككم الآن مع أبونا ابلس وأرجو أن تستفيدوا من حصة الوعظ المزمع أن يلقيها عليكم ، وينصرف الأب متساهل على أثر ذلك
فصيح ..فى سره .. يجعل كلامنا خفيف على الأب ابلس
الأب ابلس .. سعيدة
التلاميذ .. سعيدة مبارك
الأب ابلس .. الأول أحب أعرفكم بنفسى أنا الأب ابلس وأحب الألتزام فى حصة الوعظ بتاعتى يعنى مفيش تجاوزات والكلام يكون بحساب وباستئذان وانا من ناحيتى حاأرد على آى استفسار .
درسنا اليوم حيكون حول جملة( ولكن نجنا من الشرير ) إيلى بنقولها فى صلاتنا وإيلى قبلها أقصد الجملة إيلى قبلها على طول إيلى بتقول ولا تدخلنا فى تجربة وعلشان الواحد فيكم مايبقاش يصلى وخلاص وهو مش فاهم الكلام إيلى بيقوله ، حنشرح ده ، يعنى بنبتدى فى الأول( بأبانا الذى) يعنى زى ماتقولوا كده يعنى بنادى عليه أبانا الذى .. أبانا الذى
ناصح .. لو سمحت ممكن
الأب ابلس .. أيوه
ناصح .. قصد حضرتك بندعوه
الأب ابلس .. برافو عليك ، أيوه هى دى الكلمة إيلى كانت تايهة عنى ، اسمك إيه ؟
ناصح.. وهو يبتسم اسمى ناصح
الأب ابلس .. شاطر اجلس !
فنحن ندعوا زى ما قال ناصح أبانا الذى فى السموات
ناصح .. ممكن تانى لو سمحت ؟
الأب ابلس .. عاوز إيه ؟
ناصح .. عاوز أسئل احنا بنقول أبانا الذى بنقصد مين الأب ولا الأبن ؟
الأب ابلس .. هو ده برضه سؤال آمال اسمك ناصح إزاى ، الظاهر أنا إتغشيت فيك
احنا بنقصد الرب يسوع مش هو الإله ولا إيه ياولاد ، انتوا كلكم ميح ولا انت بس إيلى كده ؟ أنا مضطر أوضح ليكم طبيعة الرب يسوع إيلى وضعها سيدنا البابا وقبلتها كل الكنائس وقد وضع قداسته في ذلك اللقاء صيغة الاتفاق حول طبيعة السيد المسيح قبلها لاهوتي عائلة الكنائس المشتركة معنا في الأيمان ولاهوتي الكنائس الكاثوليكية. وهذا نص الاتفاق الكريستولوجى مع الكاثوليك في سبتمبر 1971بصورة غير رسمية ثم تم قبول هذا على المستوى الرسمي أيضا في فبراير 1988م حينما وقع قداسة البابا شنودة الثالث وممثلو بابا روما ومعهم بطريرك الأقباط الكاثوليك وعدد من الأساقفة واللاهوتيين على هذا
"نؤمن كلنا أن ربنا وإلهنا ومخلصنا يسوع المسيح الكلمة (اللوغوس) المتجسد هو كامل في لاهوته وكامل في ناسوتة وأنه جعل ناسوته واحداً مع لاهوتة بغير اختلاط ولا امتزاج ولا تغير ولا تشويش وإن لاهوته لم ينفصل عن ناسوته حتى إلى لحظة أو طرفة عين (لحظة واحدة ولا طرفة عين). وفى نفس الوقت نحرم كل من تعاليم نسطور و أوطاخى.
نبيه .. بس الكلام ده يابونا مش موجود فى الكتاب المقدس ، البابا جاب الكلام ده منين لما الرب نفسه ماتكلمش عن طبيعته إلآ بقول إبن الانسان حتى وقت التجربة عندما جاع وقال له ابليس ان كنت ابن الله فقل ان تصير هذه الحجارة خبزا ورد عليه وقال مكتوب ليس بالخبز وحده يحيا الانسان فهو يعترف بطبيعته إنه انسان
ناصح .. يابونا سيبك من الطبيعة وخلينا فى الصلاة ، أنا سئلتك لأن الرب يسوع هو إيلى قال لما تيجوا تصلوا قولوا أبانا الذى يعنى كان بيقصد الأب إيلى فوق مش الأبن إيلى تحت وتلاميذه كانت فاهمة كده كويس ولو غير كده يعنى لو الصلاة كانت ليه هو كان التلاميذ اندهشوا واستغربوا لأنه موجود امامهم فإزاى يقولوا أبانا الذى فى السموات وهو قدامهم على الأرض
الأب ابلس .. الظاهر ان الفصل ده مستواه متواضع !!! عمومآ اجلس وبلاش مقاطعة تانى .
يستمر الأب ابلس : ولأن الرب يسوع تعرض للإختبار من رئيس هذا العالم إيلى هو إبليس لما جربه بعد ماصام أربعين يوم وأصعده الروح وسلمه لإبليس ليجربه ونجح الرب يسوع وسقط ابليس لإنه لم يتعرف عليه ولم يكتشف شخصيته ولم يعرف خطته على إنه هو حمل الله ليكون كفارة عن خطايانا
فصيح .. ممكن لو سمحت يابونا ؟
الأب ابلس .. اتفضل
فصيح .. وما هى شخصيته التى لم يعرفها ابليس ؟
الأب ابلس .. لأ بقى ده انتوا كلكوا أغبيا... هو يابنى مش مكتوب فى الانجيل
ان الرب يسوع بعد صيامه جاع فتقدم اليه المجرب و قال له ان كنت ابن الله فقل ان تصير هذه الحجارة خبزا فرد عليه الرب يسوع وقال مكتوب ليس بالخبز وحده يحيا الانسان بل بكل كلمة تخرج من فم الله فلم يعرف ابليس انه حمل الله وابنه الذى جاء للفداء عنا وبعد كده حمله ابليس إلى جبل عال جدآ واراه جميع ممالك العالم و مجدها
فصيح .. هو الرب يسوع هو حمل الله ولا ابليس هو إيلى حمله ؟
الأب ابلس .. يابنى أنا باقول ان ابليس حمل الرب يسوع يعنى شاله يعنى رفعه على كتفه عمرك ما شفت واحدة ست شايله ابنها على كتفها ، غباء إيه ده !!
فصيح .. بس مكتوب فى الانجيل ان ابليس أخذه مش حمله
الأب ابلس .. ياساتر على الغباء ، يابنى اعمل معروف افهم بقى يعنى بعقلك كده ابليس أخذ الرب من إيده وجره وراه ، من الطبيعى انه حمله يعنى شاله
يعنى لفحه على كتفه ولا انت صدقت إنه خده من إيده وطلع بيه جبل عالى جدآ ، فكر شوية وشغل مخك ومتاخدش على كلام الانجيل حرفيآ ومش معقول الانجيل حيقولك ان ابليس لفح الرب على كتفه وطلع بيه الجبل ، حتبقى عيبة كبيرة قوى ، اجلس... نكمل بقى :
هنا الرب يسوع أصبحت عنده خبرة كبيرة من التجربة دى وطلع بنتيجة حلوة كتير لما قهر ابليس وابليس معرفش ياخد معاه حق ولا باطل . فاحنا بنقول أبانا الذى لأنه بخبرته السابقة مع ابليس إيلى هو رئيس هذا العالم يخلينا نغلب هذا الشرير . والكلمتان حمل وحمل إيلى إتلخبط فيهم زميلكم فصيح الفرق فى معناهم شاسع فكلمة حمل أتت أولآ بمعنى حمل آى خروف صغير وحمل التانية يعنى بمعنى شال أو رفع أو لفح على كتفه !! هو مفيش حد فيكم من مواليد برج الحمل ، المفروض انكم عارفين معنى حمل يعنى إيه، فهمتوا لحد هنا ؟ كويس نكمل بعد أبانا الذى فى السموات حد يكون حافظ يقف ويقولنا بعد كده إيه ؟!!
نبيه .. ليتقدس اسمك
ليات ملكوتك لتكن مشيئتك كما في السماء كذلك على الارض
خبزنا كفافنا اعطنا اليوم
واغفر لنا ذنوبنا كما نغفر نحن ايضا للمذنبين الينا
ولا تدخلنا في تجربة لكن نجنا من الشرير لان لك الملك و القوة و المجد الى الابد امين
الأب ابلس .. شاطر برافو!!!! اسمك إيه ؟
نبيه .. وهومستغرب اسمى نبيه … إيه يابونا هو حضرتك مش حافظ الصلاة
الأب ابلس .. انت مسمعتش الأب متساهل وهو بيقول ان ليا دراسات فى علم اللآهوت المقارن ، بس من كتر مالواحد بيبحث ويدور ويحزر ويزور قصدى ويحزر ويفزر أحيانآ الواحد بينسى وأحيانآ بيتذكر فينسى بعض الاساسيات البسيطة
تريزا .. لو سمحت يابونا سؤال
الأب ابلس .. أيوه ياأمورة اسمك إيه ؟
تريزا .. أنا تريزا
الأب ابلس .. اتفضلى ياحبيبتى
تريزا .. حضرتك بتتكلم عن رئيس هذا العالم إيلى احنا بنقول عليه إنه ابليس
عاوزة اعرف ليه الرب يسوع كان مخبى عنه شخصيته ؟
الأب ابلس .. تانى .. انت عاوزانى أطلع من هدومى , يا حبيبتى هو الرب مش نزل من فوق وتجسد على الأرض لما ولد من مريم ، يعنى نزل من السماء إيلى هى بتاعته إلى الأرض إيلى هى تحت سيطرة رئيس هذا العالم إيلى هو ابليس ، يعنى دخل حدود مش بتاعته يعنى دخل منطقة محظورة علشان كده أخفى نفسه عن رئيس هذا العالم علشان ميتعرفش ، فلو ابليس هرشه وعرف شخصيته كان منعه وفشل الفداء لذلك كان الرب يسوع حريص على السرية التامة وزى المثل مابيقول دارى على شمعتك تئيد فهمتى ليه كان الرب يسوع مخبى نفسه ولا أقول كمان ؟
نبيه .. على فكرة يابونا المثل ده كمان غلط
الأب ابلس .. ليه بأه ياشاطر ؟
نبيه .. لأن المفروض الرب يسوع يطفى شمعته علشان إبليس مايشفوش
تريزا .. ممكن أكمل سؤالى
الأب ابلس .. اتفضلى
تريزا .. جاء فى انجيل يوحنا
14: 16 و انا اطلب من الاب فيعطيكم معزيا اخر ليمكث معكم الى الابد
14: 17 روح الحق الذي لا يستطيع العالم ان يقبله لانه لا يراه و لا يعرفه و اما انتم فتعرفونه لانه ماكث معكم و يكون فيكم
ونحن نقول ان المعزى هو الروح القدس الذى يمكث معنا للأبد ، فهل الروح القدس الموجود معنا الأن يخفى نفسه عن ابليس رئيس هذا العالم وابليس لا يعلم عنه شيىء
الأب ابلس .. وهو فى أشد الحرج سؤالك جيد جدآ ويخاطب باقى التلاميذ
سمعتم سؤال زميلتكم تريزا ، فيه حد فيكم يعرف الاجابة ؟
التلاميذ .. سكوت
الأب ابلس .. سؤالك فعلآ ممتاز جدآ ياتريزا ولكن للأسف وقت الوعظة انتهى
ولولا ذلك لأجبت لك عن سؤالك ولكن حظك كده ، الوعظة الجاية نكمل شرح باقى أبانا الذى وأجاوب على سؤالك
نتقابل الاسبوع القادم
سعيدة
التلاميذ سعيدة مبارك
واخر دعوانا ان الحمد لله رب العالمين
لا شريك له
رابط الدرس السابق
https://www.hurras.org/vb/showthread.php?t=18727
تعليق