أكد البابا شنودة بابا الإسكندرية وبطريرك الكرازة المرقصية، أن "السبتيين" الذين يؤمنون بالقدوم الثانى للمسيح وجلوسه فى أورشليم، ليسوا مسيحيين لكثرة مبادئهم المأخوذة عن اليهود، وأضاف أنهم ليسوا أيضاً من اليهود، ولكنهم يؤمنون بمبادئ يهودية فقط.

أكد البابا، أنه لا يجوز حرمان الأطفال المصريين أولاد الأم غير الأرثوذكسية من "التعمُّد" وممارسة طقوس "التناول" داخل الكنائس المصرية، وأوضح "الأطفال فى هذه الحالة لا يتحملون خطية والدهم بالزواج من خارج الطائفة".

ونصح البابا شنودة، خلال عظته الأسبوعية أمس، الأربعاء، شباب المسيحيين بعدم الزواج إلا بمن يوافقهم فكراً وطباعاً، وقال "عند الارتباط يجب أن ينظر الشاب إلى الأمور الجوهرية للفتاة وليس إلى الأمور الظاهرية فلا كبرياء فى مسألة الزواج بالتحديد".

ووصف البابا قابيل بأنه أول إنسان لعنه الله ولعنته البشرية، لأنه ارتكب أول خطيئة بقتل شقيقه هابيل، وقال "تلك الحادثة تعكس أن صلة القرابة لا تمنع من وقوع الكراهية بين الأخ وأخيه".

كما تطرق البابا للحديث عن لحظة الموت، وشدد على ضرورة استعداد كل مسيحى لتلك اللحظة، مضيفاً أن الإنسان يجب أن يتذكر خطيته، خاصة إذا كانت انفعالية أو شهوانية، وأن ويصلى من أجل أن يغفرها له الرّب.

المصدر هنا

وهنا بعض الردود على الجريدة



امال احنا ايه

بواسطة: مينا
بتاريخ: الخميس، 8 أكتوبر 2009 - 18:24
يعنى أحنا مش مسيحيين ...ومش يهود ....يعنى لما نموت مش ح نروج الجنه ولا ح نروح النار ..يعنى ح نبات فى الشارع ولا إيه فهمونا ؟؟؟؟




الى الأخ مينا وسؤاله الغريب

بواسطة: مصرى مسلم
بتاريخ: الخميس، 8 أكتوبر 2009 - 18:52
الأخ مينا بيسأل (احنا مسيحيين ولا يهود؟ يعنى لما نموت حنخش الجنة والا النار فهمونا)؟!!!

هوا انت افترضت ضمنيا خلاص انك لو مسيحى حتخش الجنه ولو يهودى حتخش النار؟
وبعدين انت بتسأل مين؟ هوا فيه حد غير الله يقدر يجزم بالتأكيد مين حيدخل الجنة ومين حيدخل النار؟ والا انت بتسأل البابا شنودة؟؟!!!
لأ بجد أنا مش باتريق ، أنا عاوز أفهم انت بتوجه سؤالك لمين؟

لكن بخصوص موضوع الجنة والنار ده ، فالله أعلم بالمهتدين.
والسلام ختام يابو مينا.
مصرى - مسلم

ازاى بس
بواسطة: taten
بتاريخ: الخميس، 8 أكتوبر 2009 - 20:23
احنا دايمآ بنقول ياريت الآخر يقبلنا ونقصد بالآخر دة المسلمين طب ازاى بنطلب من المسلمين يقبلونا اذا كنا احنا نفسنا مش قابلين بعض اذا كانت كنيسة الاسكندرية اصدرت حرومات ضد كنيسة روما و كنيسة روما اصدرت حرومات ضد كنيسة الاسكندرية والى الآن لم ترفع الحرومات ين الكنيستين واذا كان البابا يعتبر شهود يهوة و السبتيين الادفنتست و المورمون مش مسيحيين بل و يرفض ان تقام لهم قاعات ملكوت ليتعبدوا فيها ازاى عاوزين من المسلمين اللى هما مش من دينا اصلآ يقبلونا و يقبلوا ان نقيم اماكن لعبادتنا اذا كنا احنا اصلآ مش قابلين بعض